Deuteronomy24
1मूसा इस्राएली से कहलन, जब कोई आदमी कोई औरत से बियाह करतन, आउर जदि ऊ ओकरा में कोई लज्जा के बात पाके ओकरा से नाखुश हे, तऽ ऊ ओकरा ला त्यागपत्र लिखके ओकर हाथ में देतन, आउर ओकरा घर से निकास देतन। 2जब ऊ ओकर घरे से निकस जा हे, तब जा के दूसरा आदमी के औरत हो सकल हे।3आउर जदि दूसरका मरद के भी ऊ नाखुश रखऽ हे, तऽ ओकरा ला त्यागपत्र लिखके ओकर हाथ में सौंप देतन, आउर ओकरा अपन घर से निकास देतन; चाहे जदि दूसरका मरद मर जाय, तऽ ऊ मरद जौन ओकरा अपन मेहरारू बनईलन हल4तऽ ओकर पहिलका मरद, जौन ओकरा पहिले निकास देलक हल, ऊ अशुद्ध हो गेला के बाद ओकरा फिन अपन मेहरारू नऽ बनइतन; काहेकि ई यहोवा लागी घिनामन बात हे। अईसे जौन देश तोरा यहोवा परमेश्वर निज भाग कर के दे हथिन ऊ देश के दोषी नऽ बनईहऽ।5आउर जब कोई मरद नया औरत के बियाह लेतन, तऽ ऊ फौज के साथे लड़ाई करे नऽ जइतन, आउर नऽ ओकरा से बलजोरी काम लेवे के आज्ञा देवल जाय; ऊ एक साल तक घर पर आजादी से रहतन आउर अपन मेहरारू के, जेकरा ऊ ले अईलन हे, खुश करते रहतन।6कोई आदमी जाँता के चाहे ऊपरका पाट के बन्धक के रूप में नऽ रख सकतन, काहेकि ऊ कोई के प्राण के बन्धक के रूप में लेवे जईसन हे।7जदि कोई आदमी इस्राएलियन में से कोई के अपन संगी इस्राएली में से अपहरण कर के ले जाइ, आउर ओकरा दास समझ के बेच देवे, तऽ ऊ चोर जरुर मार देवल जाइ; तब अईसे तूँ अपन बीच में से बुराई के दूर करिहऽ। 8कोढ़ के कोई भी रोग के बारे में होशियार रहिहऽ, आउर जौन-जौन शिक्षा लेवी के याजक तोरा सिखावऽ हथन, ऊ सभे के गौर से देखिहऽ, आउर ओकरा पालन करिहऽ; जईसे हम उनका आज्ञा देली हे, ओईसहीं तूँ करिहऽ। 9याद रखऽ कि जब तूँ मिस्र से निकस रहलऽ हल, तब तोर परमेश्वर यहोवा मरियम के साथे का कईलन हल। 10जब तूँ अपन इस्राएली संगी के कईसनो कर्जा दिहऽ, तऽ ओकर बन्धक छुड़ावे लागी ओकर घर में नऽ जईहऽ।11तूँ बहारसी खड़ी रहिहऽ, आउर जौन आदमी के तूँ कर्जा देलऽ हे ऊ बहारसिये तोरा भीर बन्धक ले अईतन12जदि ऊ गरीब हे, तऽ ओकर बन्धक अपना भीर रख के सुतल नऽ रहिहऽ।13आउर सूरज डूबे तक ओकरा बन्धक जरुर लौटा दिहऽ, जेकरा से ऊ अपन बिछौना पर सूत के तोरा आशीर्वाद देतन; ई तोर परमेश्वर यहोवा के नजर में तोरा ला धर्म ठहरत।14कोई मजदूर पर जे कंगाल आउर गरीब हे, ओकरा पर शोषण नऽ करिहऽ, चाहे ऊ तोर संगी इस्राएलियन में से होवे, चाहे तोर देश में तोर नगर के फाटक के भीतर रहे वालन परदेशियन में से होतन;15आउर रोजदिन ओकरा मजदूरी देते रहिहऽ; ई बेगर सुलझल मामला में सूरज डूबे नऽ पावे, येहिगुने कि ऊ गरीब हे आउर एकरे पर भरोसा कर रहल हे। अईसन करिहऽ, अईसन नऽ होवे कि ऊ यहोवा के सामने तोर खिलाफ रोतन, आउर नऽ ई पाप होवे जे तूँ कईलऽ हे। 16नऽ माइ-बाप के कारण उनकर बाल-बच्चा के मार देवल जाय, आउर न बाल-बच्चा के कारण उनकर माय-बाप के मार देवल जाय। एकर बदले, सब के ओकर पाप लागी मौत के सजा ओकरे देवल जाय के चाही।17परदेशी चाहे अनाथ के छीने लागी ताकत के इस्तेमाल नऽ करिहऽ, आउर नऽ विधवा के कपड़ा बन्धक के रूप में रखिहऽ।18एकर बदले, तोरा याद रखे के चाही कि तूँ मिस्र में गुलाम हलऽ, आउर तोर परमेश्वर यहोवा तोरा उहाँ से छुड़लईन हल। येहिसे हम तोरा ई आज्ञा के पालन करे के आज्ञा दे ही।19जब तूँ अपन खेत में फसल के कटाई करऽ हऽ, आउर जदि एगो बोझा अनाज खेत में छूट गेलऽ हे, तऽ ओकरा लेवे लागी पीछे नऽ लौटिहऽ; ऊ परदेशी चाहे अनाथ चाहे मोसमात लागी हे, कि तोर परमेश्वर यहोवा तोर सभे काम में तोरा आशीर्वाद देतन।20जब तूँ अपन जैतून के पेड़ के हिलईहऽ, तब ओकर डालियन के दोबारा नऽ हिलईहऽ; ऊ परदेशी, माय बाप के टूअर, चाहे मोसमात लागी होत।21जब तूँ अपन दाख के बगईचा में से अंगूर तोड़ लिहऽ, तब ओकरा दोबारा से नऽ बटोरिहऽ। जे कुछ ऊ बचल रहे ऊ परदेशी, टूअर, आउर मोसमात लागी रहत। 22तोरा याद रखे के चाही, कि तूँ मिस्र देश में हलऽ, येहिसे हम तोरा ई आज्ञा के पालन करे के आदेश दे रहली हे।
Bridge Connectivity Solutions Pvt. Ltd.