Colossians2
1हम ई बात के येहिगुने लिख रहली हे काहेकि हम तोहनी के ई बारे में सूचित करे लागी चाहऽ ही कि हम केतना कड़ा मेहनत कर रहली हे। हम कड़ा मेहनत करऽ ही तोरा लागी साथी विश्वासियन लागी जे ऊ लौदीकिया शहर में रहऽ हथन, आउर ऊ सभे साथी विश्वासियन लागी जे हमरा से शारीरिक तोर से नऽ मिललऽ हे।2हम एतना कड़ा मेहनत येहिगुने करऽ ही जेकरा से तोहनी सभे के मन के प्रोत्साहित कर सकऽ ही जे हमरा से मिलल भी नऽ हथन जेकरा से कि तूँ एक दोसर लागी प्रेम के साथ आपस में एकजूट हो जा। हम चाहऽ ही तोहनी पूरा तरीका से आउर भरोसा के साथ ऊ रहस्य के समझ जा जेकरा परमेश्वर बीतल समय में छिपा के रखलन हल। ई रहस्य मसीह के बारे में हे।3ई रहस्य जे कि मसीह हथन, बुद्धिमानी के खजाना समेत अपन भीतर हर ऊ बात के शामिल करऽ हथन जे कि मूल्यवान हे।4हम तोरा ई रहस्य के बारे में येहिगुने बता रहली हे जेकरा से कोई अादमी जे मजबूती से तर्क करऽ हथन ऊ तोरा ऊ बात पर विश्वास करे लागी मजबूर नऽ करतन जे सच नऽ हे।5तोहनी जान सकल हे कि जे मजबूती से तर्क करऽ हथन ओखनी येहिगुने गलत हथन काहेकि हम तोर परवाह करऽ ही, आउर तोरा बारे में सोचऽ ही, भले ही हम तोहनी के साथ शारीरिक रूप में नऽ ही। हम ई देख के बड़ी जादे खुश ही कि तोहनी सही रीति से व्यवहार करऽ हऽ आउर ई कि तोहनी स्थिरता के साथ आत्मा में होके मसीह पर विश्वास करऽ हऽ।6अखनी जे सच हम तोहनी के शुभ संदेश के बारे में आउर हमरा बारे में बतईली हल, हम चाहऽ ही कि तूँ ई रीति से व्यवहार करऽ जे ई बात से मेल खा हे कि परमेश्वर तोरा मसीह के साथ कईसे जोड़लन हे। तोरा ओईसने व्यवहार करते रहे के चाही जईसन तोहनी तहिया करलऽ हल जहिया तोहनी मसीह यीशु के प्रभु कर के ग्रहण करलऽ हल।7ई रीति से व्यवहार करे में शामिल हे स्थिरतापूर्वक उनका साथ एकजूट बनल रहिहऽ। जे तरह से पौधवन के जड़ियन जमीन में ओकरा स्थिरतापूर्वक पकड़ले रहऽ हे। एकरा में ओकरा पर पूरा तौर से आश्रित रहे लागी भी शामिल हे, जौन तरह से कोई घर अपन नींव पर खड़ा रहऽ हे। एकरा में विश्वासपूर्वक मसीह पर भरोसा रखे ला भी शामिल हे जौन तरह से इपफ्रास तोहनी के सिखईलन, आउर जादे से जादे धन्यवाद करते रहऽ। 8सावधान रहऽ जेकरा से कोई भी आदमी जे तोहनी के सच से दूर ले जाय के कोशिश करतन ऊ सफल नऽ होतन। जे कोई भी तोरा दूर ले जाय के कोशिश करऽ हे ऊ अईसन मानवीय सोच के इस्तेमाल करतन जे अर्थहीन आउर संदेह पैदा करे वाला हे। अईसन झूठ संदेश ऊहाँ से आवऽ हे जे मौलिक शिक्षा जवान पीढ़ी के सिखावऽ हे आउर ऊहाँ से अादमी साधारण रूप से संसार के बारे में सोचऽ हथन, नऽ कि मसीह के तरफ से।