Deuteronomy2
1फिन जईसे यहोवा हमरा से कहलन हल, ओकरे मोताबिक हम घूम के जंगल में लाल सागर के राह पकड़ लेली; हम केतना दिन तक सेईर पर्वत के चारो दने घूमते रहली।2यहोवा हमरा से कहलन,3तूँ ई पर्वत के चारो दने बड़ी दिन घूम लेल हे; उत्तर दने मुड़ऽ।4आउर प्रजा के लोग के ई आज्ञा दे के कहऽ, "तूँ सेईर में रहे वालन अपन भाई एसाव वंशियन के सीमा से होके जा; ऊ तोरा से डरतन येहिसे होशियार रहऽ5उनका से मत लड़िहऽ काहेकि हम तोरा उनकर देश में से कुछ नऽ देम, बाकि एक डेग के बराबर भी जमीन नऽ देम; काहेकि हम सेईर पर्वत के एसाव के अधिकार में कर देली हे। 6आउर तूँ रुईपया दे के उनका से खायला मोल लिहऽ, जेकरा खा सकलऽ हे; आउर तूँ पईसा दे के उनका से पानी मोल लिहऽ, जेकरा पी सकलऽ हे।7काहेकि तोर परमेश्वर यहोवा तोर सभे काम में तोरा आशीर्वाद देलन हे; ऊ जानऽ हथिन कि तूँ ई बड़का जंगल में चल रहलऽ हे। ई चालीस साल से तोर परमेश्वर यहोवा तोरा साथे रहलन हे, आउर तोरा कोई चीज के कमी-घटी नऽ होल।8येहिसे हम अपन भईवन मतलब कि एसाव के वंश भीर से होके, जौन सेईर में रहऽ हथन, अराबा के रास्ता से दूर, एलत आउर एस्योनगेबेर भीर से चलली। फिन हम मुड़ली आउर मोआब के जंगल के रास्ता से चलली। 9यहोवा हमरा से कहलन, मोआब के दुःख नऽ दिहऽ, आउर उनका से युद्ध नऽ करिहऽ। काहेकि हम ओकर देश में से तोरा कुछ भी जमीन के अधिकारी होवे लागी नऽ देम, काहेकि हम एर के लूत के वंश के उनकर निज जमीन कर के दे देली हे।10उहाँ पहले उहाँ एमी लोग रहऽ हलन, जौन अनाक के समान महान, बड़ी सा आउर बड़ी लंबा हलन;11ऊ आउर अनाक के वंसज के जईसन रपाई समझल जा हलन, बाकि मोआब के लोग उनका एमी कहऽ हथिन।12होरी लोग भी पहिले सेईर में रहऽ हलन, बाकि एसाव के वंसज ओकर जगह ले लेलन। ऊ ओकरा ओकर सामने से निकास देलन आउर ओकर जगह पर बस गेलन, जईसे इस्राएल अपन निज जमीन में, जौन यहोवा उनकर अधिकार में कईलन हल।13"अखनी उठऽ आउर जेरेद नाला के पार चलऽ। येहिसे हम जेरेद नाला के पार होली।14जखनी हम कादेशबर्ने शहर से निकलली, आउर जेरेद नाला के पार होली, तहिया तक पूरा अड़तीस साल के उमर हल। ऊ घड़ी तक ऊ पीढ़ी के युद्ध के लायक लोग सभे पीढ़ी में से चल गेलन हल, जईसे कि यहोवा उनका से किरिया खईलन हल।15आउर यहोवा के हाथ ऊ पीढ़ी के खिलाफ तहिया तक बनल रहल, जहिया तक ऊ मिट नऽ गेल, जब तक उनका प्रजा में से नाश करते रहलन।16आउर अईसन होल, कि जखनी लड़ेवाला सभे मरद मर गेलन, आउर प्रजा के बीच में से चल गेलन,17तब यहोवा हमरा से ई कहलन कि कहऽ,18"आज तूँ मोआब के सीमा मतलब कि आउर देश, के पार करऽ।19जखनी तूँ अम्मोनियन के सामने नगीच अईहऽ, तऽ ओकरा नऽ सतईहऽ, आउर नऽ ओकरा से लड़िहऽ; काहेकि हम अम्मोनियन के जमीन में से कुछ भी तोरा निज हिस्सा कर के नऽ देवो; काहेकि हम ई लूत के वंसज के उनकर निज जमीन के रूप में दे देली हे।