Deuteronomy18
1मूसा इस्राएली से कहलन, लेवीय याजक के, आउर लेवी के समूचे गोत्र के इस्राएल के साथ कोई हिस्सा चाहे निज हिस्सा नऽ मिलत; उनका अपन निज हिस्सा के रूप में यहोवा के हव्य खाय के चाही।2उनका अपन संगी इस्राएली के बीच कोई हिस्सा नऽ मिलत; यहोवा उनकर निज हिस्सा हे, जईसे ऊ उनका से कहलन। 3चाहे बैल होवे चाहे भेड़-बकरी के बलिदान चढ़ावे वाला में से याजक के जौन हिस्सा देवल जा हे ऊ ई हे, मतलब कि कंधा, दुन्नो गाल, आउर भीतर के हिस्सा।4अपन अनाज, आउर नया दाखमधु, आउर टटका तेल के पहिला उपज, आउर अपन भेड़ बकरियन के उनका पहिला हिस्सा उनका दिहऽ।5काहेकि तोर परमेश्वर यहोवा ओकरा तोर सभे गोत्रवन में से चुन लेलन हे, कि लेवी आउर उनकर बेटा हमेशा यहोवा के नाम पर सेवा करते रहतन।6आउर जदि कोई लेवीय तोर समूचे इस्राएल में से कोई नगर में अईतन, जहाँ ऊ रह हे, आउर अपन समूचे मन से ऊ जगह पर जाइ के इच्छा करत जेकरा यहोवा चुन लेतन,7तऽ ओकरा अपन परमेश्वर यहोवा के नाम के सेवा अपन सभे संगी लेवी के समान करे के चाही, जे उहाँ यहोवा के सामने खड़ा रहऽ हथिन।8आउर उनकर परिवार के विरासत के बेचे से जे कुछ मिल जा हे, ओकर अलावे ओकरा खाइ लागी बराबर हिस्सा मिले के चाही।9जखनी तूँ ऊ देश में पहुँचव जौन तोर परमेश्वर यहोवा तोरा देलन हे, तब तूँ ऊ सभे जाति के घिनामन काम देख के नऽ सिखिहऽ।10तोर बीच में कोई नऽ हो जे अपन बेटा चाहे बेटी के आग में होम करऽ हे, नऽ कोई भावी कहऽ हे, नऽ भविष्य बतावे हे, नऽ प्याला में से चिन्ह शुभ-अशुभ पढ़ऽ हे, नऽ टोना करऽ हे।11जे ओझा जादू करे वाला, चाहे जे कोई आत्मा के जगावऽ हे। चाहे ऊ जौन जादू-टोटना करऽ हे, चाहे जौन आत्मा से बात करऽ हे।12काहेकि जे कोई ई सभे काम करऽ हे, ऊ यहोवा के नजर में घिनामन हे; एही घिनामन काम के चलते तोर परमेश्वर यहोवा तोरा सामने से निकास रहलन हे।13तूँ अपन परमेश्वर यहोवा के सामने बेकसूर रहऽ। 14काहेकि ई सभे जतियन जेकरा तूँ अपन अधिकार में कर लेवऽ ऊ टोना आउर भविष्य के बात कहे वाला के सुनऽ हथिन; बाकि तोर परमेश्वर यहोवा तोरा अईसन करे के आज्ञा नऽ देतन।15तोर परमेश्वर यहोवा तोरा ला तोर बीच में से हमरा जईसन एगो भविष्यद्वक्ता खड़ा करतन, जे तोर भईवन में से एगो हे। तोरा ओकर बात जरुर सुने के चाही। 16जौन सभा के दिन होरेब में तूँ अपन परमेश्वर यहोवा से ई कहल कि हम अपन परमेश्वर यहोवा के शब्द फिर नऽ सुनिहऽ, आउर ऊ बड़ी आग फिर नऽ देखम नऽ तऽ हम मर जायेम। 17फिन यहोवा हमरा से कहलन, जौन ऊ कहलन ऊ बढियां हे।18हम उनका ला उनकर भईवन में से तोर सामने एगो भविष्यद्वक्ता खड़ा करम। हम अपन वचन ओकर मुंह में डालम, आउर जे कुछ हम ओकरा आज्ञा देम ओही ऊ उनका से कहतन। 19अईसन होत, कि जदि कोई हमर बतिया सुन के नऽ मानतन, जे ऊ हमर नाम से कहतन, तऽ हम ओकर बदला लेम। 20बाकि जौन भविष्यद्वक्ता हमर नाम से घमण्ड कर के कोई अईसन बात कहतन, जे बोले के आज्ञा हम ओकरा देली हे, चाहे पराया देऊतवन के नाम से कुछ कहतन, ऊ भविष्यद्वक्ता जरुर मार देवल जायत।21तोरा अपन मन में ई कहे के चाही, 'जौन संदेश यहोवा नऽ कहलन, ओकरा हम कईसे पहचानम।22जब कोई भविष्यद्वक्ता यहोवा के नाम से बात करऽ हथन, तब तूँ ऊ संदेश के पहचानवऽ जे यहोवा कहलन हे। जदि ऊ बात घटित नऽ होवऽ हे, तऽ ऊ अईसन बात हे, जे यहोवा नऽ कहलन हे, आउर भविष्यद्वक्ता घमण्ड से कहलन हे, आउर तोरा ओकरा से डरे के नऽ चाही।
Bridge Connectivity Solutions Pvt. Ltd.