Acts19
1जब अपुल्लोस अखनी कुरिन्थुस शहर में हलन, तऽ पौलुस फ्रूगिया आउर गलातिया के दौरा कर के आसिया से होके इफिसुस शहर में अईलन। आउर ऊहाँ उनका कुछ लोग से मिललन, जे कहऽ हलन कि हम चेला ही।2ऊ उनका से पूछलन, “का तूँ परमेश्वर के वचन पर विश्वास कर के पवित्र आत्मा पईलऽ?” ऊ जबाब देलन, “नऽ, हम पवित्र आत्मा के बारे में कहियो नऽ सुनली हे।”3तब पौलुस पूछलन, “जब तोरा कोई बपतिस्मा देलन तऽ तूँ का-का जानऽ हल?” ऊ जबाब देलन, “हम यूहन्ना बपतिस्मा देवे वाला के शिक्षा पर विश्वास करली।”4पौलुस कहलन, “यूहन्ना मन फिराव के बपतिस्मा ई बात के इशारा हल कि लोग अपन बुरा विचार आउर काम त्याग रहलन हल आउर परमेश्वर के आज्ञा माने ला चाहऽ हलन। बाकि यूहन्ना लोगवन के ई भी बतईलन कि मसीह जल्दिये प्रकट होतन आउर ओकरा उनका विश्वास करे के चाही। ऊ यीशु के बारे में बात करते रहलन।”5जब ओखनी लोग ई सुनलन तऽ ओखनी प्रभु यीशु के मसीहा के रूप में मानलन आउर पौलुस उनका बपतिस्मा देलन काहेकि ऊ विश्वास करलन हल।6एकर बाद पौलुस एक-एक कर के ओखनी के माथा पर हाथ रखलन आउर पवित्र आत्मा के सामर्थ ओखनी में से हरेक पर उतरल। पवित्र आत्मा ओखनी के ऊ भाषा में बोले के सामर्थ देलन जौन ओखनी पहिले नऽ सिखलन हल। आउर ओखनी पवित्र आत्मा के द्वारा बतावल गेल भविष्यद्वाणी भी बोले लगलन।7ऊहाँ लमसम बारहगो अईसन आदमी हलन जेकरा पौलुस बपतिस्मा देलन आउर जेकरा पवित्र आत्मा प्राप्त होल।8एकर बाद तीन महीना तक पौलुस हरेक सब्त के दिन इफिसुस में यहूदियन के आराधनालय में जईते रहलन आउर ऊहाँ प्रचार करते रहलन। ऊ लोगवन के ई बात के बारे में समझा देलन कि परमेश्वर के उनकर जिनगी पर कईसे शासन करे के चाही।9बाकि कुछ यहूदियन ऊ सन्देश पर विश्वास नऽ करलन, आउर ओकरा सुने ला भी नऽ चाहलन, आउर ऊ मन्दिर में सभे के सामने यीशु के मार्ग पर विश्वास करे के बारे में बुरा बात कहलन। येहिसे पौलुस ओखनी के छोड़ के अपना साथे चेलवन के लेके हरेक दिन एगो बड़का पाठशाला में जमा होलन, जेज्जा तुरन्नुस नाम के एगो आदमी लोगवन के उपदेश देवल करऽ हल।10पौलुस ऊहाँ दू साल तक लोग के सिखईलन। ई तरह से आसिया के ज्यादातर यहूदी आउर गैरयहूदी लोग प्रभु यीशु के बारे में संदेश सुनलन।11परमेश्वर पौलुस के बड़का चमत्कार करे के भी शक्ति देलन।12जदि बेमार लोग पौलुस भीर नऽ आ सकलन हल, तऽ पौलुस के छुअल कपड़ा के टुकड़ा रुमाल चाहे अंगोछा लेके बेमार लोग पर डाल दे हलन। अईसन करे से बेमार लोग चंगा हो जा हल आउर दुष्टात्मावन से छुटकारा मिल जा हल।13कुछ यहूदी जगह-जगह घूम के दुष्टात्मा के लोगवन में से दूर जाय ला आज्ञा दे हलन। ओखनी में से कुछ यहूदी लोग दुष्टात्मा के यीशु के नाम से लोगवन में से बाहरसी निकसे के आज्ञा दे के बाहरसी निकासे के कोशिश करऽ हलन, जब ऊ यहूदी कोई अईसन आदमी भीर पहुँचऽ हलन जेकरा में दुष्टात्मा समायेल रहऽ हल, तऽ ओकरा में से एगो कहऽ हल, “हम तोरा प्रभु यीशु के नाम से बाहरसी निकसे के आज्ञा दे ही, जिनका बारे में पौलुस सिखावऽ घोषणा!”14ई काम सात लोग करलन हल, ऊ स्क्किवा नाम के एगो यहूदी आदमी के बेटा हल, जौन खुद महायाजक कहऽ हल।