Acts20
1जब इफिसुस के लोग हुल्लड़ करे ला बंद कर देलन, तऽ पौलुस चेलवन के जमा करलन। ऊ उनका प्रभु यीशु पर भरोसा करते रहे ला प्रोत्साहित करलन। एकर तुरन्त बाद, ऊ उनका “अलविदा” कहलन आउर मकिदुनिया के इलाका में चल गेलन।2फिन पौलुस मकिदुनिया से होके जईते घड़ी ऊहाँ के विश्वासियन के बड़ी मनी बात समझा के उत्साहित करे लगलन। फिन ऊ यूनान देश दने चल गेलन।3पौलुस तीन महीना तक यूनान में रहलन। फिन ऊ जहाज से सीरिया देश लौटे के योजना बनईलन, बाकि ऊ सुनलन कि ऊहाँ कुछ यहूदी उनका मार देवे के योजना बना रहलन हे। येहिसे ऊ जमीनी राह से जाय ला फईसला करलन आउर फिन मकिदुनिया से होके गेलन।4जौन आदमी लोग उनका साथे यरूशलेम में जाय वाला हलन, जौन ऊ बिरीया के पुरूर्स के बेटा सोपत्रुस हल, थिस्सलुनीके के अरिस्तर्खुस आउर सिकुन्दुस, दिरबे के गयुस, गलातिया के तीमुथियुस आउर आसिया के तुखिकुस आउर त्रुफिमुस।5हम, लूका पौलुस के जौरे फिलिप्पी नगर होके अईली। अब बाकि सातगो आदमी लोग हमरा से पहिले त्रोआस शहर में हमरा से पहिले पहुँच गेलन हल, येहिसे ऊ ऊहाँ हमनी दूनो के इंतजार कर रहलन हल।6बाकि पौलुस आउर हम फिलिप्पी नगर में तब तक रुकली जब तक यहूदी लोग बिना खमीर के रोटी नऽ खईतन। फिन हम जहाज पर चढ़ गेली, जे त्रोआस नगर जा रहल हल। पाँच दिन के बाद हम त्रोआस पहुँचली आउर ऊहाँ ओखनी लोग से मिलली जौन हमरा से पहिले यात्रा कर चुकलन हल। हमनी सभे त्रोआस में सात दिन तक रहली।7जब हमनी त्रोआस में हली, तऽ सप्ताह के पहिला दिन हम दोसर विश्वासियन के साथे खाना खाय लागी जमा होली हल। हम ऊ दिन जमा होली हल काहेकि ई ऊ दिन हल जब यीशु अपन मौत के बाद फिन से जिन्दा होलन हल। पौलुस अगला दिन त्रोआस से जाय के योजना बना रहलन हल, येहिसे जब ऊ विश्वासियन से बात करलन तऽ बड़ी देर बोलते रहल आउर आधा रात तक बोलते रहलन। 8हमनी ऊपरे वाला कोठरी में जमा होली हल, ऊहाँ बड़ी मनी तेल के मशाल जल रहल हल।9ऊहाँ एगो यूतुखुस नाम के जवान कोठरी में हल। ऊ खुलल खिड़की के चौखट पर बईठल हल। जब पौलुस बड़ी देर तक बात करते रहलन, तऽ यूतुखुस के नींद आवे लगल। अन्त में ऊ गहरा नींद में सूत गेलन। आउर ऊ खिड़की से पिछुल के तीन मंजिला से नीचे जमीन पर गिर गेलन। कुछ विश्वासी तुरन्त नीचे गेलन आउर उनका उठईलन। बाकि ऊ मर चुकलन हल।10तब पौलुस भी नीचे उतरलन आउर जवान के ऊपरे पसर गेलन, आउर उनका अपन बाँह में भर लेलक, आउर चारो दने खड़ा लोगवन से कहलन, “घबरा मत, काहेकि ऊ फिन से जिनगी मिल गेल हे।”11फिन पौलुस ऊपरे ऊ कोठरी में गेलन जेज्जा ऊ विश्वासियन से मिल रहलन हल। फिन ऊ सूरज उगे तक विश्वासियन से लम्बा बात करते रहलन। फिन ऊ चल गेलन।12पौलुस के जाय से पहिले, विश्वासियन ऊ लईका के फिन से सभा में लईलन जे खिड़की से बाहरसी गिर गेल हल। ऊहाँ मौजूद सभे लोग ई देखके बड़ी उत्साहित होलन कि ऊ फिन से जिन्दा हो गेलन हे।