Colossians3
1जे हम पहिले कहली हल ओकरे पर वापस लौटते ई अईसन हे कि जईसन परमेश्वर तोहनी के फिनो से जिलईलन येहिगुने कर देलन हे काहेकि ऊ तोहनी के ओकरा में शामिल कर देलन हे जखनी ऊ मसीह के फिनो से जिन्दा कर देलन हल। ई कारण से हम चाहऽ ही कि जे चिजवन स्वर्ग में हे तोहनी ओकरा पर धियान लगईले रहऽ काहेकि मसीह ऊहें पर हथन। ऊ परमेश्वर पिता के बगल सिंहासन पर बईठल हथन आउर समूचे चिजवन पर राज करऽ हथन। 2हम चाहऽ ही कि तोहनी ऊ चिजवन के बारे में सोचऽ जे स्वर्ग में परमेश्वर तोहनी लागी तईयार कर रखलन हे ऊ चिजवन के नऽ जे तोहनी ई धरती पर ईहाँ प्राप्त कर सकलऽ हे।3तोरा ई रीति से येहिगुने सोचे के चाही काहेकि ई अईसन हे कि जईसे तूँ मर गेलऽ हे। तूँ आत्मिक रूप से खाली येहिगुने जिन्दा हऽ काहेकि परमेश्वर अपना साथे गहरा सम्बन्ध में तोर जिनगी मसीह के साथ एकजूट कर देलन हे, आउर ई समय धरती पर एकरा देखल नऽ जा सकऽ हे।4तूँ येहिगुने जिन्दा हऽ काहेकि परमेश्वर तोर जिनगी के मसीह के साथ एकजूट कर देलन हे। येहिगुने जखनी ऊ धरती पर वापस लौटतन आउर हर एक अादमी उनकर महिमा देखतन, तऽ ऊ घड़ी तूँ ओकर साथे होवऽ। तऽ, हर एक लोग देखे पईतन कि तोहनी भी उनका जईसन तेजस्वी प्राणी बन गेलऽ हे। 5काहेकि ई तोहनी के भविष्य हे, येहिगुने ई धरती पर बुरा काम करे के इच्छा के दुश्मन के जईसन समझऽ जेकरा तोहनी के मारे ला हे। तूँ जौन बुरा कामवन के करे के इच्छा कर सकल हे ओकरा में शामिल हे गलत यौन व्यभिचार, अशुद्ध काम करे ला, गलत भावना के आनन्द लिहऽ, बुरा कामवन के इच्छा करे ला, आउर जे तोहनी के जरुरत हे ओकरा से जादे चाहऽ, जे कोई मूर्तिपूजा के उपवास करे के समान हे।6काहेकि अादमियन में ई इच्छा होवऽ हे, येहिगुने परमेश्वर ओखनी पर गोस्सा हथन आउर ओखनी के दण्ड देतन।7ओखनी के ही तरह, तोहनी भी बुरा कामवन करे ला जिनगी बितावऽ हलऽ। ऊ, ऊ समय हल जब तोहनी ई इच्छावन के पूरा करलऽ।8बाकि अखनी जबकि तोहनी विश्वास करलऽ हे तोरा सभे बुरा कामवन से वर्ताव करे ला बंद कर देवे के चाही। ई बुरा कामवन में शामिल हे क्रोधित तरीका से काम करे ला, दोसर पर क्रोधित होवे ला, दोसरा के चोट पहुँचावे के इच्छा रखे ला, दोसर के बारे में निन्दा के बात बोले ला आउर शर्मनाक बात के बोले ला। 9तोहनी के एक दोसर से झूठ नऽ बोले के चाही। तूँ ऊ अादमी नऽ हऽ जे तूँ होल करऽ हलऽ। एगो अईसन जे साधारण तरीका से ई बुरा तरीका से व्यवहार करलन हल। 10आउर नया आदमियन के पेहेन लेलन हे जे अपन सृजनहार के स्वरूप के मुताबिक ज्ञान प्राप्त करे लागी नया बनते जा हे।11येहिगुने तूँ एकदम नया लोग हऽ, ई जरुरी नऽ हे कि चाहे कोई अादमी यूनानी हथन चाहे गैर-यहूदी, चाहे कोई के खतना होल हे चाहे बिन खतना के, चाहे कोई विदेशी, चाहे कोई स्कूती, चाहे असभ्य अादमी हथन, चाहे कोई दास हथन, चाहे नऽ हे। बजाय एकर, ई मसीह ही हथन जे सभे से महत्वपूर्ण हथन, आउर परमेश्वर उनका तोहनी सभे साथे एकजूट करलन हे।12परमेश्वर तोहनी के चुनलन हे, ऊ तोहनी के अपन पवित्र लोगवन के रूप में अलग करलन हे, आउर ऊ तोरा से प्रेम करऽ हथन। ई बात के कारण काहेकि तूँ नया अादमी हऽ, तोरा हमेशा दोसर के प्रति सही व्यवहार करे के चाही। एकरा में शामिल हे ओकर प्रवाह करे ला, ओकर प्रति दयालु होवे ला, घमण्ड नऽ करे ला, कड़ा व्यवहार नऽ करे ला आउर क्रोधित होवे में जादे समय लिहऽ।