Acts3
1एक दिन पतरस आउर यूहन्ना प्रार्थना ला आराधनालय में जा रहलन हल। ऊ घड़ी दिन के तीन बज रहल हल, आउर लोग ऊहाँ प्रार्थना कर रहलन हल।2आउर ऊहाँ एगो जनम के लँगड़ा आदमी हल जौन चले में अलचार हल। ऊ मन्दिर के प्रवेश दुआरी सुन्दर नाम के फाटक पर बईठल हल। लोग उनका हरेक दिन ऊहाँ ले जा हलन जेकरा से ऊ मन्दिर के अँगना में प्रवेश करे वाला से कुछ पईसा माँग सकत।3जब पतरस आउर यूहन्ना आराधनालय के अँगना में जाय वाला हलन, तऽ ऊ उनका से विनती कर के कुछ पईसा माँगे लगल।4जखनी पतरस आउर यूहन्ना ओकरा दने देखलन, तऽ पतरस उनका से कहलन, "हमरा दने देखऽ!"5तऽ ऊ उनका से कुछ पईसा पावे के उम्मीद में ऊ उनका दने ताके लगलन।6तब पतरस ओकरा से कहलन, "हमरा भीर सोना चाँदी आउर पईसा तऽ नऽ हे, बाकि जे कुछ हम कर सकऽ ही, ऊ तोरा ला करम। यीशु मसीह नासरी के नाम से तूँ चंगा हो गेलऽ हे। उठऽ आउर चलऽ फिरऽ।"7तऽ पतरस ऊ आदमी के दहिना हाथ पकड़ के ओकरा खड़ा होवे ला मदत करलन। एकदम ओही घड़ी ऊ आदमी के गोड़ आउर ठेहुना में तागत आ गेल।8आउर ऊ उछल के चले लगलन आउर पतरस आउर यूहन्ना के साथे चलते, कूदते आउर परमेश्वर के स्तुति करते आराधनालय में गेलन।9आउर मन्दिर में मौजूद सभे लोग ओकरा चलते-फिरते आउर परमेश्वर के स्तुति करते देखलन।10ओखनी पछान लेलन कि ई ओही आदमी हे जौन आराधनालय के अँगना में सुन्दर फाटक पर बईठ के लोगवन से पईसा माँगते रहऽ हल! येहिसे ऊहाँ मौजूद सभे लोग ई देखके बड़ी हैरान होलन कि ओकरा साथे का होल हल।11जखनी लँगड़ा आदमी जे चंगा होलन हल पतरस आउर यूहन्ना से लिपट गेलन, तऽ सभे लोग एतना अचरज हो गेलन आउर समझ नऽ पईलन कि हम का सोचम! आउर ऊ आराधनालय के अँगना में ऊ जगह पर दौड़लन, जेकरा सुलैमान के ओसारा कहल जा हे।12जखनी पतरस लोगवन के देखलन, तऽ ऊ उनका से कहलन, "हे हमर इस्राएली साथी, ई आदमी साथे जौन होल हे, ओकरा से तूँ अचरज मत करिहऽ! तूँ हमरा काहे अईसे देखऽ हऽ, लगऽ हे हम ही अपन सामर्थ से ई आदमी के चले फिरे के लायक बना सकली हे?13येहिसे अब हम तोरा बतावऽ ही कि: हमर पुरखावन में, अब्राहम, इसहाक आउर याकूब भी शामिल हलन, जे परमेश्वर के उपासना करऽ हलन। आउर अब परमेश्वर अपन सेवक यीशु के जौन उनकर सेवा करलन आउर बड़ी इज्जत देलन हे। तोर अगुवा के राजपाल पिलातुस भीर ले गेलन, जेकरा से कि उनकर सिपाही उनका मार देतन। तोहनिये हलऽ जे पिलातुस के सामने यीशु के इंकार कर देलऽ हल, जबकि पिलातुस यीशु के छोड़ देवे के फईसला लेलन हल।14जबकि यीशु इस्राएल के परमेश्वर पवित्र आउर धर्मी आदमी हलन, तईयो तूँ उनका नऽ अपनईलऽ आउर ओकर बदले एगो हत्यारा के छोड़े लागी मंजूर कर लेलऽ!15परमेश्वर सोचलन कि तूँ यीशु के मार देलऽ, जे अनन्त जिनगी दे हथन। बाकि परमेश्वर उनका फिन से जिन्दा कर देलन हे जेकर हम गवाह ही। हमनी यीशु के फिन से जिन्दा होला के बाद केतना बार देखली हे।