Deuteronomy32
1हे स्वर्ग, कान लगावऽ, आउर हमरा बोलम; आउर धरती हमर मुंह के बात सुन लऽ।2हमर शिक्षा के बरखा के जईसन बरखत, हमर वचन के ओस के जईसन टपकत, नरम घास पर हल्का वर्षा के जईसन, आउर पेड़ के वर्षा जईसन गिरत।3काहेकि हम यहोवा के नाम के प्रचार करम, आउर अपन परमेश्वर के बड़ाय करम।4चट्टान, ओकर काम बढ़ियाँ हे; काहेकि उनकर सभे राह न्यायपूर्ण हे। ऊ विश्वासयोग्य परमेश्वर हथिन, आउर अधर्म से अलग हथिन। ऊ धर्मी आउर सीधा हथिन। 5इस्राएल के लोग यहोवा के खिलाफ गलत काम कईलन हे। ऊ सभे उनकर संतान नऽ हथिन। ई उनकर बेईज्ज्ती कईलन हे, ऊ सभे बिगरल आउर छली हे। 6हे मूरख! आउर बेलूरा लोग, का तूँ यहोवा के अईसन बदला दे हऽ? का ऊ तोरा पिता नऽ हथन, जौन तोरा पईदा कईलन हे? ओही तोरा बनईलन आउर खड़ा कईलन हे।7पुरनका जमाना के दिन के याद करऽ, आउर युग-युग के साल के विचार करऽ याद करऽ। अपन पिता से पूछऽ आउर ऊ तोरा बतईतन, अपन पुरनियन से पूछऽ आउर ऊ तोरा बतईतन।8जब परमप्रधान परमेश्वर जाति-जाति के उनकर अपन भाग देलन, जब ऊ सभे आदमी के बाँट देलन, आउर ऊ देश-देश के लोग के सीमा खिंचलन, जईसे ऊ उनकर देउतवन के गिनती भी ठहरईलन। 9काहेकि यहोवा के भाग उनकर प्रजा हे; याकूब उनकर बांटल निज हिस्सा हे।10ऊ ओखनी के जंगल में, आउर बंजर जमीन आउर घना जंगल में पईलन; ऊ ओखनी के हिफाजत कईलन आउर देख भाल कईलन, ऊ अपन आँख के पुतली के जईसन ओखनी के रच्छा कईलन।11जईसे उकाब अपन घोंसला के हिफाजत करऽ हे आउर अपन बच्चवन के ऊपरे फुदकऽ हे, ओईसहीं यहोवा अपन पंख फईलाके ओखनी के पकड़ लेलन, आउर अपन पंख पर रख लेलन।12यहोवा अकेल्ले ओखनी के अगुआई कईलन; कोई परदेशी देउतवन ओकरा साथे नऽ हल।13आउर ऊ ओखनी के देश के ऊँचा जगह पर घूमईलन, आउर ओखनी के खेतवन के उपज खिलईलन; ऊ चट्टान में से मधु, आउर चकमक के चट्टान में से तेल पिला के ओखनी के पालन पोषण कईलन।14ऊ झुण्ड में से मक्खन खईते, आउर भेड़ आउर बकरी के चर्बी, बाशान के मेढ़ा, आउर बकरियन, आउर गेहूँ के बढ़ियाँ से बढ़ियाँ आटा से बनल दूध पियऽ हलन, आउर तूँ अंगूर के रस से बनल झागदार दाखमधु पियऽ हल।15बाकि यशुरुन मोटा हो गेल, आउर लात मारे लगल, तूँ मोटा हो गेलऽ आउर बड़ी तगड़ा-तंदुरुस्त हो गेलऽ, आउर तूँ अघा गेलऽ, ऊ अपन सृजनहार परमेश्वर के छोड़ देलऽ, आउर अपन उद्धार के चट्टान के तुच्छ जानलऽ। 16यहोवा के लोग पराया देउता सब से उनका जलन देलईलन; ओखनी अपन घिनामन काम से उनका गोस्सा दिलईलन।17ओखनी प्रेतात्मा लागी जे परमेश्वर नऽ हे, बलि चढ़ईलन, ऊ देउता सब के जेकरा ऊ नऽ जानऽ हलन, ऊ देउता सब के जे हाल ही में प्रकट होल हल, ऊ देउता सब से तोर पुरखा सब भय नऽ खईलन। 