20ऊ भी रपाईयन के देश मानल जा हे। रपाई पहले ऊहाँ रह हलन, बाकि अम्मोनी उनका जमजुम्मीम कहऽ हथिन।21आउर अनाकवंशियन के समान महान, आउर बड़ी, आउर लम्बा लोग हे। बाकि यहोवा उनका अम्मोनियन के सामने नाश कईलन, आउर ऊ उनकर जगहिया पर होके रहे लगल।22यहोवा सेईर के रहेवालन एसाव के वंसज लागी भी एही कईलन, आउर होरी लोग के उनकर सामने से निकास देलन, आउर एसाव के वंशज उनकर जगहिया पर अईलन, आउर आज तक उनकर जगह पर बसल हथिन।23आउर अव्वियन के जौन गाजा तक के गाँव में रहऽ हलन, कप्तोरियन कप्तोर से आके नाश कईलन, आउर ओकर जगह में बस गेलन। 24अब उठऽ, अपन राह पर चलऽ, आउर अर्नोन के नाला के पार करऽ; देख, हम हेशबोन शहर के राजा एमोरी सीहोन के देश समेत तोर हाथ में कर दे ही। ओकरा पर कब्जा करे ला शुरू करऽ, आउर ओकरा साथे युद्ध करऽ।25आज के दिन हम समूचे आसमान के नीचे के देश-देश के लोगवन पर तोर डर आउर भय फैलावे ला आरम्भ करम; ऊ तोर समाचार सुनतन, आउर तोरा चलते काँप उठतन आउर बेचैन हो जईतन।26हम कदेमोत के जंगल से हेशबोन के राजा सीहोन भीर शान्ति के सन्देश दे के दूत भेजम,27हमरा अपन देश से होके जाय दऽ; हम सड़क पर चलम; हम नऽ दाहिना दने मुड़म, नऽ बामा दने।28तूँ पईसा लेके हमरा भोजन के सामान दिहऽ, कि हम खायम; रुपईया लेके हमरा पानी दिहऽ, कि हम पियम; खाली हमरा अपना पैदल चल जाय दऽ;29जईसे सेईर में रहे वालन एसाव वंश आउर देश के रहे वालन मोआबी लोग हमरा ला कईलन; जखनी तक हम यरदन नदी पार होके ऊ देश में नऽ पहुँचम जौन यहोवा हमर परमेश्वर हमरा दे रहलन हे।30बाकि हेशबोन के राजा सीहोन हमरा अपना भीर से जाय नऽ देलन; काहेकि तोर परमेश्वर यहोवा ओकर मन के कठोर आउर ओकर मन के हठीला कर देलन हल, कि ऊ ओकरा तोर ताकत से हरा देतन, आउर ओईसहीं ऊ आज कईलन।31यहोवा हमरा से कहलन, देख, हम सीहोन आउर उनकर देश के तोर काबू में करहीं वाला ही; ओकरा पर अधिकार करे ला शुरू करऽ, कि तूँ ओकर जमीन के अधिकारी हो जा।32तऽ सीहोन अपन पूरा फौज के साथ लेके हमरा सामने यहस में लड़े ला निकललन।33हमर परमेश्वर यहोवा ओकरा हमर हाथ में कर देलन, आउर हम ओकरा आउर ओकर बेटवन आउर सऊँसे प्रजा के मार देली।34ऊ घड़ी हम ओकर नगर के कब्जा लेली, आउर का मरद, का औरत, का छोटकन लईकमन, सभे नगरवन के सर्वनाश कर देली; हम कोई के जिन्दा नऽ छोड़ली।35बाकि जनावर के आउर ऊ सभे नगर के लूटल सामान के भी जौन हम लेली हल, अपना कब्जा में कर लेली।36अर्नोन के घाटी के छोर पर अरोएर शहर से लेके ऊ घाटी में के नगर से लेके गिलाद के उत्तरी क्षेत्र तक कोई नगर हमरा ला ऊँचा नऽ रहल हमर परमेश्वर यहोवा ओकरा हमर हाथ में कर देलन हे।37खाली अम्मोनियन के देश में ही तूँ नऽ गेलऽ हे, आउर यब्बोक नदी के पार के समूचे नगर में, आउर पहाड़ी देश के नगर में, जेज्जा-जेज्जा हमर परमेश्वर यहोवा हमरा जाय से मना कईलन हल।
Bridge Connectivity Solutions Pvt. Ltd.