13फिन हम जहाज पर चढ़ गेली, बाकि पौलुस त्रोआस में हमरा साथे जहाज पर नऽ चढ़लन, काहेकि ऊ अकेलहीं अस्सुस नगर में जल्दी जाय ला चाहऽ हलन। येहिसे हमनी सभे जहाज पर चढ़ के अस्सुस ला रवाना हो गेली। हमनी सोचली कि ऊहाँ पौलुस के भी ले आयेम।14अस्सुस में पौलुस से हमर मुलाकात होल तऽ ऊ हमरा साथे जहाज पर चढ़ गेलन आउर हम मितुलेने शहर के दने चल गेली।15मितुलेने पहुँचे के अगला दिन हम ऊहाँ से जहाज चलऽ के खियुस द्वीप भीर पहुँचली। ओकर अगला दिन हम सामुस टापू पहुँचली। अगला दिन हम सामुस से रवाना होली आउर मीलेतुस शहर में पहुँचली।16पौलुस इफिसुस में देर नऽ करे ला चाहऽ हलन येहिसे ऊ फईसला करलन कि हमरा आसिया शहर के दक्खिन में मीलेतुस जाय के चाही आउर ओकर बंदरगाह से आगे जाय के चाही। ऊ जल्दी से जल्दी यात्रा करे कोशिश कर रहलन हल काहेकि ऊ पिन्तेकुस्त के परव के समय तक, जदि संभव हे तऽ यरूशलेम पहुँचे ला चाहऽ हलन आउर ऊ परव के समय लगभग आ गेल हल 17जब जहाज मीलेतुस पहुँचलन तऽ पौलुस इफिसुस में एगो दूत भेजलन जेकरा से ऊहाँ के विश्वासियन के पुरनिया से कह सकत कि ऊ उनका भीर आके उनका से बात करतन।18जब पुरनिया लोग उनका भीर अईलन, तऽ पौलुस उनका से कहलन, “तूँ बढ़ियाँ तरह जानऽ हऽ कि हम तोरा साथे रहे के दौरान मतलब कि पहिला दिन से लेके जखनी हम आसिया के प्रान्त में दिन अईली, ऊ दिन ला जखनी हम ईहाँ से चल गेली हल तोहनी के बीच में कईसन बर्ताव करलन।19तूँ जानऽ हऽ कि हम कईसे नम्रता से प्रभु यीशु के सेवा करते रहली आउर कईसे कभी-कभी रोवऽ हली। तूँ ई भी जानऽ हऽ कि अविश्वासी यहूदियन द्वारा हमरा क्षति पहुँचावे के कोशिश करे के चलते हमरा केतना दुःख सहे पड़ल।20तूँ ई भी जानऽ हऽ कि जखनी हम तोरा परमेश्वर के संदेश सुनईली, तऽ हम तोरा मदत करे में कोई बात भी नऽ छोड़ली। तूँ जानऽ हऽ कि हम तोरा परमेश्वर के संदेश बड़ी मनी लोग के मौजूदगी में सुनईली हे आउर तोर घरे भी गेली आउर के तोरा सिखईली।21हम यहूदियन आउर गैरयहूदी दूनो के चेतौनी दे के मन फिराव के प्रचार करली आउर ओखनी सभे से कहली कि उनका अपन पाप करे के तरीका से दूर होके परमेश्वर के आज्ञा माने के चाही। आउर उनका हमनी के प्रभु यीशु पर विश्वास करे के चाही।”22“आउर अखनी हम तोरा बतावे ला चाहऽ ही कि हम यरूशलेम जा रहली हे, हम येहिसे जा रहली हे काहेकि पवित्र आत्मा हमरा साफ-साफ बतईलन हे कि हमरा ऊहाँ जाय के चाही, आउर हमरा उनकर आज्ञा माने के चाही। हम नऽ जानऽ ही कि ऊहाँ हमरा साथे का होत।23बाकि हम जानऽ ही कि जौन नगर में हम गेली हे, ऊहाँ पवित्र आत्मा हमरा से कहलन हे कि यरूशलेम में लोग हमरा बन्धन आउर क्लेश में डालतन आउर हमरा बड़ी दुःख देतन।24बाकि हमर जिनगी के ई बात ला परवाह नऽ हे कि लोग हमरा मार भी देतन, बशर्ते कि हम पहिले सेवा के काम पूरा करली जौन प्रभु यीशु हमरा करे ला कहलन हे। ऊ हमरा लोगवन के ई शुभ संदेश घोषणा करे लागी कहलन हे कि परमेश्वर के अनुग्रह हमरा लागी ऊ काम कर के हमरा बचावऽ हथन जेकर हम योग्य नऽ ही।