Acts28
1जखनी हम सुरक्षित रूप से बच के किनारे पर पहुँच गेली, तऽ हमरा पता चलल कि हम माल्टा नाम के एगो द्वीप पर ही।2ऊहाँ के रहे वाला गैर-यहूदी लोग बड़ी ही उदारता से हमरा पर कृपा करलन। जाड़ा के मौसम हल आउर बरसा शुरु हो गेल हल, येहिगुने ओखनी आग जलईलन आउर हमनी सभे के अपना भीर बोला के आग तापेला कहलन।3जब पौलुस सुखल लकड़ी के एगो गबड़ा जलावे ला आग पर रखलन, तऽ एगो बिखधर साँप आग के गरमी से बचे लागी आग से बाहर निकललऽ आउर पौलुस के हाथ में डँस लेलक आउर ओकरा में लटपटा गेल।4बाकि द्वीप के गैर-यहूदी लोग पौलुस के हाथ में लटकल साँप के देखलन। तऽ ओखनी आपस में कहे लगलन कि “ई आदमी जरुर कोई के हत्या करलन हे। ई समुद्र में डूबे से तऽ बच गेल हे, बाकि न्याय के देवी एकरा ओईसहीं जिन्दा नऽ रहे देलन हे। ई साँप के काटे से मर जईतन।”5बाकि पौलुस अपन हाथ के जोर से हिलईलन कि साँप उनकर हाथ से छूट के आग में गिर जाय। आउर साँप गिर गेल आउर पौलुस के कोई क्षति नऽ होल।6तईयो द्वीप के कुछ लोगवन के लग रहल हल कि साँप के काटे के वजह से पौलुस के देह सूज जायेत। कुछ लोग के लगल कि ऊ एकबैग गिर के मर जईतन। बाकि ओखनी बड़ी देर तक इंतजार करलन तऽ अईसन कुछ भी नऽ देखलन। येहिसे लोग सोचे लगलन कि पौलुस कौन हे, एकरा पछाने में गलत हलन। ओखनी एक दोसरा से कहे लगलन, "ई आदमी हत्या नऽ हथन! ई तऽ जरुर कोई देऊता होतन!" काहेकि साँप के काटे से कोई भी इंसान मर सकलन हे।"7अखनी द्वीप के लोग कुछ खेत में आग जलईलन जे पुबलियुस नाम के एगो आदमी के खेत हल। ऊ द्वीप के मुख्य अधिकारी हलन। ऊ हमरा अपन घर में रहे लागी आमंत्रित करलन। ऊ तीन दिन तक हमर बड़ी बढ़ियाँ से पहुनाई करलन।8ऊ समय पुबलियुस के पिता बुखार आउर पेचिश के बेमारी से पीड़ित हलन आउर बिस्तर पर पड़ल हलन। येहिसे पौलुस उनका भीर गेलन आउर उनका ला प्रार्थना करलन। फिन पौलुस उनका पर हाथ रख के उनका चंगा करलन।9जब पौलुस पुबलियुस के पिता के चंगा करलन तऽ ऊ द्वीप के बाकि सभे दोसरा बेमार लोग उनका भीर अईलन आउर ओकरो भी चंगा करलन।10ऊ टापू के लोग हमरा ला तोहफा लेके अईलन आउर दोसरा तरीका से देखईलन कि हमरा बड़ी इज्जत करऽ हथन। जखनी हम जाय लागी तईयार होली, तऽ ओखनी हमरा लागी खाय-पिये के सामान आउर दोसरा चीज भी लईलन जेकर हमरा जहाज पर जरुरत हल।11हम माल्टा में तीन महीना ला रहली, फिन हम जहाज पर सवार होके रवाना हो गेली। जहाँ ई जहाज सिकन्दरिया से इटली जा रहल हल। जहाज के सामने दूगो जुड़वा देऊता के काढ़ल गेल दियुसकूरी के मूर्ति बनावल हल, जेकर नाम कास्टर आउर पोलक्स हल। 