Deuteronomy17
1मूसा इस्राएली से कहलन, तूँ अपन परमेश्वर यहोवा लागी कोई बैल चाहे भेड़-बकरी बलि नऽ करिहऽ, जेकरा में कोई दोष चाहे कोई तरह के खोंट होवे, काहेकि ऊ तोर परमेश्वर यहोवा ला घिनामन बात होत।2जदि तोर कोई नगर के फाटक के भीतरे, जौन तोर परमेश्वर यहोवा तोरा दे हथिन, कोई आदमी चाहे औरत कोई अईसन मिलत जे अईसन काम करऽ हे जे परमेश्वर यहोवा के नजर में गलत हे, आउर उनकर वाचा के तोड़ऽ हे,3जे कोई जा के पराया देऊता सब के दण्डवत कईलन हे, चाहे सूरज चाहे चाँद, चाहे आसमान के कोई गुण के दण्डवत चाहे सेवा कईलक हे, कोई के भी जेकर आज्ञा हम नऽ देली हे,4आउर जदि तोरा से ई बात कहल जाय, चाहे तूँ सुनल हे, तऽ तूँ ध्यान से जांच करिहऽ। जदि ई सच आउर पक्का हे कि इस्राएल में अईसन घिनामन काम कईल गेल हे, तऽ तोरा एही करे के चाही।5आउर जौन मरद चाहे औरत ई गलत काम कईलन हे, ऊ आदमी चाहे औरत के अपन शहर के फाटक पर ले अईहऽ, आउर ऊ मरद चाहे औरत के पत्थरवाह कर के मार दिहऽ। 6जौन मारे ला चाह हथन ऊ दुगो चाहे तीन गो गोवाह के कहला पर मार देवल जाय; बाकि खाली एगो गोवाह के मुँह पर ओकरा मार देवल नऽ जाइ। 7ओकरा मारे ला लागी पहिले गोवाह के हाथ उठे, आउर ओकर बाद सभे लोगवन के हाथ उठे; आउर तूँ अईसे अपन बीच में से बुराई के दूर करिहऽ।8तोर शहर में जदि कोई अईसन मामला उठऽ हे जेकर फैसला करे ला तोरा लागी बड़ी मुश्किल हे-हो सकऽ हे हत्या चाहे अचानक मौत के सवाल, एगो आदमी के अधिकार आउर दूसरा आदमी के अधिकार के सवाल, चाहे एक तरह कि हानि के सवाल, चाहे कोई दोसरा तरह के मामला, तऽ मामला अपन नगर के फाटक के भीतरे कोई विवाद रहे, तब तोरा ऊ जगह पर जाइ के चाही जेकरा यहोवा तोर परमेश्वर अपन पवित्रस्थान के रूप में चुनतन। 9आउर लेवी के वंश के याजक आउर ऊ घड़ी सेवा करे वाला न्यायी भीर जईहऽ; तूँ उनका से सलाह लिहऽ आउर ऊ तोरा न्याय के बात बतईतन।10तब जौन जगह यहोवा चुन लेतन ओकरा में जे कुछ ऊ तोरा करे के आज्ञा देतन ओकरे मोताबिक करिहऽ। जे कुछ ऊ तोरा सिखावऽ हे ओकरा करे में सावधान रहऽ।11जौन व्यवस्था ऊ तोरा सिखइतन ओकरे पालन करिहऽ, आउर जौन फैसला ऊ तोरा करऽ हथिन ओकरे मोताबिक काम करिहऽ। ऊ जे कुछ ऊ तोरा से कहऽ हथिन, ओकरा से नऽ तऽ दाहिना मुड़िहऽ आउर नऽ बायाँ मुड़िहऽ।12जे कोई घमण्ड कर के ऊ याजक के, जौन तोर परमेश्वर यहोवा के सामने सेवा करे ला खड़ा होवऽ हथिन, नऽ मानतन, ऊ आदमी मार देवल जायेत; तूँ इस्राएल से बुराई दूर करवऽ।13सभे लोग सुन के डरतन, आउर फिन घमण्ड नऽ करतन।14जखनी तूँ ऊ देश में पहुँचवऽ जे तोर परमेश्वर यहोवा तोरा दे हथिन, आउर ओकरा पर अधिकार कर के तूँ ओकरा में बसे लगवऽ, आउर तखनी कहवऽ, कि चारो दने के सभे जतियन के समान अपना बारे में हमहूँ अपना ऊपर राजा ठहरायेम।15तऽ निश्चय कोई के अपना उपर राजा ठहरईहऽ जेकरा तोर परमेश्वर यहोवा चुन लेतन। तोरा पर भईवन में से कोई एगो के अपना उपर राजा ठहरावे के चाही। तूँ कोई परदेशी के, जौन तोर भाई नऽ हे, अपना उपर अधिकारी नऽ रखिहऽ।16बाकि ऊ नऽ तऽ अपना ला बड़ी घोड़ा बढ़ईतन आउर नऽ प्रजा के लोग के मिस्र में लौट जाय देतन कि ओकरा भीर बड़ी सा घोड़ा रहे, काहेकि यहोवा तोरा से कहलन हे, कि तूँ ऊ रहिया से फिर कहियो नऽ लौटवऽ। 17ऊ बड़ी मनी औरत से वियाह नऽ करतन, अईसन नऽ होवे कि ओकर मन भटक जाइ। ओकरा बड़ी मात्रा में चाँदी आउर सोना जमा नऽ करे के चाही।18आउर जब ऊ अपन राजगद्दी पर बैठतन, तब ऊ ऊ व्यवस्था के किताब के, जौन लेवी याजकवन के सामने के हे, ओकर एगो परति अपना ला लिख लऽ।19ऊ व्यवस्था के किताब उनका भीर रहत, आउर ऊ जीवन भर ओकरा पढ़ते रहतन, जेकरा से ऊ अपन परमेश्वर यहोवा के भय मानेला सीखतन, आउर ई व्यवस्था आउर ई सभे विधि के सभे बात के मान के ओकरा पालन करतन।20ऊ अईसन करतन, अईसन नऽ होवे कि ओकर मन अपन संगी इस्राएली के नीच जानतन, आउर ऊ आज्ञा से फिन नऽ तऽ दाहिना मुड़तन, नऽ बामा; येहिसे कि ऊ आउर उनकर लईकमन इस्राएल के बीच अपन राज्य में बड़ी दिन तक टिकल रहतन।
Bridge Connectivity Solutions Pvt. Ltd.