16काहेकि हम यीशु मसीह के नाम पर विश्वास करली हल कि ऊ जे कर सकलन हे, येहिसे ऊ ई आदमी के, जिनका तूँ देख रहलऽ हे आउर जानऽ हऽ, फिन से सामर्थी बनईलन हे। हाँ, काहेकि हमनी यीशु पर भरोसा करली हल, कि ऊ ई आदमी के पूरा तरह से चंगा करलन हे, जेकरा तोहनी सभे देख सकलऽ हे। 17“अब, हे हमर साथी देशवासियन, हम जानऽ ही कि तूँ आउर तोर शासकवन यीशु के मार देलन काहेकि तूँ नऽ जानऽ हलऽ कि ऊ मसीह हलन।18परमेश्वर अखनी ओही बात पूरा करलन हे जे ऊ बड़ी पहिले भविष्यद्वक्तावन के बतईलन हल: कि लोग यीशु के मार देतन। परमेश्वर भविष्यद्वक्तावन से कहलन हल कि परमेश्वर दने से भेजल गेल मसीह दुःख उठईतन आउर मरतन।19येहिसे अपन पापमय जिनगी से मन फिरावऽ आउर परमेश्वर से प्रार्थना करऽ कि ऊ तोरा ओही करे में मदत करतन जौन उनका बढ़ियाँ लगऽ हे, जेकरा से ऊ तोर पापवन के पूरा तरह से क्षमा कर देतन आउर तोरा सामर्थ देतन।20जदि तूँ अईसन करवऽ, तऽ अईसन घड़ी अईतन तऽ तूँ जान जईवऽ कि प्रभु परमेश्वर तोर मदत कर रहलन हे। आउर एक दिन परमेश्वर फिन से धरती पर मसीह के भेजतन, जिनका ऊ तोरा देलन हे। ऊ आदमी यीशु हथन। 21यीशु तब तक स्वर्ग में रहतन जब तक कि परमेश्वर अपन बनावल गेल सभे चीज के नया नऽ बना देतन। परमेश्वर बड़ी पहिले वादा करलन हल कि ऊ अईसन करतन आउर ऊ लोगवन के ई बतावे लागी पवित्र भविष्यद्वक्तावन के चुनलन हल।22उदाहरण लागी भविष्यद्वक्ता मूसा मसीह के बारे में ई कहलन: 'तोहनी के परमेश्वर प्रभु तोहनी के बीच में से हमरा जईसन एगो भविष्यद्वक्ता भेजतन। ऊ तोहनी से जे कुछ कहतन, तूँ उनकर बात के मानिहऽ।23जे आत्मा ऊ भविष्यद्वक्ता के बात नऽ सुनतन आउर उनकर आज्ञा के नऽ मानतन, ऊ आगे से परमेश्वर के लोग नऽ रहतन, आउर परमेश्वर उनका नाश कर देतन।”24पतरस आगे कहलन, “सभे भविष्यद्वक्तावन बतईलन हे कि ई दिन में का-का होवे वाला हे। ऊ भविष्यद्वक्तावन में शमूएल आउर ओखनी सभे भविष्यद्वक्ता शामिल हथन जे बाद में ई सभे घटना के होवे से पहिले एकर बारे में बता देलन हल।25तूँ भविष्यद्वक्तावन आउर वाचा के संतान हऽ जब परमेश्वर हमर पुरखावन के आशीष देवे ला दृढ़ वचन देलन, तऽ ऊ तोरा भी आशीष देवे ला फईसला लेलन। ऊ अब्राहम से मसीह के बारे में कहलन, 'हम तोर वंशज कामवन के चलते हम धरती के सभे लोगवन के आशीष देम।” 26पतरस एगो निचोड़ निकासलन, “येहिसे जब परमेश्वर यीशु के सेवक के रूप में सेवा करे लागी धरती पर भेजलन, तऽ ऊ उनका सभे से पहिले तोहनी इस्राएलियन भीर भेजलन जेकरा से ऊ तोहनी के आशीष देतन आउर तोहनी के बुराई करे से रोकतन।”
Bridge Connectivity Solutions Pvt. Ltd.