Deuteronomy10
1ऊ घड़ी यहोवा हमरा से कहलन, पहिले के समान पत्थर के दुगो तख्तियन खोदऽ, आउर पहाड़ पर हमरा भीर आके लकड़ी के एगो सन्दूक बनावऽ। 2आउर हम ऊ तख्तियन पर ओही वचन लिखम जौन ऊ पहिलका तख्तियन पर हल जेकरा तूँ तोड़ देलऽ, आउर तूँ ओकरा सन्दूक में रखिहऽ।3तब हम बबूल के लकड़ी के एगो सन्दूक बनईलन, आउर पहिले के जईसन पत्थर के दूगो तख्तियन खोदली, आउर ऊ दून्नो तख्तियन के हाथ में लेले हम पहाड़ पर चढ़ गेली।4आउर जौन दसगो आज्ञा यहोवा सभा के दिन पहाड़ पर आग के बीच में से तोरा से बोललन हल, ओकरा ऊ पहिलका लेख के जईसन ऊ तख्ती पर भी लिखलन; तब यहोवा ओकरा हमरा दे देलन।5आउर हम पहाड़ पर से उतर अईली, आउर तख्तियन के अपन बनाबल गेल सन्दूक में रख देली; ऊ ओईसहीं हे, जईसे यहोवा हमरा आज्ञा देलन हल।6इस्राएली बेरोत बेने याकान से जतरा कर के मोसेरा में गेलन। उहाँ हारून मर गेलन, आउर उनका मिट्टी देवल गेल; ओकर बाध उनकर बेटा एलीआजर उनकर जगह पर याजक के काम कईलन। 7उहाँ से ऊ गुदगोदा के आउर गुदगोदा से योतबाता में, जौन जल के धारा के देश हे, जतरा कर के गेलन।8ऊ घड़ी यहोवा लेवी के गोत्र के यहोवा के वाचा के सन्दूक उठावे लागी चुन लेलन, कि ऊ यहोवा के सामने खड़ा होके उनकर सेवा करतन, आउर आज के जईसन उनकर नाम से लोग के आशीर्वाद देतन। 9ई चलते लेवी के अपन भईवन के साथे जमीन के कुछ हिस्सा चाहे निज हिस्सा नऽ मिलल; यहोवा उनकर निज हिस्सा हथिन जईसे तोर परमेश्वर यहोवा उनका से कहलन हल।10"हम पहिले के समान पहाड़ पर चालीस दिन आउर चालीस रात रहली। यहोवा ऊ घड़ी भी हमर प्रार्थना सुन लेलन; यहोवा तोरा नाश करे ला नऽ चाह हलन।11फिन यहोवा हमरा से कहलन, उठऽ, लोग के आगे-आगे चल के ओखनी के मार्ग में ले चलऽ। ओखनी ऊ देश में ढूकतन, जौन देश के देवे के हम ओखनी के वंशजवन से किरिया खईली हल, ओकरा में ऊ प्रवेश कर के अधिकारी हो जईतन।12अब हे इस्राएल, तोर परमेश्वर यहोवा तोरा से का चाहऽ हथिन, बदले एकर कि तूँ अपन परमेश्वर यहोवा के भय मानऽ, आउर उनकर सभे राह पर चलऽ, उनका से प्रेम रखऽ, आउर अपन परमेश्वर यहोवा के आराधना अपन पूरा मन आउर पूरा जी-जान से करऽ। 13आउर यहोवा के जौन आज्ञा आउर विधि हम आज तोरा सुनावऽ ही ओकरा तूँ अपना ला मानते रहिहऽ?14देखऽ, स्वर्ग आउर स्वर्ग मतलब कि धरती आउर जौन कुछ ओकरा में हे सभे तोर परमेश्वर यहोवा के हे।15बाकि यहोवा तोर पुरखन के अईसन खुशी देलन, काहेकि ऊ उनका से प्रेम रखऽ हलन, आउर ऊ ओकर बाद आउर सभे देश के लोग से जादे तोरा मतलब कि उनकर वंश में से चुन लेलन, जईसे ऊ आज भी करऽ हथिन। 16येहिसे अपन हृदय के चमड़ी के खतना करऽ आउर, फिन हठ नऽ करऽ। 17काहेकि तोरा परमेश्वर यहोवा देउतवन के परमेश्वर आउर स्वामियन के परमेश्वर, पराक्रमी आउर भययोग्य हथन, जौन कोई के साथे पक्षपात नऽ करऽ हथिन, आउर नऽ रिश्वत ले हथिन। 18ऊ अनाथ आउर विधवा के न्याय करऽ हथिन, आउर परदेशी के भोजन आउर कपड़ा दे के ओकरा से प्रेम रखऽ हथिन19येहिसे परदेशियन से प्रेम रखिहऽ; काहेकि तूँ मिस्र देश में परदेशी हलऽ। 20तूँ अपन परमेश्वर यहोवा के भय मानिहऽ; तूँ उनके उपासना करिहऽ? उनके में लौलीन रहिहऽ, आउर उनके नाम के किरिया खईहऽ।21ओही तोर स्तुति हथिन, आउर ओही तोर परमेश्वर हथिन, जौन तोरा ला बड़का-बड़का आउर भयंकर काम कईलन हे, जौन तूँ अपन आँख से देखऽ हऽ।22तोर पुरखा खाली सत्तरगो आदमी मिस्र में गेलन; अखनी कनान में तोर परमेश्वर यहोवा तोरा आसमान के तरेगन के जईसन बहुत जादे बना देलन हे।
Bridge Connectivity Solutions Pvt. Ltd.