Deuteronomy11
1मूसा इस्राएली सब से कहलन येहिगुने तूँ अपन परमेश्वर यहोवा से प्रेम रखिहऽ, आउर ओकर सिच्छा, विधि, नियम आउर सब आज्ञा के हमेशा मानिहऽ।2गौर करऽ, हम तोर लईकमन से बात नऽ कर रहली हे, जौन तोर परमेश्वर यहोवा के सजा, उनकर महिमा, उनकर बलवन्त हाथ, चाहे उनकर बढ़ावल भुजा नऽ जानऽ हे, आउर नऽ ही ओखनी देलन हे।3जौन चिन्ह आउर चमत्कार ऊ मिस्र के बीच में मिस्र के राजा फिरौन आउर ओकर सऊँसे देश में देखईलन।4आउर ओखनी ई नऽ देखलन, कि ऊ मिस्र के सेना चाहे ओकर घोड़ा चाहे रथ के साथे का कईलन, आउर जब ऊ तोर पीछा कर रहलन हल, तब ऊ ओकरा लाल सागर के पानी में कईसे डुबा देलन, आउर यहोवा ओकरा आज तक कईसे नाश कर रहलन हे।5चाहे ऊ तोर ई जगहिया पर पहुंचे तक जंगल में तोरा ला का-का कईलन। 6आउर ओखनी न देखलन हल, कि यहोवा रुबेन के पोता एलीआब के बेटा दातान आउर अबीराम से का कईलन, आउर धरती अपन मुंह खोल के उनका, उनकर घराना, तम्बू, आउर सभे जिन्दा आदमी सहित, जौन उनकर पीछे हलन, सभे के बीच में से ही सभे इस्राएल के निंगल गेल। 7बाकि तूँ यहोवा के सभे से बड़का-बड़का काम जौन ऊ कईलन ओकर तोहनी अपन आँख से देखल हे।8येहिसे जेतना आज्ञा हम आज तोरा सुनावऽ ही ऊ सभे के मानिहऽ, जेकरा से तूँ बलवन्त होवऽ, आउर जौन देश के अधिकारी होवेला पार जाय वाला हऽ ओकरा में जा के अधिकारी हो जइतन।9आउर जौन देश में दूध आउर मधु के धारा बहऽ हे ऊ देश में तूँ बड़ी दिन तक जिन्दा रहवऽ, जेकरा देवे के किरिया यहोवा तोर पूरखा से खईलन हल। 10काहेकि जौन देश के अधिकारी होवे जा रहल हे ऊ मिस्र देश के जईसन नऽ हे, जहाँ से तूँ अईलऽ हे, जेज्जा तूँ बिच्चा रोपलऽ, आउर अपन मेहनत से ओकरा सींचलऽ, ऊ साग सब्जियन के बारी के जईसन हे;11बाकि जौन देश के अधिकारी होवे ला तूँ पार जाइ वाला हऽ ऊ पहाड़ी आउर घाटी के देश हे, आउर ओखनी आसमान के वर्षा के पानी पियऽ हे।12ऊ अईसन देश हे जेकरा तोर परमेश्वर यहोवा के याद रहऽ हे; साल के शुरु से लेके साल के अन्त तक तोर परमेश्वर यहोवा के नजर ओकरा पर सदा बनल रह हे।13यदि तूँ अपन जौन आज्ञा हम आज तोरा सुनावऽ ही ओकरा मन लगा के सुनऽ, कि अपन परमेश्वर यहोवा से प्रेम रखऽ, आउर अपन पूरा मन से, आउर पूरा जी-जान से उनकर सेवा करिहऽ, 14आउर हम तोर देश में समय पर बर्षा बरसायेम, मतलब कि पहिलका वर्षा, आउर पिछलका वर्षा भी, जेकरा से तूँ अनाज, नया दाखमधु, आउर टटका तेल जमा कर सकवऽ। 15हम तोर जनावर लागी तोर खेत में घास उपजायेम, आउर तूँ खा के अघा जईबऽ।