Deuteronomy25
1मूसा इस्राएली से कहलन, जदि आदमी के बीच में कोई झगड़ा होवे, आउर ऊ न्याय लागी कचहरी में जाय, आउर न्यायी ओखनी कि न्याय करतन, तऽ ऊ धर्मियन के बेकसूर ठहरईतन, आउर दुष्ट के दोषी ठहरईतन।2आउर जदि दोषी मार खाय के लायक हे, तऽ न्यायी ओकरा सुता देतन, आउर अपन सामने ओकर गुनाह के मोताबिक ओकरा गिन-गिन के कोड़ा से पिटवइतन।3आउर न्यायी ओकरा चालीस कोड़ा दंड देतन, बाकि ऊ गिनती से जादे नऽ होवे; काहेकि जदि ऊ, ऊ गिनती से जादे हो जायेत, आउर ओकरा बड़ी जादे मारतन, तऽ तोर संगी इस्राएली तोरा सामने तुच्छ होतन।4जौन बैल दमाही में चल हे, ओकर मुँह मुखबन्धनी से नऽ बाँधिहऽ। 5जदि केतना भाई एक्के साथे रहऽ हथन आउर ओखनी में से कोई निरवंश रह के मर जइतन, तऽ ऊ मरलका आदमी के मेहरारू के बियाह परिवार के बाहरी कोई दूसरा से नऽ कईल जाइ। एकर बदले ओकर मरद के भाई ओकरा भीर जईतन आउर मेहरारू के रूप में अपना भीर रखतन, आउर ओकरा परति मरद के भाई के फर्ज निभईतन। 6ई येहिसे हे, कि जौन पहिलौठा ऊ जनम लेत ऊ, ऊ आदमी के मरलका भाई के नाम पर उत्तराधिकारी ठहरतन, अईसन नऽ होवे कि ओकर नाम इस्राएल में से खतम हो जाय।7बाकि जदि कोई आदमी अपन भाई के मेहरारू के बियाह लेवे ला नऽ चाहतन, तऽ ओकर भाई के औरत फाटक पर पुरनिया भीर जा के कहतन, कि हमर मरद के भाई इस्राएल में अपन भाई के नाम रखे ला नऽ चाहऽ हथन; ऊ हमरा परति मरदाना के भाई के फर्ज नऽ निभईलन।8तब ओकर नगर के पुरनिया ओकरा बोल के ओकरा से बात करतन। बाकि मान लऽ कि ऊ जिद करऽ हे आउर कहऽ हे, 'हम ओकरा नऽ ले जायला चाहऽ ही।9तब ओकर भाई के मेहरारू पुरनियन के सामने ओकरा भीर आके ओकर गोड़ से जूती उतार देतन, आउर ओकर मुँह पर थूक देतन, ओकरा जबाब देवे के चाही आउर कहे के चाही, 'जौन आदमी अपन भाई के घर नऽ बनावऽ हे ओकरा साथे अईसहीं वर्ताव कईल जा हे।10इस्राएल में ओकर नाम ई रखल जायेत, 'जेकर जूती उतारल गेल हे ओकर घराना।11मूसा इस्राएली से कहलन, जदि दूगो आदमी आपस में लड़ रहल हे, आउर कोई के मेहरारू अपन मरदाना के मारे वाला के हाथ से छुडावे लागी आवऽ हे, आउर हाथ बढ़ा के ओकर गुप्तांग के पकड़ले हे,12तऽ तूँ ओकर हाथ काट दिहऽ; तोर आँख में दया नऽ आवे के चाही।13तोरा अपन बैग में एगो बड़का आउर एगो छोटका अलगे-अलगे पत्थर के बटखारा नऽ रखे के चाही।14तोरा अपन घर में बड़का आउर छोटका अलगे-अलगे नाप नऽ रखे के चाही।15तोरा भीर बढ़ियाँ आउर सही पत्थर के बटखारा होवे के चाही; तोरा भीर पूरा आउर सही नाप होवे के चाही, कि जौन देश तोर परमेश्वर यहोवा तोरा दे रहलन हे ओकरा में तूँ बड़ी दिन तक जिन्दा रहवऽ।16काहेकि जेतना अईसन काम करऽ हथिन, आउर जेतना गलत काम करऽ हथिन, ऊ सभे तोर परमेश्वर यहोवा के नजर में घिनामन हे।17मूसा इस्राएली से कहलन, याद रखिहऽ कि जहिया तूँ मिस्र से निकसलऽ हल, तऽ रहिया में अमालेकियन तोरा साथे का कईलन हल,18आउर ऊ रहिया में तोरा से कईसे मिललन हल, आउर तोरा में से जे पीछे से सभे कमजोर हल, ओकरा पर हमला कईलन, आउर तूँ थकल हल; ऊ परमेश्वर के भय न कईलक।19ई कारण से जब तोर परमेश्वर यहोवा तोरा ऊ देश में चारो दने के सभे दुश्मन से शांति देतन, जेकरा तोर परमेश्वर यहोवा तोरा निज हिस्सा कर के दे देलन हे, तऽ तूँ अमालेक के याद आसमान के नीचे धरती से मिटा दिहऽ, तूँ ई बात के नऽ भुलइहऽ।
Bridge Connectivity Solutions Pvt. Ltd.