12जब हम सुरकूसा शहर पहुँचली तऽ ऊहाँ तीन दिन रहली।13फिन हम सुरकूसा से जहाज से रवाना होली आउर इतालिया के रेगियुम शहर में पहुँचली। अगला दिन हवा दक्खिन से चले लगल। येहिसे खाली दू दिन में हम पुतियुली शहर पहुँच गेली। हम ऊहाँ जहाज से उतर गेली आउर रोम तक के बाकि राह पैदल जमीन से ही तय करली।14पुतियुली में हम कुछ साथी विश्वासी से मिलली जे हमरा से कहलन कि हम उनका साथे सात दिन तक रहम। ओकर बाद हम रोम शहर दने चल पड़ली।15रोम में कुछ साथी विश्वासी भाई-बहिन सुनलन कि हम आ रहली हे, तऽ ओखनी हमरा से मिले ला अईलन। ओखनी में से कुछ लोग अप्पियुस राह के चौक पर बाजार नाम के शहर में मिललन, आउर कुछ लोग तीन सराय नाम के शहर में मिललन। जब पौलुस ओखनी विश्वासी भाई-बहिन के देखलन, तऽ ऊ परमेश्वर के धन्यवाद देलन आउर ओकर हिम्मत बढ़ईलन।16जब हम रोम पहुँचली, तऽ अधिकारियन पौलुस के जेल में रहे के बजाय एगो घर में रहे के इजाजत दे देलन। बाकि ऊहाँ हमेशा एगो सिपाही उनकर रखवाली करऽ हल।17जब पौलुस तीन दिन ला रोम में रहलन, तऽ ऊ यहूदी अगुवन के संदेश भेजलन कि ओखनी उनका भीर आके उनका से बात करतन। जखनी ऊ उनका भीर अईलन, तऽ पौलुस उनका से कहलन, "हे हमर प्यारा भईवन, हम अपन लोग के विरोध नऽ करली, आउर नऽ ही अपन पुरखावन के रीति-रिवाज के खिलाफ कुछ कहली, फिन भी यरूशलेम में कुछ यहूदी अगुवन हमरा पकड़ लेलन, आउर हमरा मार देवे के कोशिश करलन। एगो रोमी सरदार हमरा बचा लेलन आउर बाद में हमरा कैद कर के कैसरिया शहर भेज देलन, ताकि रोमी अधिकारी हमरा पर मुकदमा चलऽ सकतन।18रोमी अधिकारी हमरा सवाल कर रहलन हल आउर हमरा छोड़ देवे ला चाहऽ हलन, काहेकि हम कोई अईसन बुरा काम नऽ करली हल जेकरा ला हमरा मौत के सजा देवल जाय।19बाकि जब यहूदी अगुवन ई तर्क देलन कि रिहाई नऽ करे के चाही, येहिगुने हमरा रोमी सम्राट से दोहाई करे पड़ल कि ऊ रोम में ही हमर फईसला करतन। बाकि हम अईसन नऽ करली काहेकि हम अपन लोगवन पर कुछ गलत करे के आरोप लगावे ला चाहऽ हली।20येहिसे हम तोरा से ईहाँ आवे लागी कहली हे ताकि हम तोरा बता सकऽ ही कि हम काहे कैदी ही। काहेकि हम इस्राएल के बात के चलते सिकड़ से बंधल ही। बाकि विश्वास करऽ ही जेकर हमनी यहूदी लोग पूरा भरोसा के साथ आशा कर ही कि परमेश्वर हमनी ला करतन।"21तब यहूदी अगुवा जबाब देलन, “हमनी के यहूदिया प्रान्त में रहेवालन हमर यहूदी भईवन से तोरा बारे में कोई चिट्ठी नऽ मिलल हे। आउर यहूदिया से ईहाँ आवे वाला हमर यहूदियन में से कोई भी तोरा बारे में कुछ बुरा नऽ कहलन हे।