9हम मसीह के बखान येहिगुने करऽ ही काहेकि ऊ, एगो अादमी, पूरा तौर से परमेश्वर हथन।10एकर अलावे, तोहनी के पास ऊ सभे कुछ हे जेकर तोहनी के जरुरत हे जहिया से परमेश्वर तोहनी के मसीह साथे एकजूट कर देलन हे, जे सभे शासक के आउर सभे अधिकारी समेत, आत्मिक प्राणियन पर शासन करऽ हथन।11जब परमेश्वर तोरा मसीह के साथे एकजूट करलन हे, तऽ ई अईसन हल जईसे कि परमेश्वर पिता तोरा खतना कर देलन हे। हमर मतलब ई नऽ कि कोई आदमी शारीरिक देह से तोहनी के मांस काट के निकास देतन। बलुक, मांस काटे के बजाय, परमेश्वर तोहनी के कमजोर आउर पापी अंगवन के हटा देलन हे। जे मसीह पूरा कर देलन हे ओकर माध्यम से परमेश्वर ई रीति से तोहनी के खतना करलन।12ईहाँ ई समझे के एगो आउर तरीका हे कि परमेश्वर तोहनी लागी कौची करलन हे: जखनी ऊ ओखनी तोहनी के बपतिस्मा देलन, तऽ ई अईसन होल कि जईसे तूँ मर गेलऽ आउर लोगवन तोरा दफना देलन काहेकि परमेश्वर पिता तोहनी के ओकरा में शामिल करलन जखनी मसीह के मौत हो गेल आउर लोगवन उनका दफना देलन हल। आउर ई अईसन हल कि मानऽ परमेश्वर पिता तोरा फिनो से जिन्दा कर देलन काहेकि ऊ तोरा ओकरा में शामिल करलन जखनी ऊ मसीह के फिनो से जिलईलन हल। ई येहिगुने घटित होल काहेकि तूँ विश्वास करलऽ हल कि परमेश्वर पिता शक्तिशाली रूप से काम करऽ हथन, खास कर के जखनी ऊ मसीह के फिनो से जिलईलन हल।13आउर तूँ, जे अपन देह के अपराध में आउर खतनारहित होवे के चलते मरल हलऽ, ऊ तोरा उनका साथे जिलईलन आउर हमर सभे अपराधवन के मांफ कर देलन,14ई अईसन हल कि जईसे परमेश्वर के पास ऊ कर्जावन के आधिकारिक सूचि हल जे हमनी पर बकाया हल, जे कि हमनी के पाप हे। जब ऊ हमनी के मांफ करलन तऽ, ऊ पापवन के ऊ सूचि के मिटा देलन जे हमनी के खिलाफ गिनल गेल हल आउर ऊ एकरा हमनी आउर उनकर बीच में आवे से रोक देलन। परमेश्वर एकरा तब पूरा करलन जब मसीह क्रूस पर मरलन, ई निश्चित के साथ जईसन कि ऊ ऊ सूचि के क्रूस पर जड़ देलन।15एकर अलावे, परमेश्वर ऊ आत्मिक प्राणियन आउर शासकवन आउर अधिकारवन के पराजित कर देलन जे संसार पर राज करऽ हे, आउर ऊ सार्वजनिक रूप से प्रदर्शित कर देलन कि ऊ ओखनी के पराजित कर देलन हे, जईसे कि ओखनी उनकर बंदियन के जईसन उनकर चारो तरफ जुलुस निकासलन। परमेश्वर ई तब करलन जब मसीह क्रूस पर मरलन।