Deuteronomy33
1ई ऊ आशीर्वाद हे जे परमेश्वर के जन मूसा मरे से पहले इस्राएल के लोग के देलन हल।2मूसा कहलन, यहोवा सीनै से अईलन, आउर सेईर से उनकर उपर प्रकाशित होलन। ऊ पारान के पहाड़ से चमकलन, आउर ऊ लाखो पवित्र लोग के साथे अईलन। ओकर दहिना हाथ में बिजली के जईसन चमक हल। 3यहोवा सच में ऊ देश के लोग से प्रेम रखऽ हथिन; उनकर सभे पवित्र लोग तोर हाथ में हे, आउर ओखनी तोर गोड़ पर दण्डवत कईलन हे; आउर ओखनी के तोर वचन मिल गेल।4मूसा हमनी के याकूब के मण्डली ला एगो अपन भाग होवे के आज्ञा देलन।5तब यशुरून में एगो राजा हलन, जखनी प्रजा के मुख्य आदमी, आउर इस्राएल के सभे गोत्र जमा होलन हल। 6रुबेन जिन्दा रहतन आउर नऽ मरतन, बाकि उनकर आदमी थोड़ा सा होतन।7ई यहूदा लागी आशीष हे। मूसा कहलन, हे यहोवा, यहूदा के बात सुनऽ, आउर उनका उनकर लोग भीर फिन से ले आवऽ। ओकरा ला लड़ऽ; ओकर दुश्मन के खिलाफ मददगार बनऽ।8मूसा के लेवी के बारे में कहलन, तोर तुम्मीम आउर ऊरीम तोर विश्वासयोग्य दास लेवी भीर हे, जेकरा तूँ मस्सा में परखलऽ हल, आउर जेकरा से तूँ मरीबा के सोता में वाद-विवाद कईलऽ हल। 9जौन आदमी तोर माय-बाबूजी के बारे में कहलन, हम उनका नऽ देखली। ऊ नऽ तऽ अपन भईवन के खियाल रखलन, आउर नऽ अपन बाल-बच्चा के कुछ खियाल रखलन, काहेकि ऊ तोरा वचन के हिफाजत कईलन आउर तोर वाचा के पालन कईलन।10ऊ याकूब के तोर विधि सिखईलन हे आउर इस्राएल के तोर व्यवस्था सिखईलन हे। ऊ तोर आगे धूप, आउर तोर वेदी पर समूचे होमबलि डालतन।11हे यहोवा, उनकर सम्पति पर आशीर्वाद देतन, आउर उनकर हाथ के काम के कबूल करतन। जे लोग उनकर खिलाफ उठऽ हे, आउर जौन लोग उनका से दुश्मनी रखऽ हे उनकर कमर के तोड़ देतन, कि ऊ फिन नऽ उठतन।12बिन्यामीन के बारे में मूसा कहलन, जे यहोवा के प्यारा हथिन ऊ उनका भीर रहऽ हथिन; यहोवा दिन भर ओकर सुरक्षा करऽ हथिन, आउर ऊ यहोवा के बाँह के बीच में रहऽ हथिन।13मूसा यूसुफ के बारे में कहलन, उनकर देश के यहोवा के तरप से स्वर्ग के अनमोल चीज, आउर ओस, आउर नीचे के गहिरा जल से आशीष मिलत।14ओकर जमीन रौदा के उपज के अनमोल चीज, आउर महीना के उपज के अनमोल चीज से आशीषित होत,15पुरनकन पहाड़वन के बढ़िया-बढ़िया चीज से, आउर अनगिनत पहाड़ियन के अनमोल चीज से।16ओकर देश धरती के अनमोल चीज आउर ओकर भरपूरी से, आउर जे जलते झाड़ी में परकट होलन हल उनकर खुशी से धन्य होवे। यूसुफ के माथा पर, आउर उनकर सब भाई के उपरे जौन प्रधान हल, ओकर माथा पर भी आशीष आवे।17बैल के पहिलौठा, ऊ प्रतापी हे, आउर ओकर सींग जंगली बैल के जईसन हे। उनकर द्वारा ऊ देश-देश के सभे लोग के धरती के छोर तक ढकेल देतन। एप्रैम के लाखों ई सभे हे; ई सभे हजारो मनश्शे हे। 18जबूलून के बारे में मूसा कहलन, "हे जबूलून, खुद बहारसी निकसते घड़ी आनन्द करऽ, आउर हे इस्साकार, अपन डेरा में आनन्द करऽ।19ऊ देश-देश के लोग के पहाड़ी पर बुलईतन। ऊ उहाँ धर्म के बलिदान चढ़ईतन। काहेकि ऊ समुद्र के धन, आउर समुद्र के किनारे के बालू भी चूस लेतन।"20मूसा गाद के बारे में कहलन, यहोवा के स्तुति करऽ, जे उनकर क्षत्र के बड़ा कईलन उनकर गोत्र के लोग ऊ शेर के जइसन अपन दुश्मन सब पर भयंकर आक्रमण करतन जे झुक के कोई जानवर के बाँह चाहे खोपड़ी के तगत में रहऽ हथन।21आउर ऊ सभे से बढ़ियाँ-बढ़ियाँ भाग अपन ला रख लेलन, काहेकि धरती में प्रधान के भाग रखल हल। ऊ प्रजा के मुख्य आदमियन के साथे अईलन। ऊ इस्राएल के साथे यहोवा के न्याय आउर विधियन के पूरा कईलन।22दान के बारे में मूसा कहलन, दान शेर के लईका हे जौन बाशान से छलाँग लगावऽ हे।23नप्ताली के बारे में मूसा कहलन, नप्ताली जौन यहोवा के खुशी से खुश, आउर आशीष से भरपूर होके, पच्छिम आउर दक्खिन दने के देश में अपन अधिकार में कर लेतन।24आशेर के बारे में मूसा कहलन, आशेर सभे बेटा बारे में धन्य होतन; ऊ अपन भाई सब में प्रिय ठहरतन, आउर अपन पांव जैतून के तेल में डुबईतन। 25तोर नगर के बेड़ी लोहा आउर पीतल के होवे; जेतना लंबा दिन तोर रहत, ओतने लम्बा तोर शान्ति रहत।26हे यशुरून, परमेश्वर के जईसन कोई नऽ, मतलब कि सीधा हे, जे तोर मदत लागी आकाशमण्डल पर सवार होवऽ हथिन, आउर अपन शक्ति के साथे बादल पर भी चढ़ऽ हथिन। 27सनातन परमेश्वर शरणस्थान हथिन, आउर नीचे अनन्त भुजा हे। ऊ दुश्मन के तोर सामने से निकास देलन, आउर ऊ कहलन ओकर नाश करऽ28इस्राएल के लोग निडर रहलन। अनाज आउर नया दाखमधु के देश में याकूब के सोता सुरक्षित हल; सच में, उनकर आसमान से उनका पर ओस गिरत।29हे इस्राएल, तोर आशीष बड़ी हे! तोर समान कौन हे, यहोवा के द्वारा बचावल प्रजा, तोर सहायता के ढाल, आउर तोर प्रताप के तलवार? तोर दुश्मन काँपते तोरा भीर अईतन; तूँ ओखनी के ऊँचा जगह सब के रौंद देवऽ।
Bridge Connectivity Solutions Pvt. Ltd.