22बाकि हम चाहऽ ही कि तूँ हमरा ई बतावऽ कि तूँ जौन समाज से जुड़ल हऽ ओकरा बारे में तूँ का सोचऽ हऽ, काहेकि हम जानऽ ही कि केतना जगह पर लोग एकर खिलाफ बोल रहलन हे।”23येहिसे ऊ तय करलन कि ऊ कोई आउर दिन फिन अईतन। ऊ दिन, पहिले से भी जादे लोग पौलुस के ठहरे के जगह पर अईलन आउर पौलुस के बात सुनलन। पौलुस उनका बड़ी बात मूसा के व्यवस्था आउर भविष्यद्वक्ता के किताब से समझईलन। ऊ घोषणा करलन कईसे परमेश्वर के राज सभे पर राज करतन। ऊ ई भी घोषणा कि कईसे पवित्रशास्त्रवन में केतना जगह पर कईसे भविष्यद्वाणी करल गेल हे कि यीशु अईतन। पौलुस पूरा दिन अपन घर आयेल लोग से बात करलन।24पौलुस कुछ यहूदियन के ई विश्वास देला पईलन कि पौलुस यीशु के बारे में जौन कहलन हे ऊ सच हे। बाकि कुछ दोसरा लोग ई बात पर विश्वास नऽ कर पईलन कि ई सच हे।25जब ओखनी दूनो आपस में झगड़े लगलन पौलुस ओखनी से एगो आउर बात कहलन: “पवित्र आत्मा तोर पुरखावन यशायाह भविष्यद्वक्ता से सच कहलन हल:26ऊ कहलन हल इस्राएल के लोगवन भीर जा आउर उनका से कहऽ: तूँ सुनऽ तऽ हऽ, बाकि सचमुच में कहियो नऽ समझऽ हऽ कि परमेश्वर का कह रहलन हे, तूँ देखऽ तऽ हऽ बाकि सचमुच में कहियो नऽ समझऽ हऽ, कि परमेश्वर का कह रहलन हे।27ई सभे लोग येहिसे नऽ समझऽ हथन, काहेकि ई सभे के मन हठीला हो गेलन हे। ई मानऽ बहिर हो गेलन हे। आउर ई मान कि ई अपन आँख मूंद लेलन हे। ई सभे मान येहिगुने कर हथन काहेकि ई सही से देखे ला नऽ चाहऽ हथन। आउर ई सही से सुने ला नऽ चाहऽ हथन। ई सही से समझे ला नऽ चाहऽ हथन। जदि एखनी हमर बात पर धियान देतन आउर जे कुछ हम उनका से कह रहली हे ओकरा समझतन तऽ ओखनी पाप करे ला छोड़ देत आउर फिन सही तरीका से जिनगी बितईतन, जदि ओखनी अईसन करतन, तऽ हम उनका चंगा कर देम। 28येहिसे तोरा पता होवे के चाही कि परमेश्वर अन्यजातियन के उद्धार करे लागी बलिदान दे रहलन हे आउर ओखनी में से बड़ी सा लोग उनकर बलिदान के स्वीकार करतन।”29जब ऊ ई बात कहलन तऽ यहूदी चल गेलन। ओखनी अपने में बड़ी झगड़ा करे लगलन।30एकर बाद पौलुस रोम में एगो किराया के घर में पूरा दू साल तक रहलन। ऊहाँ बड़ी मनी लोग उनका से मिले ला अईलन। ऊ हँसी खुशी ओखनी में से सभे लोग के स्वागत करलन।31ऊ लोगवन के घोषणा करलन कि कईसे परमेश्वर सभे पर राज करतन आउर ओखनी के प्रभु यीशु के मसीह के राज बारे में सिखईलन। ऊ ई सभे बात के बारे में बड़ी खुल के बतईलन। आउर कोई उनका रोके के कोशिश नऽ करलन।
Bridge Connectivity Solutions Pvt. Ltd.