Acts22
1पौलुस कहलन, “हे यहूदी पुरनियन आउर हमर साथी यहूदियन, कृपा कर के हमर बात सुनऽ, जबकि हम तोहनी के आरोप के जबाब दे ही!”2जब लोग पौलुस के अपन इब्रानी भाषा में बोलते सुनलन, तऽ ओखनी चुप हो गेलन आउर सुने लगलन। फिन पौलुस उनका से कहलन,3“हम एगो यहूदी ही, आउर तोहनी सभे भी। हमर जनम किलिकिया प्रान्त के तरसुस शहर में होल हे, बाकि हम ईहाँ यरूशलेम में पलईली आउर बढ़ली हे। जब हम छोटा हली, तऽ हम मूसा द्वारा हमर पुरखावन के देवल गेल व्यवस्था के सिखली हल। गमलीएल हमर शिक्षक हलन। हम ऊ व्यवस्थावन के पालन उत्साहित बन के करली काहेकि हम परमेश्वर के आज्ञा माने ला चाहऽ हली, आउर हमरा विश्वास हे कि तोहनियो ऊ व्यवस्थावन के पालन करऽ हऽ।”4येहिसे हम ओखनी लोग के गिरफ्तार करे के कोशिश करलन जौन यीशु के मार्ग के बारे में परमेश्वर के संदेश पर विश्वास करऽ हलन। हम उनका मार डाले के तरीका खोजऽ हली। जखनी भी हमरा कोई अईसन आदमी चाहे मिलऽ हल जौन संदेश पर विश्वास करऽ हलन, हम ओकरा जेल डलवा दे हली।5महायाजक आउर हमर यहूदी समाज के पुरनियन लोग भी ई गवाह हथन। ऊ हमरा चिट्ठी देलन हल कि हम उनका दमिश्क शहर में अपन साथी यहूदियन भीर ले जायेम। ऊ चिट्ठियन हमरा ऊहाँ जा के ओखनी लोग के गिरफ्तार करे के शक्ति देलन जौन यीशु में विश्वास करऽ हलन। आउर फिन हमरा ओखनी के बन्दी बना के यरूशलेम में ले जाय ला हल, ताकि ओखनी के ईहाँ सजा देवल जा सकत।6“तऽ हम दमिश्क के चल गेली। लगभग दूपहर के जब हम दमिश्क के नजदीक पहुँचली, तऽ एकबैग आसमान से एगो तेज ज्योति हमर चारो दने चमकल उठल।7आउर ऊ ज्योति एतना तेज हल कि हम जमीन पर गिर गेली। आउर हम ऊपर आसमान से कोई के आवाज सुनली जौन हमरा से कह रहलन हल, ‘शाऊल! शाऊल! तूँ हमरा क्षति पहुँचावे वाला बात बंद करऽ?’8हम पूछली, ‘हे प्रभु तूँ कौन हऽ?’ ऊ जबाब देलन, ‘हम यीशु नासरी ही, जिनका तूँ सता रहलऽ हे।’9जौन लोग हमरा साथे यात्रा कर रहलन हल, ऊ चमकते ज्योति तऽ देखलन, बाकि ऊ ई नऽ समझ सकलन कि ऊ आवाज का कह रहल हल।10तब हम पूछली, ‘हे प्रभु तूँ हमरा से का चाहऽ हऽ?’ प्रभु हमरा से कहलन, ‘उठ के दमिश्क में जा। ऊहाँ एगो आदमी तोरा सभे कुछ बतईतन जौन हम तोरा ला तय करली हे।’”11ओकर बाद जखनी हम देख नऽ सकऽ हली, काहेकि तेज महिमा के चलते हम आंधर हो गेली हल, तब हमर साथियन हमर हाथ पकड़ के हमरा दमिश्क शहर तक ले गेलन।12“फिन हनन्याह नाम के एगो आदमी हमरा से मिले ला अईलन। ऊ परमेश्वर के इज्जत करे वाला आउर यहूदी व्यवस्था के पालन करे वाला आदमी हलन। दमिश्क में रहेवालन सभे यहूदी उनकर बारे में बढ़ियाँ गवाही कहऽ हलन।13ऊ हमरा भीर अईलन आउर खड़ा होलन आउर हमरा से कहलन, ‘हम भाई शाऊल, फिन से देखऽ!’” आउर तुरन्त हम देखे लगली आउर हम उनका अपना भीर खड़ा देखली।14फिन ऊ कहलन: जौन परमेश्वर के हमनी आराधना करऽ ही, आउर जेकर हमनी के पुरखावन आराधना करऽ हलन ऊ तोरा चुनलन हे आउर धर्मी तोरा देखईतन कि ऊ तोरा से का करवावे ला चाहऽ हथन। ऊ तोरा यीशु मसीह के देखे के अनुमति देलन हे आउर तूँ उनका खुद तोरा से बात करते सुनलऽ हे।15ऊ चाहऽ हथन कि तूँ हरेक जगह लोगवन के गवाह हऽ कि तूँ उनका से का देख लऽ आउर सुनलऽ हे।