16ई बात के चलते जेकरा परमेश्वर तोहनी लागी करलन, ऊ बारे में चिंता मत करिहऽ जे दोसर अादमी कहऽ हथन कि तोहनी के करे के चाही। ई बारे में उनकर अपन फईसला हो सकल हे कि कौची खाय ला हे आउर कौची पिये ला हे। ई बारे में उनकर अपन फईसला हो सकल हे कौन खास दिन के माने ला हे, परमेश्वर के आराधना करे के दिन, परव मनावे के दिन जब नया चाँद होवऽ हे। चाहे फिनो सब्त के दिन समेत।17परमेश्वर ई चिजवन के ई इशारा करे लागी इस्तेमाल करलन कि ऊ भविष्य लागी कौची योजना बनईलन हे, जे कि देह मसीह के आगमन हे।18तूँ कुछ अईसन अादमी से मिलावऽ जे विनम्र होवे के ढोंग करे में खुश होवऽ हथन आउर स्वर्गदूत के उपासना करऽ हथन आउर जे ऊ अनोखा चिजवन के बारे में बात करे लागी पसन्द करऽ हथन जे ओखनी देखलन हे। ओखनी अईसन व्यवहार करऽ हथन जईसे कि ओखनी महान हथन जबकि कोई भला कारण के बिना, काहेकि ओखनी खाली शारीरिक रीति से सोचऽ हथन। अईसन लोगवन के मत सुनिहऽ जे ओकरा छिने के कोशिश कर रहलन हे जे परमेश्वर तोहनी के देवे लागी तईयार कर रखलन हे।19ई लोग मसीह के प्रति वफादार नऽ रहलन हे। ओही हथन जे कलीसिया के अगुवाई करऽ हथन। ठीक ओईसहीं जईसे लोगवन के सिर ओखनी के देह के अगुवाई करऽ हे। सिर अगुवाई करऽ हे कि कईसे पूरा देह के, एक-एक अंग के ऊ प्राप्त हो सकत जेकर ओकरा जरुरत होवऽ हे आउर कईसे एक साथ काम करऽ हे। एही तरह से देह के विकास होवऽ हे। ठीक ओईसहीं तरह से, मसीह कलीसिया के अगुवाई करऽ हे येहिगुने ऊ ओईसहीं बढ़तन जईसे परमेश्वर चाहऽ हथन कि ओखनी बढ़तन।20ई अईसन हे जईसे कि तूँ मर गेलऽ हे, काहेकि परमेश्वर तोरा ओकरा में शामिल कर देलन, जखनी मसीह मर गेलन हल। ई तोरा आजाद करऽ हथन ऊ आत्मिक प्राणियन से जे ई संसार में जिनगी बितावऽ हे। येहिगुने तोहनी के ऊ मौलिक शिक्षा के पालन नऽ करे के चाही जे ऊ लोगवन तोहनी के देलन हे अईसन करे के मतलब होत कि तूँ सचमुच अखनियो संसार के भाग हऽ।21ई नियमवन में ई तरह के आदेश शामिल हे “कुछ चिजवन के एहसास मत करऽ!” कुछ खाय के चिजवन के स्वाद नऽ लऽ! “कुछ चिजवन के मत पकड़ऽ!” 22अईसन सभे नियम ऊ चिजवन से जुड़ल हे जे तऽ खतम हो जा हे जखनी लोग ओकर इस्तेमाल करऽ हथन! एकरा से हट के, परमेश्वर नऽ, बाकि आदमी ई नियम के सिखावऽ हथन आउर एकर माँग करऽ हथन।23ई अपन बनावल गेल धरम के पालन करे लागी ऊ आदमियन लागी बुद्धि के बात जान पड़ऽ हे जे परमेश्वर के आराधना ओईसहीं करऽ हथन जईसे ओखनी चाहऽ हथन, जे विनम्र होवे के नाटक करऽ हथन, आउर जे अपन देहवन के साथ ओखनी के धरम के भाग के रूप में बुरा तरीका से बर्ताव करऽ हथन। येहिगुने, ई नियमवन के पालन करे लागी भी पाप करे से रुक जाय में तोर सहायता नऽ करतन।
Bridge Connectivity Solutions Pvt. Ltd.