25हम तोरा ई संदेश के प्रचार करली हे कि परमेश्वर के राज कौन तरह से राजा के रूप में प्रकट होतन। बाकि अखनी हम तोरा बता देम कि हम जानऽ ही कि आज अंतिम बार हे जब साथी विश्वासियन हमरा देखवऽ।26येहिसे हम चाहऽ ही कि तोहनी सभे ई समझलऽ कि जदि कोई भी जौन हमरा प्रचार करते गवाही देते सुनलन हे, आउर यीशु पर विश्वास कईले बेगर मर जा हे, तऽ ई हमर गलती नऽ हे आउर हम सभे के लहू से बेकसूर ही।27आखिरकार हम तोरा ऊ सभे कुछ बता देली हे जौन परमेश्वर प्रकट करलन हे कि हमरा कईसे बचावऽ हथन।28हे अगुवन, तूँ परमेश्वर के संदेश विश्वास करते रहऽ आउर ओकर पालन करते रहऽ। आउर दोसर सभे विश्वासियन के भी अईसन करे में मदत करऽ। जे झुण्ड के देख-भाल करे लागी पवित्र आत्मा तोरा अध्यक्ष बनईलन हे। यीशु ओखनी लोग के अपन खास आदमी बनावे लागी क्रूस पर अपन लहू बहईलन आउर जान दे देलन जे उनका पर विश्वास करऽ हथन। 29हम बढ़ियाँ से जानऽ ही कि हमरा गेला के बाद तोहनी के बीच में झूठ बोले वाला भेड़िया अईतन आउर विश्वासियन के झुण्ड के बड़ी क्षति पहुँचईतन।30तोहनी के झुण्ड के कुछ अगुवन विश्वासियन के गलत बात सिखावे ला शुरु कर देतन, ऊ अपन चेला बनावे लागी गलत बात सिखईतन।31येहिसे सतर्क रहऽ कि तोहनी सभे प्रभु यीशु के बारे में सच बात पर विश्वास करते रहऽ! याद रखऽ कि हम तीन साल ला दिन-रात तोरा जौरे हली, हम तोहनी में से हरेक के लगातार आउर बड़ी ईमानदारी से चितौनी देली हल कि तूँ यीशु प्रति वफादार रहऽ।”32“अखनी जब हम तोरा छोड़ रहली हे तऽ हम परमेश्वर से प्रार्थना करऽ ही कि ऊ तोर रक्षा करतन आउर ई संदेश पर विश्वास करते रहे में तोर मदत करतन कि ऊ हमरा ला अनुग्रह कर के बचावऽ हथन जेकर हम हकदार नऽ ही। जदि तूँ ऊ संदेश पर विश्वास करते रहवऽ तऽ ई तोरा मजबूत आउर पवित्र बनईतन, आउर परमेश्वर तोरा हमेशा लागी ऊ बढ़ियाँ चीज देतन जौन ऊ सभे देवे के वादा ऊ ओखनी सभे लोग से करलन हे जौन उनकर हे।33जहाँ तक हमर बात हे, हम कहियो कोई से सोना, चाँदी आउर पईसा चाहे बढ़ियाँ कपड़ा नऽ लेवे के कोशिश करली।34तूँ तऽ खुद जानऽ हऽ कि हम अपन हाथ से मेहनत कर के ऊ पईसा कमईली हे जेकर से हमरा आउर हमर दोस्तवन के जरुरत ला सेवा करली हल।35हम जौन कुछ करली, ओकरा से तोरा ई पता चले कि हमरा बड़ी कड़ा मेहनत करे के चाही जेकरा से हम जरूरतमंद लोग के कुछ दे सकम। हमनी के प्रभु यीशु मसीह के ई बात याद रखे के चाही: ‘कि एगो आदमी के दोसरा से लेवे से जादे दोसरा के देवे में जादे आशीषित होवऽ हे।’”36जब पौलुस अपन बात खतम करलन तऽ ऊ सभे पुरनिया के साथे घुटना के भरे झुकलन आउर घुटना टेक के प्रार्थना करे लगलन।37ऊ सभे बड़ी रोलन आउर पौलुस के गला लगा के चूमे लगलन।38ऊ बड़ी दुःखी होलन काहेकि ऊ कहलन हल कि ऊ उनका फिन कहियो नऽ देख पईतन। फिन ऊ सभे उनका साथे जहाज पर चल गेलन।
Bridge Connectivity Solutions Pvt. Ltd.