16येहिसे अखनी देर मत करऽ! खड़ा हो जा, हम तोरा बपतिस्मा देम आउर प्रभु यीशु के नाम पुकारऽ आउर परमेश्वर से तोर पापवन के क्षमा करतन!17“ओकर बाद में जब हम यरूशलेम लौटली तऽ एक दिन हम आराधनालय के अँगना में प्रार्थना कर रहली हल आउर हम एगो दर्शन देखली।18हम अपन दर्शन में यीशु के ई कहते देखली, ‘यरूशलेम से तुरन्त निकल जा, काहेकि ईहाँ के लोग हमर बारे में जे तूँ उनका से कहवऽ, गवाही पर विश्वास नऽ करतन!’19बाकि हम उनका से कहली, ‘हे प्रभु, ऊ जानऽ हथन, कि हम तोरा पर विश्वास करेवालन के खोजे लागी ढेरमनी आराधनालय में गेली, आउर जौन लोग तोरा पर विश्वास करऽ हलन, उनका हम जेल में डाल देली, आउर ईहाँ ला कि उनका पिटली भी।20उनका याद हे कि जब लोगवन स्तिफनुस गवाह के लहू बहईलन काहेकि ऊ लोग के तोर बारे में बतईलन हल, कि तूँही मसीहा हऽ, तऽ हम खड़ा होके ऊहाँ देख रहली हल, आउर जौन कुछ ऊ कर रहलन हल, ओकर समर्थन कर रहली हल। हम ऊ बाहरी कपड़ा के भी रखवाली करली हल जेकरा ओकर मारे वाला फेंक देलन हल!’21बाकि यहोवा हमरा से कहलन, ‘यरूशलेम छोड़ दऽ, काहेकि हम तोरा ईहाँ से ढेर दूर भेजम जेकरा से तूँ अन्यजाति के अपन सुसमाचार दऽ!’”22लोग पौलुस के बात सुनते रहलन, जखनी तक कि ऊ ई नऽ कहलन कि प्रभु यीशु उनका दोसरा लोगवन भीर भेजलन हे। फिन ऊ चिल्लाय लगलन, “ओकरा मार दऽ! अईसन आदमी अब धरती पर जिन्दा रहे के लायक नऽ हे!”23जब ऊ चिल्ला रहलन हल, तऽ ऊ अपन बाहरी कपड़ा उतार देलन आउर हवा में धूरी उड़ा देलन। 24तब सरदार आज्ञा देलन कि पौलुस के जेल में ले जा आउर सिपहियन से कहऽ कि ओकरा कोड़ा मारऽ के, आउर ओकरा से कबूल करवईतन कि ऊ का करलन हे, जेकरा से यहूदी एतना गोस्सा होलन हे।25जब सिपाही उनका कोड़ा मारे लागी खींच के बाहरे निकासलन, तऽ पौलुस भीर खड़ा सूबेदार से पूछलन, "का तोरा ला ई सही हे कि कोई रोमी आदमी के, आउर बिना दोषी ठहरा के कोड़ा मारे26जब सूबेदार ई सुनलन, तऽ ऊ सरदार भीर गेलन आउर उनका पूरा बात बता देलन। ऊ सरदार से कहलन, “ई आदमी तऽ रोमी हथन! तूँ हमरा एकरा कोड़ा मारे के आज्ञा काहे नऽ दे हऽ”27ई सुन के सेनापति के अचरज होल। ऊ खुद जेल में गेलन आउर पौलुस से पूछलन, “हमरा बतावऽ, का तूँ सच में रोम के बसिन्दा हऽ?” पौलुस जबाब देलन, “हाँ, हम रोमी नागरिक ही।”28एकरा पर सेनापति कहलन, “हम भी रोमी नागरिक ही। हम रोमी नागरिक बने लागी बड़ी मनी पईसा देली हे।” पौलुस कहलन, “बाकि हम तऽ रोमी नागरिक के रूप में जनम लेली हे।”29सिपाही पौलुस के कोड़ा मारे आउर उनका से उनकर करल गेल काम के बारे में पूछहीं वाला हलन। बाकि जब ऊ पौलुस के ई बात सुनलन, तऽ ऊ उनका छोड़ के चल गेलन। सेनापति भी डर गेलन, काहेकि ऊ जानऽ हल कि पौलुस रोमी के रहवईया हथन आउर ऊ सिपाहियन के पौलुस के हाथ बाँधे के आज्ञा देवे के कानून तोड़लन हे। 30सेनापति अखनी पक्का जाने ला चाहऽ हलन कि यहूदी पौलुस पर काहे दोष लगा रहलन हे। येहिसे अगला दिन अपन सिपाहियन के आज्ञा देलन। कि पौलुस के सिकड़ खोल दे ऊ प्रधान याजक आउर दोसरा महासभा के लोग के भी बोलईलन। फिन ऊ पौलुस के महासभा के सामने ले गेलन आउर उनका से कहलन कि ऊ उनका सामने खड़ा होवऽ।
Bridge Connectivity Solutions Pvt. Ltd.