Deuteronomy23
1मूसा इस्राएली से कहलन, जेकर अंडकोश कुचलल गेल चाहे काट देवल जाय से घायल होवल कोई भी आदमी यहोवा के सभा में प्रवेश नऽ करतन।2कोई नाजायज सन्तान यहोवा के मण्डली में नऽ जइतन; यहाँ तक कि ओखनी के दसवां पीढ़ी तक, ओखनी में से कोई भी यहोवा के सभा के सदस्य नऽ हो सकल हे।3कोई अम्मोनी चाहे मोआबी यहोवा के मण्डली के सदस्य नऽ होवत; यहाँ तक कि ओकर वंशज के दसवां पीढ़ी तक ओखनी में से कोई भी यहोवा के सभा के सदस्य नऽ हो सकल हे। 4एकर कारण ई हे, कि जब तूँ मिस्र से निकसलऽ हल, तब राह में ओखनी रोटी चाहे पानी लेके तोरा से भेंट नऽ कईलन, आउर अरम्नहरैम के मेसोपोटामिया के पतोर से बोर के बेटा बिलाम के तोर खिलाफ शाप देलन हे। 5बाकि तोर परमेश्वर यहोवा बिलाम के नऽ सुनलन; एकर बदले, तोर परमेश्वर यहोवा श्राप के तोरा लागी आशीष में बदल देलन, काहेकि तोर परमेश्वर यहोवा तोरा से प्रेम रखलन हे। 6तूँ अपन पूरा जिनगी भर कहियो भी उनकर शान्ति चाहे समृद्धि के खोज नऽ करिहऽ।7तोरा कोई एदोमी से घिरना नऽ करिहऽ, काहेकि ऊ तोर रिश्तेदार हे; तूँ कोई मिस्री से घिरना नऽ करिहऽ, काहेकि तूँ ओकर देश में परदेशी हलऽ। 8उनकर तीसरा पीढ़ी के जौन वंसज पईदा होवे ऊ यहोवा के सभा में से होत।9जब तूँ अपन दुश्मन के खिलाफ फौज बना के चढ़ाई करवऽ, तब खुद के सभे गलत काम से बचा के रखिहऽ।10जदि तोर बीच में कोई आदमी रात के होवल घटना के चलते अशुद्ध होतन, तऽ ऊ फौज के छावनी से बहारसी निकस जइतन; ओकरा छावनी में दोबारा नऽ आवे के चाही। 11जब सांझ होत तब ऊ पानी से नहईतन; जब सूरज डूब जाय, तब ऊ छावनी के अन्दर वापस अईतन।12जौन छावनी में तूँ जईवऽ ओकरा से बहारसी तोरा ला भी एगो जगह होत;13आउर तोरा भीर कोड़े लागी औजार में से खनती कुछ नऽ कुछ होत; जब तूँ शौच लागी बैठवऽ, तब ऊ जगह कोड़ लिहऽ, आउर मट्टी कोड़िह आउर जौन कुछ तोरा में से निकसल हे ओकरा झाँक दिहऽ।14काहेकि तोर परमेश्वर यहोवा तोरा विजय देलावेला, आउर तोर दुश्मन के तोर काबू में करे लागी तोर छावनी के बीच में से चलऽ-फिरऽ हथिन। येहिसे तोर डेरा पवित्र रहे, अईसन नऽ होवे कि ऊ तोर बीच में कोई अशुद्ध चीज देखके तोरा से मुड़ जईतन।15जौन दास अपन मालिक भीर से भाग जा हे, ओकरा ओकर मालिक के हाथ में नऽ लौटईहऽ।16ऊ जौन नगर में चाहतन ओही में तोरा साथे रहतन। ओकरा पर अत्याचार नऽ करिहऽ।17इस्राएल के कोई भी औरत में कोई देवदासी नऽ होवे, आउर नऽ इस्राएल के बेटवन में से कोई गलत काम करे वाला होवे। 18आउर कोई मनौता पूरा करे लागी वेश्या के मजूरी चाहे कुत्ता के मजूरी अपन परमेश्वर यहोवा के भवन में नऽ लईहऽ; काहेकि ई सभे तोर परमेश्वर यहोवा के नजर में घिनामन हे।19तूँ अपन संगी इस्राएली के सूद पर कर्जा नऽ दिहऽ, मतलब कि पईसा के सूद, भोजन के सूद, चाहे कोई चीज के सूद पर कर्जा देवल जाय।20तूँ परदेशी के सूद पर कर्जा दे सकल हे; बाकि अपन संगी इस्राएली के सूद पर कर्जा नऽ दिहऽ, जेकरा से ऊ देश में जेकर अधिकारी होवे ला तूँ जाय वाला हऽ ऊ सभे काम में तूँ हाथ लगईवऽ, ओकरा में तोर परमेश्वर यहोवा तोरा आशीष देतन।21जब तूँ अपन परमेश्वर यहोवा लागी मन्नत मानिहऽ, तब ओकरा पूरा करे में कोई देरी नऽ करिहऽ, काहेकि तोर परमेश्वर यहोवा तोरा से पक्का अईसन करतन; एकरा पूरा नऽ करवऽ तऽ ई तोरा ला पाप हे। 22बाकि जदि तूँ मन्नत मानेला छोड़ देवऽ, तऽ ई तोरा ला पाप नऽ होवत।23जे कुछ तोर मुँह से निकसऽ हे, ओकरा तूँ मानिहऽ; जे कुछ तूँ अपन इच्छा से परमेश्वर यहोवा के मन्नत मान लऽ हे, ओकर मोताबिक जे कुछ तूँ अपन मुँह से सेंतमेंत में कहलऽ हे।24जब तूँ कोई दूसरा के अंगूर के बगईचा में जईहऽ, तऽ जेतना चाहवऽ ओतना अंगूर खा सकल हे, बाकि अपन मौनी में कुछ भी नऽ रखिहऽ।25जब तूँ अपन पड़ोसी के पकल अनाज के खेत में जईहऽ, तब अपन हाथ से बाल के तोड़ लिहऽ, बाकि अपन पड़ोसी के पकल अनाज पर हंसिया नऽ चलईहऽ।
Bridge Connectivity Solutions Pvt. Ltd.