Deuteronomy31
1तऽ मूसा बाहर जा के समूचे इस्राएल के ई सभे बात सुनईलन।2ऊ ओखनी से कहलन, हम अखनी एक सौ बीस बरस के ही; हम अब नऽ बहारसी जा सकली हे आउर नऽ भीतरे आ सकली हे; यहोवा हमरा से कहलन हे, तूँ ई यरदन नदी के पार नऽ जईवऽ।3तोर परमेश्वर यहोवा तोरा आगे-आगे चलतन; परमेश्वर ऊ सभे जाति के तोर सामने से नाश करतन, आउर तूँ ओखनी के अपन अधिकार में कर लेवऽ, यहोशू, यहोवा के वचन के मोताबिक ऊ तोर आगे-आगे चलतन।4यहोवा ओखनी सभे से ओईसहीं करतन जईसे ऊ एमोरियन के राजा सीहोन आउर ओग से, आउर उनकर देश से कईलन हे, जेकरा ऊ नाश कईलन हे।5आउर जब तूँ लड़ाय में ओखनी से मिलवऽ, तब यहोवा तोरा ओखनी के विजय देतन, आउर जे आज्ञा हम तोरा देली हे ओही सभे उनका साथे करिहऽ।6हिम्मत बाँधऽ आउर बहादूर बन जा, मत डरऽ, काहेकि तोर परमेश्वर यहोवा तोरा साथ चलऽ हथिन; ऊ तोरा निराश नऽ करतन आउर नऽ तोरा छोड़तन।7तब मूसा यहोशू के बोल के सऊँसे इस्राएल के सामने कहलन, हिम्मतगर आउर बहादुर बन जा, काहेकि तूँ एही लोग के साथे ऊ देश में जईवऽ, जौन यहोवा उनकर पुरखा के देवे के शपथ खईलन हल; तूँ ओखनी के एकर अधिकार दिलईवऽ। 8यहोवा ओही हथिन जौन तोर आगे-आगे चलऽ हथिन; ऊ तोर साथे रहतन; ऊ तोरा कमजोर नऽ रहे देतन आउर नऽ तोरा छोड़तन; डरऽ मत, निराश मत होवऽ।"9मूसा ई व्यवस्था लिखके लेवी के बेटा याजक के देलन, जौन यहोवा के वाचा के सन्दूक उठावे वाला हलन; ऊ एकर प्रतिलिपि इस्राएल के सभे पुरनिया के भी देलन।10तऽ मूसा ऊ याजक सब आउर अगुवा सब के ई आज्ञा देलन, कि सात-सात साल बीतला पर, मतलब कि छुटकारा के साल में, झोपड़ी के परब, जौन कर्जा चुकावे लागी ठहरावल हे।11जब सभे इस्राएली तोर परमेश्वर यहोवा के सामने ऊ जगह में जेकरा ऊ अपना ला पवित्रस्थान लागी चुन लेतन ऊ लोग अईतन, तब ई व्यवस्था सभे इस्राएलियन के पढ़ के सुनईहऽ।12आउर अपन नगर के फाटक के भीतर जेतना आदमी, औरत, आउर बाल-बच्चा, आउर जे परदेशी होतन, सभे के जमा करिहऽ, कि ओखनी सुनतन, आउर सीखतन, आउर तोर परमेश्वर यहोवा के भय मान के, आउर ई आज्ञा के सभे बतियन के पालन करतन।13अईसन करिहऽ, कि जिनकर बाल-बच्चा जे नऽ जानऽ हे, सुन के सीखतन, आउर जब तक तूँ ई देश में जिन्दा रहवऽ, जेकर अधिकारी होवे ला यरदन नदी पार जा रहल हे, तब तक अपन परमेश्वर यहोवा के भय मानेला सिखईहऽ।14ओकर बाध यहोवा मूसा से कहलन, सुनऽ, ऊ दिन आवत, कि तूँ मर जईवऽ; यहोशू के बुलईहऽ, आउर मिलापवाला तम्बू में मौजूद हो जईहऽ, कि हम ओखनी के आज्ञा देम। मूसा आउर यहोशू जा के मिलाप वाला तम्बू में मौजूद होलन।15यहोवा तम्बू में बादल के खम्भा के रूप में देखाई देलन; बादल के खम्भा तम्बू के रूप में दुआरी पर खड़ा रहल।