Deuteronomy13
1यदि तोर बीच में कोई भविष्यद्वक्ता चाहे सपना देखेवालन उठतन, आउर ऊ तोरा कोई चिन्ह चाहे चमत्कार दिखईतन, 2आउर यदि ऊ चिन्ह चाहे चमत्कार प्रकट होइ, जेकर बखान ऊ तोरा से कर के कहलन हे, कि आवऽ, हमनी पराया देऊता सब के पीछे चलम, जेकरा तूँ नऽ जानऽ हऽ, आउर ओकरा दण्डवत करम,3ऊ भविष्यद्वक्ता चाहे स्वप्नदर्शी के बात मत सुनिहऽ; काहेकि तोर परमेश्वर यहोवा ई जाने ला तोर परीक्षा करऽ हथिन कि तूँ यहोवा अपन परमेश्वर से अपन पूरा मन आउर पूरा जी-जान से प्रेम रख हऽ कि नऽ? 4तूँ अपन यहोवा के पीछे चलिहऽ, उनकर भय, मानिहऽ उनकर आज्ञा के मानिहऽ, आउर उनकर बतिया के मानिहऽ, आउर उनकर दण्डवत आउर सेवा करिहऽ, आउर उनका से लिपटल रहिहऽ5ऊ भविष्यद्वक्ता चाहे स्वप्नदर्शी मार डालल जाइ, काहेकि ऊ तोर यहोवा परमेश्वर के खिलाफ बगावत के बात कईलन हे, जौन तोरा मिस्र देश से निकास लईलन हे, आउर दासत्व के घर में से छोड़ के ले अईलन हे। ऊ भविष्यद्वक्ता तोरा ऊ राह से हटावे ला चाहऽ हथिन जेकरा पर चले के आज्ञा तोर परमेश्वर यहोवा तोरा देलन हे। येहिसे बुराई के अपन बीच में से दूर करिहऽ। 6आउर यदि तोर भाई, मतलब कि हमर माय के बेटा, चाहे तोर बेटा, चाहे तोर बेटी, चाहे तोर प्यारी मेहरारू, चाहे तोर दोस्त, जौन तोर जान के समान हे, छिप के तोरा फुसला के कहतन, कि आवऽ, हम चल के पराया देऊतवन के उपासना करम जेकरा तूँ नऽ जानऽ हऽ, नऽ तऽ तूँ आउर नऽ तोर पुरखावन, 7आउर धरती के ई छोर से लेके ऊ छोर तक तोर चारो दने के लोग के देऊतवन में से जौन तोरा भीर में चाहे तोरा से दूर हे।8तूँ ओकर अधीन नऽ होईहऽ, आउर नऽ ओकर सुनिहऽ, आउर नऽ ओकरा पर दया करिहऽ, आउर नऽ ओकरा छोड़िहऽ, आउर नऽ छिपईहऽ।9बलुक तूँ ओकरा पाके मार दिहऽ; ओकरा मारे ला सभे से पहिले तोरे हाथ उठत, आउर ओकर बाद सभे के हाथ उठत। 10तूँ ओकरा पत्थर से मार दिहऽ, काहेकि ऊ तोरा तोर परमेश्वर यहोवा से, जौन तोरा दासत्व के घर मतलब कि मिस्र देश से निकास ले अईलन हे, बहकावे के कोशिश कईलन हे।11सभे इस्राएल सुन के डरतन, आउर तोर बीच में अईसन ई तरह के गलत काम नऽ करतन।12यदि तूँ केकरो अपन कोई नगर के बारे में ई कहते सुनवऽ, कि तोर परमेश्वर यहोवा तोरा रहे ला दे हथिन।13तोहनी के बीच में से कुछ दुष्ट सब के निकास के अपन नगर के रहबईयन के अपना भीर खींच लेलन हे, आउर कहलन हे, आवऽ, हमनी पराया देऊता सब के उपासना करम जेकरा तूँ नऽ जानऽ। 14तब तूँ सबूत के जाँचवऽ, खोजवऽ, आउर बढ़िया से जाँचवऽ। जखनी तोरा पता चलत कि ई सच आउर पक्का हे कि तोर बीच में अईसन घिनामन काम करल गेल हे, तऽ तूँ करवाई करिहऽ।15तऽ पक्का ऊ नगर के रहवईयन के तलवार से चढ़ाई करिहऽ, आउर ओकरा आउर ओकर सभे आदमियन के साथे साथ जानवर सहित तलवार से सर्वनाश कर दिहऽ। 16आउर तूँ ओकर सऊँसे लूट चौक के बीच में जमा करिहऽ, आउर अपन परमेश्वर यहोवा लागी ऊ सब नगर के आउर ओकर सऊँसे लूट के जला दिहऽ। नगर हमेशा ला खण्डहर के ढेर बनल रहत; एकरा फिर से कहियो नऽ बनावल जाइ।17जौन चीज नाश लागी अलगे कईल गेल हे ओकरा में से कोई तोर हाथ में नऽ लगत। अईसन जरुर होत कि यहोवा अपन भड़कल गोस्सा के शांत कर के तोरा पर दया करतन, आउर तोरा पर दया के वर्ताव कर के, आउर तोरा गिनती में बढ़ईतन, जईसे ऊ तोर पूरखा सब से वादा कईलन हे।18ऊ अईसन येहिसे करतन, कि तूँ अपन परमेश्वर यहोवा के बात सुन के उनकर सभे आज्ञा के मानिहऽ जौन हम आज तोर सुनावऽ ही, आउर जौन काम अपन परमेश्वर यहोवा के नजर में सही हे ओही करिहऽ।
Bridge Connectivity Solutions Pvt. Ltd.