13तोहनी के आसानी से एक दोसर से चिढ़े के नऽ चाही। जखनी तूँ दोसर लोगवन पर ओकर द्वारा करल गेल कामवन लागी दोष लगावऽ हे, तऽ ओखनी के तोरा क्षमा कर देवे के चाही। तोरा एक दोसर के क्षमा करे के द्वारा एकरा पालन करे ला चाही कि प्रभु तोहनी के कईसे क्षमा करलन।14अन्त में, अखनी तक हर एक बात जे हम कहली हे ओकरा से जादे जरुरी जे हे ई हे कि तोहनी एक दोसर से प्रेम करऽ। अईसे करे के द्वारा तोहनी खुद के साथ में एकजूट कर लेवऽ, जईसन परमेश्वर तोरा करे लागी बोलईलन हे।15आउर मसीह के शान्ति जेकरा ला तूँ एगो देह होके बोलावल गेलऽ हे, तोर हृदय में राज करतन, आउर तूँ धन्यवादी बनल रहऽ16जखनी तूँ सोचऽ हऽ आउर काम करऽ हऽ, तऽ तोरा पूरा तरह से मसीह के बारे में मन से संदेश पर धियान देवे के चाही। तोहनी के एक दोसर के पवित्रशास्त्र के गीतवन, यीशु के बारे में आत्मिक गीतवन आउर पवित्र आत्मा द्वारा तोहनी के देवल गेल गीतवन के इस्तेमाल कर के बड़ी बुद्धिमानी से सिखावे आउर निर्देश देवे के चाही। तोहनी के धन्यवाद के साथ आउर ईमानदारी से परमेश्वर लागी गावे के चाही।17जखनी भी तोहनी कुछ कहऽ हऽ, तऽ हर स्थिति में तोरा ऊ लोगवन के समान व्यवहार करे के चाही जे प्रभु यीशु के नाम से अगुवाई करऽ हथन। साथही, तोरा परमेश्वर के धन्यवाद करे के चाही, जे हमनी के पिता हथन। खाली मसीह के कामवन के कारण तोहनी अईसन कर सकलऽ हे।18मेहरारूवन के अपन पतियन के जौरे अपन परिवारवन के अगुवा के तरह व्यवहार करे के चाही, काहेकि ई ओखनी लागी उपयुक्त व्यवहार हे जेकरा परमेश्वर प्रभु के साथ एकजूट करलन हे। 19पतियन के भी अपन मेहरारूवन से प्रेम रखे के चाही आउर ओखनी साथ कठोर से व्यवहार नऽ करे के चाही।20लईकन के हर हालत में अपन माता-पिता के आज्ञा पालन करे के चाही। ई परमेश्वर के खुश करऽ हे आउर ओखनी लागी सही हे जेकरा प्रभु के साथ एकजूट कईले हे।21पिता सभे के अपन लईकन के गोस्सा नऽ देलावे के चाही। नऽ तऽ लईकन हार मान जायला महसूस कर सकलन हे।22हे दासवन, उनकर आज्ञा पालन करे के चाही जे ई संसार में हर हालत में जे उनकर देह के मुताबिक मालिक हथन। ओखनी के आज्ञा पालन करे के चाही नऽ खाली तखनी जखनी ओखनी के मालिक आँख से देख रहलन हे, जे खाली आदमियन के खुश करे ला चाहऽ हथन ओखनी एही तरह से व्यवहार करऽ हथन। बजाय एकर, ओखनी के अपन मालिक के आज्ञा पालन येहिगुने ईमानदारी से करे के चाही काहेकि ओखनी मन के सिधाई आउर प्रभु के भय साथ श्रद्धापूर्वक व्यवहार करऽ हथन।23तोहनी के जे भी काम करे ला हे ओकरा पूरा मन से करऽ, जईसे कि खाली मानवीय मालिक के बजाय तोहनी प्रभु लागी काम कर रहलऽ हे।24तोरा ई रीति से आज्ञा पालन आउर सेवा येहिगुने करे के चाही काहेकि तूँ जानऽ हऽ कि तोरा ऊ देवे के द्वारा प्रभु न्यायपूर्ण तोरा ओकर, भुगतान करतन जे ऊ तोहनी लागी रख देलन हे। स्मरण रखऽ कि प्रभु मसीह ओखनी के सच्चा स्वामी हथन जिनका लागी तोहनी काम कर रहलऽ हे।25तोरा स्मरण रखे के चाही कि सच्चा स्वामी कौन हथन काहेकि जे कोई भी गलत करऽ हथन, ऊ गलत काम के तुलना में परमेश्वर ओखनी के बिना पक्षपात के सजा देतन। अईसन येहिगुने हे काहेकि परमेश्वर लोगवन के आकलन ई आधार पर नऽ करऽ हथन कि ओखनी कईसन जन हथन चाहे ऊ कौन हथन, बाकि एकरा पर कि ओखनी कौची करलन हे।
Bridge Connectivity Solutions Pvt. Ltd.