18तूँ ऊ चट्टान के जे तोर पिता होलन, त्याग देलन, आउर जौन परमेश्वर तोरा पईदा कईलन उनका तूँ भुला गेलऽ। 19यहोवा ई देखलन आउर ओखनी के छोड़ देलन, काहेकि ओखनी के बेटा-बेटी उनका अईसे चिढ़कावऽ हलन।20ऊ कहलन, हम ओखनी से अपन मुंह मोड़ लेम, आउर देखम कि ओखनी के अन्त कईसन होवऽ हे; काहेकि ऊ सभे टेढ़ा पीढ़ी के हथिन, उनकर लईकमन धोखेबाज हे। 21ओखनी जे परमेश्वर नऽ हे ओकरा मान के हमरा जलन पईदा कईलन हे आउर अपन बेकार के बात से गोस्सा दिलईलन हे। हम ओखनी से ऊ लोग में जलन पईदा करम जौन लोग हमर प्रजा नऽ हे; हम मूरख जाति से ओखनी के गोस्सा दिलायम। 22काहेकि हमर गोस्सा के आग भड़क गेल हे आउर नीचे अधोलोक तक जलते जा रहल हे; ऊ धरती आउर ओकर उपज के नाश कर रहल हे; ऊ पहाड़ के जड़ में आग लगा रहल हे।23हम ओखनी पर विपत्ति डालम; हम अपन सभे तीर ओखनिये पर चलायम;24ऊ भूख से नाश हो जईतन, आउर तपन आउर भयानक विनाश से भस्म हो जईतन; हम ओखनी पर जंगली जानवर के दाँत, आउर धूल में सरके वाला जनावरवन के जहर भेजम।25ऊ बाहर तलवार से नाश कईल जईतन, आउर सुतेवाला घर में आतंक से डरल रहतन। ऊ जवान आउर कुंवारी, दूध पीते लईकन, आउर पकल बाल वाला आदमी दुन्नो के नाश करतन।26हम कहली हल, कि हम ओखनी के बड़ी दूर-दूर तक तितर-बितर कर देम, कि हम लोगवन के बीच में से ओखनी के याद मिटा देम।27बाकि जदि हम अईसन करम, तऽ उनकर दुश्मन अनुचित तरह से घमण्ड करतन, कि ओही हमर प्रजा के छुड़ईलन हे; ऊ कहतन, हमही उनका हरईली हे; ई यहोवा नऽ हल जौन ई सभे काम कईलन हे।28काहेकि इस्राएल तऽ बेलूरा जाति हे, आउर ओखनी में समझ कुछ भी नऽ हे।29भला होत हल कि ऊ लुरगर होतन हल, आउर ई बात के समझतन हल, कि अपन आवे वाला अन्त के विचार करतन हल। 30कोई एक एगो दुश्मन इस्राएल के हजार सैनिक सब के कईसे खदेड़ सकल हे, आउर दुगो दस हजार के कईसे भगा सकल हे, जब तक कि ओकर चट्टान ओकरा नऽ बेच देलन, आउर यहोवा ओखनी के छोड़ नऽ देलन हे?31काहेकि हमर दुश्मन के चट्टान हमर चट्टान के जईसन नऽ हे, जईसन हमर दुश्मन समझऽ हे।32काहेकि ओकर दाखलता सदोम के दाखलता, आउर अमोरा के खेत से निकलल हे; ओकर अंगूर जहर के अंगूर हे; ओकर गुच्छा कड़वा हे।33ओकर दाखमधु सांप के जईसन जहरीला आउर नाग के जईसन बिखधर हे।34का ई योजना हम छिपा के रखली हे, आउर अपन भण्डार में बंद कर के रखली हे?35बदला देवे ला, आउर बदला देवे ला हमर काम हे, जब ऊ फिसलऽ हे; काहेकि ओखनी पर विपत्ति के दिन नगीच हे, आउर जौन विपत्ति ओखनी पर आवे वाला हे जल्दिये आवत। 