Deuteronomy7
1जब तोर परमेश्वर यहोवा तोरा ऊ देश में पहुँचईतन जेकर अधिकारी होवे ला तूँ जा रहल हे, तब ऊ तोरा सामने से हित्ती, गिर्गाशी, एमोरी, कनानी, परिज्जी, हिव्वी, आउर यबूसी मतलब कि सातगो बड़कन जतियन के निकाल देतन, जे तोरा बड़ी मजबूत हे। 2जखनी तूँ ओकरा हरईबऽ, तब तोर परमेश्वर यहोवा ओखनी के तोर काबू में कर देतन, आउर तब तोरा ओकरा पूरा तरह से नाश करे पड़त तूँ ओखनी से कोई वाचा नऽ बाँधिहऽ, आउर नऽ ओकरा पर दया करिहऽ।3आउर तूँ ओखनी से बियाह करिहऽ। तूँ अपन बेटियन के ओखनी के बेटवन के नऽ दिहऽ, आउर नऽ ओखनी के बेटियन से अपन बेटवन के बियाह करिहऽ।4काहेकि ऊ तोर बेटवन के हमर पीछे चले से अईसन बहकईतन, कि ऊ दूसरा देउतवन के उपासना करतन। ई तरह से यहोवा के गोस्सा तोरा पर भड़क उठत, आउर ऊ तोरा जल्दिये नाश कर देतन।5तूँ ओखनी से ई तरह से निपटिहऽ: तूँ ओखनी के वेदियन के ढाह दिहऽ, ओकर खम्भा के टुकड़ा-टुकड़ा कर दिहऽ, ओकर अशेरा नाम के मूर्तियन के काट दिहऽ, आउर ओकर बनावल गेल मूर्तियन के जला दिहऽ। 6काहेकि तूँ एगो अईसन जाति होवऽ जौन अपन परमेश्वर यहोवा लागी पवित्र कर देवल गेलऽ हे। ऊ तोरा धरती पर रहे वाला दूसरा सभे लोग से जादे अपन अधिकार में रखे लागी चुनलन हे।7यहोवा तोरा से प्रेम नऽ कईलन, आउर तोरा येहिसे चुनलन कि तूँ गिनती में सभे देश के लोगवन से जादे हल, काहेकि तूँ सभे देश के लोगवन में सभे से कम हल।8बाकि येहिसे कि ऊ तोरा से प्रेम रखऽ हथिन, आउर ऊ किरिया के मानेला चाहऽ हथिन जौन ऊ तोर बाप-दादा से खईलन हल। ई तरह यहोवा तोरा बलवंत हाथ से निकास के दासत्व के घर में से, मतलब कि मिस्र के राजा फिरौन के हाथ से छुड़ा लेलन हे।9येहिसे समझलऽ कि तोर परमेश्वर यहोवा ही परमेश्वर हथिन, आउर विश्वासयोग्य परमेश्वर हथिन, जौन उनका से प्रेम रखतन आउर उनकर आज्ञा के माने वाला के साथे हजार पीढ़ी तक वाचा करुणा आउर सच्चाई करऽ हथन।10बाकि अपन बैरियन के ओकरे मुंहे पर बदला दे हथिन, कि ओखनी के नाश कर डालतन; जौन कोई ओकरा से बैर रखऽ हे ओकर परति दयालु नऽ होतन; ऊ ओकर मुँह पर बदला देतन।11येहिसे जौन-जौन आज्ञा, जौन विधि, आउर जौन नियम हम आज तोरा सुनावऽ ही ओकरा तूँ मानिहऽ, आउर ओकरा तूँ पालन करिहऽ।12यदि तूँ ई सभे विधियन के सुनवऽ, आउर मानवऽ, आउर ओकरा पर चलवऽ, तऽ तोर परमेश्वर यहोवा जौन करुणामय वाचा आउर सच्चाई ऊ तोर पुरखा लोग से किरिया खा के बाँधलन हे, ऊ तोरा साथे पूरा करतन।