Deuteronomy8
1जौन-जौन आज्ञा हम आज तोरा सुनावऽ ही ऊ सभे के तूँ मानिहऽ, जेकरा से तूँ जिन्दा रहवऽ, आउर बढ़वऽ, आउर कनान देश में जा के ओकर अधिकारी हो जईवऽ जेकरा बारे में यहोवा तोर वंशज से किरिया खईलन हे।2आउर ऊ सभे के याद करऽ, जौन चालीस वरिस तक तोर परमेश्वर यहोवा जंगल में तोरा कईसे ले अईलन हे, जेकरा से ऊ तोरा नम्र करतन, आउर तोर परख कर के जान लेतन कि तोर मन में का हे, कि तूँ ओकर हिफाजत करवऽ कि नऽ। उनकर आज्ञा हे कि नऽ।3ऊ तोरा नम्र कईलन, आउर भूखे रखलन, आउर जौन मन्ना के तूँ नऽ जानऽ हलऽ, आउर तोर पुरखा लोग भी न जानऽ हलन, ऊ तोरा खिलईलन। ऊ तोरा ई बतावे लागी अईसन कईलन कि खाली रोटी से ही लोग जिन्दा न रह हथन; बलुक, यहोवा के मुँह से जे कुछ निकल हे ओकरे से जिन्दा रहऽ हथन। 4ऊ चालीस वरिस में तोर कपड़ा कहियो पुराना होके नऽ फटल, आउर तोर गोड़ नऽ सूजल।5तूँ अपने मन में सोचवऽ, कि जईसे कोई आदमी अपन बेटा के ताड़ना दे हे, ओईसहीं तोर परमेश्वर यहोवा तोरा ताड़ना दे हथिन। 6तूँ अपन परमेश्वर यहोवा के भय के मानवऽ, जेकरा से तूँ उनकर राह पर चलवऽ, आउर उनका इज्जत करवऽ।7काहेकि तोर परमेश्वर यहोवा तोरा एगो बढ़िया देश में ले आवऽ हथिन, जौन नाला आउर सोता के देश हे जौन घाटी आउर टीला पर बहऽ हे;8गेहूँ आउर जौ, दाखलता, अंजीर के पेड़, आउर अनार के देश; जैतून के तेल आउर मधु के देश।9ऊ अईसन देश हे जेकरा में तूँ बिना कुछ कईले रोटी खईब, आउर जेज्जा तूँ बिना कुछ कईले जईबऽ; ऊ धरती जेकर पत्थर लोहा के बनल हे, आउर ओकर पहाड़ियन से तूँ तांबा खोद सकल हे।10तूँ खईबऽ आउर अघा जईबऽ, आउर अपन परमेश्वर यहोवा के ऊ बढ़ियाँ देश के चलते जौन ऊ तोरा देलन हे, धन्य कहबऽ।11होशियार रहऽ, अईसन नऽ होवे, कि तूँ अपन परमेश्वर यहोवा के भुलाके उनकर जौन आज्ञा, आउर नियम, आउर विधि हम आज तोरा सुनाव ही ओकरा माने से मत चूक जईहऽ।12नऽ तऽ जखनी तूँ खईबऽ, आउर अघा जईबऽ, आउर बढ़ियाँ घर बना के ओकरा में रहबऽ, तब तोर मन फूल जायेत।13आउर जखनी तोर गाय-बैल आउर भेड़-बकरियन बढ़ जाय, आउर सोना चाँदी बढ़ जाय, आउर तोर सभे कुछ बढ़ जाय, तब होशियार रहिहऽ;14तब तोर मन फुल जायत, आउर तूँ अपन परमेश्वर यहोवा के भूल जईबऽ, जौन तोरा दासत्व के घरे मतलब कि मिस्र देश से निकास ले अईलन हे।15ओकरा मत भुला, जे तोरा ऊ बड़का आउर डरावना जंगल में से ले गेलन, जेज्जा बिखधर सांप आउर बिच्छू हे, पियासल जमीन जेज्जा पानी नऽ हे, आउर जौन तोरा चकमक के पत्थर के चट्टान में से जल निकास ले अईलन। 16ऊ जंगलवा में तोरा मन्ना खिलईलन, जौन तोर पुरखावन कहियो नऽ जानलन हल, कि तोरा नम्र बनईतन, आउर परखतन, आउर अन्त में तोरा भलाई करतन।17बाकि तूँ अपन मन में कह सकलऽ हे, कि ई समूचे धन हमरे ताकत आउर हमरे हाथ के ताकत से मिललई हे18बाकि तूँ अपन परमेश्वर यहोवा के याद करिहऽ, काहेकि ओही तोर धन पा लेवे के शक्ति दे हथिन; कि जौन वाचा ऊ तोर बाप-दादा से किरिया खईलन हल, ओकरा ऊ आज के मोताबिक पूरा करतन।19अईसन होतई, कि यदि तूँ अपने परमेश्वर यहोवा के भूला के दूसरा देउतवन के पीछे चल जईवऽ, आउर ओकर दण्डवत आउर सेवा करबऽ, आउर ओकर डर मानवऽ, तऽ हम आज तोर खिलाफ गवाही दे ही, कि तूँ पक्का नाश हो जईबऽ।20जईसे ऊ जतियन के समान जेकरा यहोवा तोरा साम्हने से नाश करे ला चाहऽ हथिन, ओईसहीं तूँ भी नाश हो जईब, काहेकि तूँ यहोवा के नऽ सुनलऽ।
Bridge Connectivity Solutions Pvt. Ltd.