36काहेकि यहोवा अपन प्रजा के न्याय करतन, आउर अपन दास पर दया करतन। ऊ देखतन कि ओखनी के शक्ति जा रहल हे, आउर नऽ दास, नऽ स्वतंत्र, कोई नऽ रहतन।37तब ऊ कहतन, उनकर देऊता कहाँ हे, ऊ चट्टान, जेकरा में ओखनी शरण लेलन हल?38जौन देउता ओकर मेलबलि के चर्बी खा हल, आउर ओकर तपावन के दाखमधु पिय हल? ऊ उठ के तुरते मदत करतन; ऊ तोरा शरणस्थान बनतन।39अब देख कि हम ही परमेश्वर ही, आउर हमरा छोड़ कोई परमेश्वर नऽ हे; हम मारऽ भी ही, आउर जिलावऽ भी ही; हम घायल करऽ ही, आउर चंगा भी करऽ ही, आउर कोई नऽ हे जे हमर शक्ति से तोरा बचा सकऽ हे।40काहेकि हम अपन हाथ स्वर्ग दने उठ के वादा कहऽ ही, कि हमनी हमेशा जिन्दा रहम, येहिसे काम करम।41जखनी हमनी अपन चमकते तलवार पर धार चढ़ायम, आउर अपन हाथ न्याय के काम में लगायम, तब हम अपन दुश्मन से बदला लेम, आउर जौन हमरा से दुश्मनी रखऽ हथिन ओकरा से बदला लेम।42हम अपन तीर के लहू से मतवाला कर देम, आउर हमर तलवार मारल गेल के आउर बन्दियन के लहू से, आउर दुश्मन के प्रधान के माथा से मांस खायत।"43हे जाति-जाति परमेश्वर के प्रजा सहित आनन्द करऽ, काहेकि ऊ अपन दास के खून के बदला लेतन; ऊ अपन दुश्मन से बदला लेतन, आउर अपन देश हियाँ तक कि अपन प्रजा ला पछतावा करतन।44आउर मूसा आके ऊ गीत के सभे शब्द लोग के आउर नून के बेटा यहोशू के सुनईलन।45तब मूसा सऊँसे इस्राएल के ई सभे वचन सुनईलन।46मूसा उनका से कहलन, जेतना बतियन आज हम तोरा सुनईली हे ऊ सभे पर मन लगईहऽ, कि तूँ अपन लड़कन के ई व्यवस्था के सभे बतियन माने के आज्ञा दिहऽ।47काहेकि ई तोरा ला छोटा बात नऽ हे, काहेकि ई तोर जान हे आउर ई चीज से जौन देश के अधिकारी होवे ला तूँ यरदन नदी के पार जाइ वाला हऽ ओकरा में बड़ी दिन तक जिन्दा रहवऽ।48ओही दिन यहोवा मूसा से बात कर के कहलन,49"अबीराम के पहाड़ के ई धारी में, नबो पहाड़ के उपरे चढ़ऽ, जे यरीहो शहर के सामने मोआब देश में हे। तूँ कनान देश पर नजर करवऽ, जेकरा हम इस्राएलियन के उनकर अपन जमीन होवेला दे रहली हे।50जौन पहाड़ पर तूँ चढ़वऽ ओही पर तूँ मर जईवऽ, आउर अपन लोग में जा के मिल जईवऽ, जईसे तोर भाई हारून होर पहाड़ पर मर के अपन लोग में जा के मिल गेलन।51ई येहिसे होत, कि सीन नाम के जंगल के कादेश में मरीबा नाम सोता भीर तोहनी इस्राएली सब में से हमरा से धोखेबाजी कईलऽ; काहेकि तूँ इस्राएल के लोग के बीच हमरा पवित्र, आदर आउर इज्जत के वर्ताव नऽ कईलऽ। 52काहेकि ऊ देश के तऽ तूँ अपना सामने देखवऽ, बाकि जौन देश हम इस्राएली सब के दे ही ओकरा में तूँ जा नऽ पईवऽ।
Bridge Connectivity Solutions Pvt. Ltd.