13ऊ तोरा से प्रेम रखतन, आउर तोरा आशीर्वाद देतन, आउर तोरा बढ़ईतन; आउर जौन देश के देवे ला ऊ तोर वंशज से किरिया खईलन हे ओकरा में ऊ तोर उपज, आउर अनाज, आउर नया दाखमधु, आउर तोर तेल के उपज, आउर तोर गाय-बैल, आउर भेड़-बकरियन के बच्चवन के बहुतायत से आशीर्वाद देतन।14तोहनी सभे जाति-जाति के लोगवन से जादे धन्य होवऽ; तोर बीच में चाहे तोर जनावर में कोई बिना बच्चा नर चाहे बाँझ मादा नऽ होत।15यहोवा तोरा से सभे तरह के रोग दूर करतन; मिस्र के जेतना भयंकर बेमारियन तूँ जान लेलऽ हे ओकरा में से कोई भी तोरा नऽ लगत, बाकि जौन तोरा से बैर रखऽ हथिन ऊ सभे के ऊ लईतन।16तूँ ऊ सभे के नाश कर देवऽ जेकरा तोर परमेश्वर यहोवा तोर वंश में कर देतन, आउर तूँ ओकरा पर दया नऽ करवऽ। तूँ ओकर देउतवन के उपासना नऽ करिहऽ, काहेकि ऊ तोरा ला जाल के जईसन होत।17यदि तूँ अपन मन में कहवऽ कि, ई सभे जतियन हमरा से जादे हे; हम उनका कईसे बेदखल कर सकऽ ही?18ओकरा से मत डरऽ; तूँ याद करऽ कि तोर परमेश्वर यहोवा फिरौन आउर समूचे मिस्र से का कईलन;19जौन बड़का-बड़का दुःख तूँ अपन आँख से देख लऽ, आउर जौन चिन्ह, आउर चमत्कार आउर जौन शक्तिशाली हाथ, आउर जौन भुजा बढ़ा के तोर परमेश्वर यहोवा तोरा निकास लईलन। तोर परमेश्वर यहोवा ओखनी सभे लोग के साथे ओईसहीं करतन जेकरा से तूँ डरवऽ20आउर तोर परमेश्वर यहोवा ओखनी के बीच बर्रे भी भेजतन, हियाँ तक कि जौन बचल हथिन आउर तोरा से लूक जईतन ओहू तोर सामने से नाश हो जईतन। 21तूँ ओकरा से नऽ डरिहऽ, काहेकि तोर परमेश्वर यहोवा तोर बीच में हथिन, ऊ महान आउर भययोग्य परमेश्वर हथिन।22तोर परमेश्वर यहोवा ऊ सभे जातियन के तोर सामने से धीरे-धीरे निकास देलन। तूँ ऊ सभे के एक ही बार में नऽ हरा पईवऽ, नऽ तऽ तोर अगल-बगल जंगली जनावर बड़ी जादे हो जईतो। 23बाकि जब तूँ युद्ध में ओकरा से मिलवऽ, तब तूँ अपन परमेश्वर यहोवा तोरा ओकरा पर जयवन्त करतन; ऊ ओखनी के तब तक बड़ी भरमईतन जब तक ऊ नाश नऽ हो जाय।24ऊ ओखनी के राजवन के तोर काबू में कर देतन, आउर तूँ ओखनी के नाम धरती पर से मिटा डालवऽ। जखनी तक तूँ ओखनी के नाश कर देवऽ तखनी तक कोई तोर सामने नऽ रुक सकल हे।25तूँ ओखनी के देउतवन के बनावल गेल मूर्तियन के जला दिहऽ; आउर ऊ चाँदी चाहे सोना के लालच नऽ करिहऽ, जे ओकरा पर मढ़ल हे, आउर ओकरा अपना ला नऽ लिहऽ; काहेकि तूँ जदि अईसन करवऽ, तऽ ओकर चलते फंस जईबऽ, काहेकि ई तोर परमेश्वर यहोवा के नजर में घिनामन हे।26तूँ अपन घर में कोई मूर्ति जइसन घिनामन चीज लाके ओकर उपासना नऽ करिहऽ। तूँ एकरा पूरा तरह से घिरना आउर नफरत करिहऽ।
Bridge Connectivity Solutions Pvt. Ltd.