15बाकि एक दिन स्क्किवा के दूगो बेटा एगो अईसन के घर में गेल हलन जेकरा में दुष्टात्मा हल ओखनी ऊ आत्मा के निकासे के कोशिश करलन। बाकि ऊ नऽ निकसल। एकर बदले, दुष्टात्मा ओकरा से कहलक, “हम यीशु के जानऽ ही आउर पौलुस के भी जानऽ ही, बाकि कोई तोरा ई अधिकार नऽ देलक कि तूँ हमरा ई आदमी से दूर कर दऽ!”16आउर ऊ आदमी जेकरा में दुष्टात्मा हल; उनका पर लपक के, आउर उनका वश में लाके ओकरा पर अईसन उपद्रव करलन, कि ऊ नंगा आउर घायल होके ऊ घर से निकल भागल।17जल्दिये इफिसुस के सभे रहे वालन यहूदी आउर गैरयहूदी ई घटना सुनलन। उनका महसूस होल कि उनका प्रभु यीशु के नाम ला बड़ी डर देखावे के चाही आउर ऊ उनकर बारे में बड़ी आदर से बात करे लगलन।18ऊ घड़ी, विश्वासियन के झुण्ड में से बड़ी मनी लोग अपन अगुवा भीर अईलन आउर दोसरा विश्वासियन के बात सुनते-सुनते, ऊ अपन खराब कामवन के बारे में बतईलन।19अखनी बड़ी मनी विश्वासी जादूगर हलन। ऊ जादू-टोना आउर श्राप के बारे में जानकारी बतावे वाला अपन किताब लेलक आउर ओकरा अईसन जगह जला देलक जेज्जा सभे लोग ओकरा देख सकत। जब विश्वासियन ऊ सभे किताब के दाम के हिसाब करलन। तऽ ऊ पचास हजार चाँदी के सिक्का के बराबर निकसल। 20ई तरह से बड़ी मनी लोग प्रभु यीशु के संदेश के बारे में सामर्थ से सुनलन आउर उनका पर विश्वास करलन।21जब ई सभे होल, तऽ पवित्र आत्मा उनका यरूशलेम जाय ला प्रेरित करलन, बाकि पौलुस पहिले मकिदुनिया आउर अखाया क्षेत्र के विश्वासियन से मिले लागी योजना बनईलन। पौलुस कहलन, “यरूशलेम जाय के बाद हमरा रोम शहर भी जाय के चाही।”22तऽ पौलुस अपन दूगो सेवकवन, तीमुथियुस आउर इरास्तुस के मकिदुनिया भेजलन, बाकि पौलुस कुछ समय तक आसिया प्रान्त के इफिसुस नगर में रह गेलन।23बाकि एकर कुछ समय बाद, इफिसुस शहर के लोग यीशु के मार्ग आउर उनकर बारे में देवल जाय वाला शिक्षा के चलते बड़ी जादे उत्पात मचावे लगलन।24काहेकि दिमेत्रियुस नाम के एगो सोनार अरतिमिस के चाँदी के मन्दिर बनवा के, कारीगरवन के बड़ी काम दिलावल करऽ हलन। 25तब देमेत्रियुस मूर्ति बनावे वालन ऊ सभे कारीगरवन आउर मजदूरवन के बोला के कहलन, “तोहनी सभे जानऽ हऽ कि हमनी अपन काम कर के बड़ी पईसा कमा हे।26बाकि तूँ बढ़ियाँ तरह से जानऽ हऽ कि पौलुस इफिसुस आउर आसिया में रहे वालन बड़ी मनी लोग ऊ हमर बनावल मूर्तियन के नऽ खरीदे लागी समझईलन। सच में, हमर इलाका के कई दोसर नगर के लोग अखनी हमर बनावल मूर्तियन के नऽ खरीदे ला चाहतन। पौलुस लोग से कहऽ हथन कि हमर बनावल देऊता परमेश्वर नऽ हे आउर हमनी के ओकर उपासना नऽ कर के चाही।27जदि लोग उनकर बात सुनते रहतन, तऽ ऊ हमर कारोबार बंद हो जायेत। एकरा से खराब लोग हमर महान देवी अरतिमिस के मन्दिर में आवेला बंद कर देतन। आउर ऊ विश्वास नऽ करतन कि ऊ ओकर आराधना करे के लायक हे। ऊ विश्वास करतन कि ऊ देवी ही नऽ हथन। तईयो आसिया के पूरा प्रान्त आउर ईहाँ तक कि पूरा दुनियाँ उनकर उपासना करऽ हे!”28जब सभे लोग देमेत्रियुस के ई बात सुनलन, तऽ ऊ पौलुस पर गोस्सा हो गेलन आउर चिल्लाय लगलन, “इफिसुस के देवी अरतिमिस महान हे!”29ई चिल्लाहट से नगर के लोग घबरा गेलन। ऊ भीड़ बना के नगर के मैदान तरफ दौड़के रंगशाला में गेलन, जेकरा पता लगा सकत कि का हो रहल हे। आउर कुछ लोग गयुस आउर अरिस्तर्खुस के, जौन मकिदुनिया के रहवईया पौलुस के साथे यात्रा कर रहलन हल, नगर में बाहरसी हलन कुछ लोग पकड़ लेलन। घसीट के मैदान में ले गेलन।