16यहोवा मूसा से कहलन, सुनऽ, तूँ मर जइबऽ अपन पुरखा के कब्र में दफनावल जइवऽ; ई सभे लोग उठतन आउर ऊ वेश्या के जईसन वर्ताव करतन जे ऊ देश में ओखनी के बीच के पराया देउता सब के पीछे जा रहलन हे जहाँ ऊ जा रहलन हे। ऊ सभे हमरा छोड़ देतन आउर जौन वाचा हम उनका से बाँधली हे ओकरा तोड़ देतन17जब अईसन होत तब ऊ दिन हमर गोस्सा ओखनी भड़क उठत, आउर हम ओखनी के छोड़ देम। हम ओखनी से अपन मुँह छिपा लेम, आउर ऊ भसम हो जईतन। ओखनी पर बड़ी सा विपत्ति आउर संकट आ पड़त, इहाँ तक कि ऊ दिन कहतन, का ई सभे विपत्ति हमरा पर येहिसे नऽ अईलन, कि हमर परमेश्वर हमर बीच में नऽ हथिन?18ऊ दिन हम पक्का ओखनी से अपन मुँह छिपा लेम, काहेकि ओखनी ई सभे गलत काम कईलन होत, काहेकि ऊ पराया देऊतवन दने फिर गेलन होत।19येहिसे अब ई गीत तूँही लिखिहऽ, आउर इस्राएलियन के सिखईहऽ। एकरा ओखनी के मुँह में डाल दिहऽ, कि ई गीत इस्राएल के लोग के खिलाफ हमरा ला गवाह ठहरत।20काहेकि जब हम ओखनी के ऊ देश में पहुंचायम जेकरा देवे के हम उनकर पुरखावन से किरिया खईली हल, जेकरा में दूध आउर मधु के धारा बहऽ हे, आउर जब ऊ खा के अघा आउर मोटा हो जईतन, तब पराया देऊतवन दने मुड़तन, आउर ओकर उपासना करतन। ऊ हमर अनादर करतन, आउर हमर वाचा तोड़ देतन। 21जब ई प्रजा के ऊपर ढेर सा विपत्ति आउर मोसिबत आ पड़त, तब ई गीत उनकर सामने गवाही देत काहेकि ई उनकर वंश के मुंह से कहियो नऽ भुलाल जायत। काहेकि हम ऊ सभे योजना के जानऽ ही जौन ऊ आज बना रहलन हे, एकरा से पहले कि हम उनका ऊ देश में लायम जेकर बारे में हम ओखनी सभे से वादा कईली हल।22येहिसे मूसा ओही दिन ई गीत लिखके इस्राएलियन के सिखईलन।23यहोवा नून के बेटा यहोशू के आज्ञा दे के कहलन, बरियार आउर बहादूर बन जा; काहेकि तूँ इस्राएल के लोग के ऊ देश में से ले अईवऽ जेकर बारे में हम उनका से शपथ खईली हे, कि हम तोरा साथे रहम।24अईसन होल कि जखनी मूसा ई व्यवस्था के बात ई किताब में पूरा लिख चुकलन,25तब मूसा यहोवा के वाचा के सन्दूक उठावे वाला लेवियन के ई आज्ञा देलन,26"व्यवस्था के ई किताब के लेके अपन परमेश्वर यहोवा के वाचा के सन्दूक भीर रख दिहऽ, कि ऊ उहाँ तोर खिलाफ गवाही देते रहतन। 27काहेकि हम तोर बगावत आउर तोर जिद्दी धार्मिकता के जानऽ ही; देखऽ, जब तक हम तोरा साथे जिन्दा ही, तब तक तूँ यहोवा से बगावत करते अईलऽ हे; हमर मौत के बाद कहे नऽ करवऽ?28तोर गोत्र के सभे पुरनिया आउर सरदार के हमरा भीर जमा करऽ, कि हम ई सभे वचन ओखनी के सुनायम, आउर आसमान आउर धरती दुन्नो के उनकर खिलाफ गवाही कर के बुलायम।29काहेकि हम जानऽ ही, कि हमरा मरला के बाद तूँ खुद के पूरा तरह से बिगाड़ लेवऽ, आउर जौन राह के पर चले के आज्ञा हम तोरा देली हे ओकरा से मुड़ जईवऽ; अगला दिन तोरा पर विपत्ति आवत। अईसन येहिसे होत काहेकि तूँ ऊ काम करवऽ जौन यहोवा के नजर में बुरा हे, आउर अपन हाथ के काम से उनका गोस्सा दिलईवऽ।"30आउर मूसा इस्राएल के समूचे मण्डली के ई गीत के वचन पूरा होवे तक सुनईते रहलन।
Bridge Connectivity Solutions Pvt. Ltd.