16होशियार रहिहऽ, अईसन नऽ होवे कि तोर मन धोखा खाय, आउर तूँ पराया देऊतवन के आराधना करे लगऽ, आउर ओकरा दण्डवत करऽ;17जेकरा से यहोवा के गोस्सा तोरा पर नऽ भड़के; आउर अईसन नऽ होवे कि ऊ आसमान के बंद कर देतन, कि वर्षा नऽ होवे, आउर धरती अपन फसल नऽ उपजावे, आउर तूँ ऊ बढ़ियाँ देश में से जौन यहोवा तोरा दे हे, जल्दिये नाश हो जईबऽ।18येहिसे हमर ई वचनमन आउर प्राण में धारण करऽ, आउर चिन्ह लागी अपन हथवा पर बाँधऽ, आउर ऊ तोर आँख के बीच में टीका के काम करत।19आउर तूँ एकरा अपन लईकमन के सिखईहऽ, आउर घर में बईठल, राह पर चलते, सुतते, उठते, एकर चर्चा करते रहिहऽ।20तूँ एकरा अपन घर के चौखट के पाया, आउर अपन नगर के फाटक पर लिखिहऽ21येहिसे कि जौन देश के बारे में यहोवा तोर पूर्वज से किरिया खा के कहलन हल, कि जब तक आसमान धरती पर बनल रहत, तब तक ऊ देश में तूँ आउर तोर लईकमन के उमर बढ़ते रहत।22काहेकि यदि तूँ ई सभे आज्ञा के जे हम तोरा सुनावऽ ही सावधानी से मानवऽ, आउर ओकरा पर चलऽ, आउर अपन परमेश्वर यहोवा से प्रेम रखऽ, आउर ओकरा सभे राह पर चलऽ, आउर उनका से सटल रहऽ,23तब यहोवा ऊ सभे जाति के तोरा सामने से निकास देतन, आउर तूँ अपना से बड़का आउर सामर्थी जाति के ओकरा अधिकार में कर लेवऽ।24जौन-जौन जगहिया पर तूँ गोड़ रखवऽ ऊ तोरे हो जायेत; जंगल से लबानोन तक, परात महानद से लेके पच्छिम समुद्र तक तोरा सीमा होत। 25कोई तोरा सामने टिक नऽ सकतन। तोर परमेश्वर यहोवा तोर कहला के मोताबिक ऊ सऊँसे देश में जेकरा में तूँ रह रहलऽ हे, तोर भय आउर तोर डर भर देतन जइसन ऊ वादा कईलन हल।26देखऽ, हम आज तोरा सामने आशीर्वाद आउर श्राप दूनो रखऽ ही:27यदि तूँ अपन परमेश्वर यहोवा के जौन आज्ञा हम आज तोरा सुनावऽ ही ओकरा मानिहऽ, तऽ आशीष होतो।28यदि तूँ अपने परमेश्वर यहोवा के आज्ञा नऽ मानवऽ, आउर जौन राह के आज्ञा हम आज तोरा सुनावऽ ही ओकरा से मुड़ के पराया देउतवन के पीछे हो लेवऽ जेकरा तूँ नऽ जानऽ हऽ तऽ श्राप पड़त।29तब अईसन होत, कि जब तोर परमेश्वर यहोवा तोरा ऊ देश में पहुँचईतन जेकर अधिकारी होवे ला जा रहलऽ हे, तब तूँ गिरिज्जीम पहाड़ पर से आशीर्वाद, आउर एबाल पहाड़ पर से श्राप देतन।30का ऊ यरदन नदी के पार, अराबा में रहे वालन कनानियन के देश में, गिलगाल के सामने, मोरे के बांजवृक्ष भीर नऽ हे?31काहेकि जौन देश तोर परमेश्वर यहोवा तोरा दे हथिन ओकर अधिकारी होवे लागी तोरा यरदन नदी के पार जायला हे, आउर तूँ ओकर अधिकारी हो जईबऽ, आउर ओकरा में बसल रहबऽ।32आउर जेतना विधि आउर नियम हम आज तोर सामने रखऽ देली हे, ऊ सभे के मानिहऽ।
Bridge Connectivity Solutions Pvt. Ltd.