30अब पौलुस लोग से बात करे लागी मैदान में जाय ला चाहऽ हलन, बाकि दोसर चेलवन उनका ऊहाँ जाय नऽ देलन।31जब पौलुस के दोस्तवन ई सुनलन, तऽ ऊ कोई के ई चितौनी देवे लागी भेजलन कि ऊ रंगशाला में नऽ जाय।32रंगशाला में लोगवन बड़ी उलझन में हलन। उलझन में होवे के चलते कुछ लोग चिल्ला रहलन हल, आउर कुछ दोसर लोग चिल्लईलन। बाकि ओखनी में ज्यादातर के ई नऽ पता हल कि ऊ काहे अईलन हे!33फिन रंगशाला में ऊहाँ मौजूद कुछ यहूदियन एगो आदमी के भीड़ के सामने ढकेल देलन जेकर नाम सिकन्दर हल। ताकि ऊ लोगवन से बात कर सकऽ हथन। ऊहाँ मौजूद लोगवन में से कुछ लोग उनका बतईलन कि ऊ अईसन कईसे कर सकऽ हथन। येहिसे सिकन्दर भीड़ के चिल्लाय ला बंद करे ला अपन हाथ उठईलन। ऊ उनका बतावे ला चाहऽ हलन कि यहूदियन उपद्रव नऽ करलन हे।34बाकि बड़ी मनी गैर-यहूदी जानऽ हलन कि सिकन्दर एगो यहूदी हलन। आउर ऊ ई भी जानऽ हलन कि यहूदी देवी अरतिमिस के उपासना नऽ करऽ हथन। येहिसे गैर-यहूदी दू घंटा तक चिल्लईते रहलन, “इफिसुस के देवी अरतिमिस महान हथन!”35तब एगो नगर के मंत्री भीड़ के चिल्लाय ला बंद करवा के उनका से कहलन, “हे हमर साथी, रहवईयन तोरा अरतिमिस के पूजा के बारे में चिंता करे के जरुरत नऽ हे! दुनियाँ भर के लोग जानऽ हथन कि हमर शहर इफिसुस एगो खास शहर हे जहाँ देवी अरतिमिस के मन्दिर हे। दरअसल, उनकर पवित्र मूर्ति के रखवाला स्वर्ग से हमरा भीर गिरल हे!36ई सभे स्थापित बात हे। येहिसे अखनी तोरा चुप रहे के चाही। कोई बिना सोचे-समझे काम मत करऽ।37तोरा ई दूनो आदमियन के ईहाँ नऽ लावे ला चाहऽ हल, ऊ पौलुस के साथे मिल के काम करऽ हथन बाकि ओखनी दूनो कोई गलत काम नऽ करलन हे। ऊ हमर मन्दिर में नऽ घूँसलन आउर ऊहाँ कुछ भी नऽ चुरईलन, आउर ओखनी हमर देवी के बारे में कोई भी निन्दा के बात नऽ करलन।38येहिसे, जदि दिमेत्रियुस आउर उनकर साथी कोई पर गलत काम करे के आरोप लगावे ला चाहऽ हथन, तऽ उनका सही तरह से अईसन करे के चाही। अदालत चल रहल हे। सरकार द्वारा चुनल गेल न्यायाधीश मौजूद हथन। ऊ अदालत में न्यायाधीशवन के सामने अपना मामला पेश कर सकऽ हथन।39बाकि जदि तोरा कोई आउर बात के बारे में चिंता हे तऽ तोरा अपन शासक से उनकर बारे में पूछ के फईसला करे के चाही जब ऊ एक जगह मिलऽ होतन।40तोरा ईहाँ चिल्लईते नऽ आवे के चाहऽ हल, नऽ तऽ रोमी अधिकारी हमनी पर आज उत्पात करे के आरोप लगा सकऽ हे। जदि शासक हमरा से पूछतन कि तोहनी सभे कौन बात पर चिल्ला रहलऽ हे, तऽ हम उनका ठीक से का जवाब देम, ई नऽ जानऽ हली। एकर ला कोई बढ़ियाँ कारण नऽ हल”41नगर के हाकिम भीड़ से येही कहलन, सभे के अपन-अपन घरे जाय ला कहलन; आउर ऊ अपन-अपन घरे चल गेलन।
Bridge Connectivity Solutions Pvt. Ltd.