1 Thessalonians1
1पौलुस आउर सिलवानुस आउर तीमुथियुस के ओर से परमेश्वर पिता आउर प्रभु यीशु मसीह में रहे वाला थिस्सलुनीकियों शहर के कलीसिया के नाम। तोरा अनुग्रह आउर शान्ति मिलत। 2हमर प्रार्थना में हमेशा तोरा बखान कर के, हम हमेशा तूँ सभे ला परमेश्वर के धन्यवाद करऽ ही,3हमर परमेश्वर आउर पिता के नजदीक हमर प्रभु यीशु मसीह में तोहनी के विश्वास के काम आउर प्रेम के मेहनत आउर आशा के दृढ़ता के याद करते;4परमेश्वर द्वारा प्रेम करल गेल भईवन, तोरा चुनल गेल जानते भर में, 5काहेकि हमर सुसमाचार तोरा भीर खाली वचन के रूप में नऽ, बाकि सामर्थ आउर पवित्र आत्मा में आउर बड़ी निश्चय में भी आयेल, जईसन कि तूँ जानऽ हऽ कि तोहनी चलते हम तोहनी के बीच में कौन तरह के आदमी हली।6आउर बड़का दुःख में वचन के ग्रहण कर के पवित्र आत्मा के आनन्द के साथे, तूँ हमनी के आउर प्रभु के माने वाला बन गेलऽ।7जेकर नतीजा, मकिदुनिया शहर में रहे वाला आउर अखाया शहर में रहे वाला ऊ सभे लोगवन ला जे विश्वास करऽ हथन तूँ एगो उदाहरण बन गेलऽ।8काहेकि तोरा जरिये खाली मकिदुनिया में से आउर अखाया में से ही प्रभु के वचन नऽ सुनावल गेल, बाकि परमेश्वर के तरफ तोर विश्वास हरेक जगह में पहुँच गेलक हे। येहिगुने, हमरा कुछो कहे के जरुरत नऽ हे।9काहेकि ओखनी खुद हमरा बारे में खबर दे हथन कि तोरा भीर कौन तरह के स्वागत सत्कार प्राप्त होलक आउर कईसे तूँ मूर्तियन से परमेश्वर के ओर मुड़ के जीवित आउर सच्चा परमेश्वर के सेवा करऽ10आउर उनकर बेटा यीशु के स्वर्ग से आवे के प्रतीक्षा करऽ, जेकरा ऊ मरल में से जिलईलन, जे हमरा आवे वाला विपत्ति से बचावऽ हथन।
Bridge Connectivity Solutions Pvt. Ltd.