Colossians4
1स्वामियन के दासवन साथ न्यायपूर्ण आउर निष्पक्ष व्यवहार करे के चाही। तोहनी जे मालिक हऽ ई जरुर ही करऽ काहेकि तूँ भी जानऽ हऽ कि तूँ भी एगो मालिक के सेवा करऽ हऽ, ऊ जे स्वर्ग में हथन। 2लगातार परमेश्वर से प्रार्थना करऽ। प्रार्थना करे घड़ी धियान लगावऽ, आउर परमेश्वर के धन्यवाद करऽ। 3जखनी तूँ प्रार्थना करऽ हऽ, तऽ हमरा लागी भी प्रार्थना करऽ। प्रार्थना करऽ कि परमेश्वर हमरा ला हमर संदेश लागी दुआरी खोले ताकि स्वतंत्र रूप से प्रचार करे में संभव बनावे, जे कि मसीह के बारे में रहस्य हे जेकरा अखनी हमनी दोसर के जौरे साझा करऽ ही। काहेकि ई संदेश के हम प्रचार करली हल येहिगुने, हम ई घड़ी जेल में ही। 4प्रार्थना करऽ कि हम सुसमाचार के साफ रूप से समझावे में काबिल होईहऽ, काहेकि परमेश्वर घड़ी हमरा अईसन करे लागी ही बोलईलन हे।5आस पास के ऊ लोगवन के साथ बुद्धिमानी से व्यवहार करऽ जे मसीह पर विश्वास नऽ करऽ हथन। हर मौका के फायदा उठावऽ तोहनी के ई करे ला ही हे। 6जखनी तूँ ओखनी से बात करऽ हऽ, तऽ तोरा हमेशा अनुग्रह आउर रोचक तरीका से बोले के चाही। जखनी तोहनी अईसन करऽ हऽ तऽ तूँ सभे अादमी के उत्तर देवे के सभे से अच्छा तरीका जान जईवऽ।7तुखिकुस तोरा ऊ सभे कुछ बता देतन जे हमरा साथ हो रहल हे। ऊ एगो विश्वासयोग्य भाई आउर सेवक अईसन साथी दास हथन जिनका से हम प्रेम करऽ ही, जे विश्वासयोग्यता के साथ हमर मदत करऽ हे, आउर जे हमरा जौरे एगो अईसन अादमी के तरह सेवा करऽ हथन जेकरा परमेश्वर प्रभु के साथ एकजूट करलन हे,8ई चिट्ठी के साथ हम तुखिकुस के तोहनी भीर ई लागी भेज रहली हे काहेकि हम चाहऽ ही कि तोहनी ई जान लऽ कि हम कौन हाल में ही आउर काहेकि तुखिकुस के हृदय के उत्साह से जिनगी बितावे में तोहनी के मदत करतन।9हम ओकरा तोहनी भीर भेज रहली हे उनेसिमुस के जौरे जे एगो विश्वासयोग्य साथी विश्वासी हे जेकरा से हम प्रेम करऽ ही। ऊ तोहनी के समूह से हथन। तुखिकुस आउर उनेसिमुस तोरा ईहाँ जे हो रहल हे ओकर बारे में सभे कुछ बतईतन।10अरिस्तर्खुस, जे हमरा साथ बंदीगृह में हथन आउर मरकुस, जे बरनबास के चचेरा भाई हथन, तोरा अपन प्रणाम भेजऽ हथन। तूँ पहिले से ही जानऽ हऽ कि तोहनी के मरकुस के स्वागत करे ला आज्ञा मिलल हे जदि ऊ तोरा से मिले लागी आवऽ हथन।11यीशु भी जेकरा तोहनी यूस्तुस के नाम से भी जानऽ हऽ, अपन अभिवादन भेजऽ हथन ई अादमी अरिस्तर्खुस, मरकुस आउर खतना वाला के तरफ से युस्तुस ही खाली अईसन यहूदी विश्वासी हथन जे परमेश्वर के राज लागी हमर सहकर्मी हथन। आउर ओखनी हमरा ई काम में प्रोत्साहित करलन हे।12इपफ्रास, जे तोहनी के समाज से हथन आउर जे मसीह यीशु के सेवक हथन, तोरा अपन प्रणाम भेजऽ हथन। ऊ तोहनी लागी बड़ी बार ईमानदारी से प्रार्थना करऽ हथन। ऊ प्रार्थना करऽ हथन कि परमेश्वर तोरा ऊ बने के योग्य बनईतन जे होवे लागी परमेश्वर तोरा बोलईलन आउर ऊ सभे कुछ निश्चित करे लागी जे परमेश्वर चाहऽ हथन कि तूँ करऽ।13तूँ जानऽ हऽ कि ऊ तोहनी लागी ई रीति से ई लागी प्रार्थना करऽ हथन काहेकि हमर निजी रूप से ओकर बारे में ई बात के गवाही दे सकली हे। हम तोरा बतावऽ ही कि ऊ तोहनी लागी, आउर ऊ लोगवन लागी जे लौदीकिया शहर में रहऽ हथन, आउर ऊ लोगवन लागी जे हियरापुलिस शहर में रहऽ हथन ढेर कड़ा मेहनत करऽ हथन।14वैद्य लूका, जिनका से हम प्रेम करऽ ही, आउर देमास अपन प्रणाम भेजऽ हथन।15जे लौदीकिया में रहऽ हे ऊ साथी विश्वासियन के नुमफास के, आउर विश्वासियन के ऊ झुण्ड के जे नुमफास के घर में मिलऽ हथन हमर प्रणाम दिहऽ।16जे आदमी ई चिट्ठी के तोहनी लागी पढ़ऽ हथन, ओकरा ई खतम कर लेवे के बाद, एकरा लौदीकिया के भेज दिहऽ जेकरा से कोई एकरा ऊहाँ के विश्वासियन के झुण्ड लागी भी पढ़ सकतन। साथही, ऊ चिट्ठी माँग लिहऽ जे हम लौदीकिया में रहे वाला विश्वासियन के भेजली हल ताकि ओकरा भी पढ़ सकऽ।17तोहनी जरुर ही अरखिप्पुस के ई सुनिश्चित करे लागी बोले ला हे कि ओखनी सेवा के काम पूरा करतन जे प्रभु करे लागी देलन हल जब परमेश्वर ओकरा मसीह के साथ एकजूट करलन हल।18हम पौलुस, अपन प्रणाम तोरा भेजऽ ही। हमर लिखे वाला से एकरा लिखावे के बजाय हम ई अंतिम शब्द खुद लिख रहली हे। तोहनी के ई नऽ भूलाय के हे कि हम सिकड़ में ही। हम प्रार्थना करऽ ही कि परमेश्वर तोरा पर दयालु बनल रहतन।
Bridge Connectivity Solutions Pvt. Ltd.