Acts18
1एकर बाद पौलुस एथेंस शहर छोड़ के कुरिन्थुस शहर में चल गेलन।2ऊहाँ उनकर मुलाकात अक्विला नाम के एगो यहूदी से होल जौन पुन्तुस प्रान्त के रहे वालन हलन। अक्विला आउर उनकर मेहरारू प्रिस्किल्ला कुछ समय पहिले ही इतालिया के रोम शहर से अईलन। ऊ रोम छोड़ के येहिसे अईलन हल काहेकि रोमी सम्राट क्लौदियुस सभे यहूदियन के रोम छोड़े के आदेश देलन हल। पौलुस प्रिस्किल्ला आउर अक्विला से मिले ला गेलन।3अक्विला आउर प्रिस्किल्ला पईसा कमाय लागी तम्बू बनईतन। पौलुस भी तम्बू बनईलन, येहिसे ऊ उनका जौरे रहलन आउर ओखनी मिल के काम करलन।4हरेक सब्त के दीन पौलुस यहूदियन के आराधनालय में जा हलन आउर ऊहाँ यहूदियन आउर गैरयहूदी दूनो के समझावऽ हलन। ऊ उनका यीशु के बारे में विश्वास करे ला सिखावऽ हलन।5जब सीलास आउर तीमुथियुस मकिदुनिया से अईलन, तऽ पौलुस जोर दे के कहलन उनका अपन सभे घड़ी सुसमाचार घोषणा में लगावे के चाही। येहिगुने ऊ यहूदियन के सच्चा मन से बतईते रहलन यीशु ही मसीह हथन। 6बाकि जब यहूदी पौलुस के खिलाफ हो गेलन आउर उनकर बारे में निन्दा करे लगलन, तब पौलुस अपन कपड़ा के धूरी झाड़ देलन ई देखावे लागी कि अब तोर लहू तोरे गर्दन पर रहे! उनका से कोई मतलब नऽ रखे लागी चाहऽ हथन। ऊ उनका से कहलन “जदि परमेश्वर तोरा दण्ड देतन, तऽ ई तोर जिम्मेवारी हे आउर हम बेकसूर ही, हम तोरा सच्चाई देखावे लागी सभे कुछ करली हे! अखनी से हम ऊ लोग से बात करम जौन अन्यजातियन हथन।”7तब पौलुस यहूदी आराधनालय के जगह से निकस के, बगल के घर में गेलन, आउर ऊहाँ प्रचार करे लगलन। ऊ घर के मालिक तीतुस यूस्तुस हलन, जौन एगो गैर-यहूदी हलन आउर परमेश्वर के आराधना करऽ हलन।8एकर बाद यहूदियन के आराधनालय के सरदार जिनकर नाम क्रिस्पुस हल, आउर उनकर समूचे घराना प्रभु यीशु पर विश्वास करलन। कुरिन्थुस के आउर भी बड़ी मनी लोगवन क्रिस्पुस आउर उनकर घराना के बारे में सुनलन, आउर ओखनी भी यीशु पर विश्वास करलन आउर ओखनी बपतिस्मा लेलन।9एक रात पौलुस के एगो दर्शन देखलन जेकरा में प्रभु यीशु उनका से कहलन, “जौन लोग तोर खिलाफ हे ओकरा से मत डरऽ, बाकि लोगवन के हमर बारे में बतईते रहऽ,10तूँ निडर होके बोलऽ काहेकि हम तोर मदत करम। कोई भी तोरा पर हमला कर के तोरा हानि नऽ पहुँचा सकत, काहेकि ई नगर में ढेरमनी लोग हथन जे हमरा से प्रेम करऽ हथन आउर तोर रक्षा करतन।”11येहिसे पौलुस डेढ़ साल ला कुरिन्थुस में रहलन आउर लोगवन के यीशु के बारे में परमेश्वर के सुसमाचार सुनईते रहलन।12तऽ गल्लियो नाम के एगो आदमी अखाया प्रान्त के रोमी शासक बन गेलन, तऽ यहूदी सरदार जमा होलन आउर पौलुस के पकड़ के न्याय-आसन के सामने ले जा के उनका पर दोष लगईलन।13आउर कहलन, “ई आदमी लोगवन के परमेश्वर के आराधना करे ला अईसन तरीका से सिखा रहलन हे जौन हमर यहूदी व्यवस्था के खिलाफ हे।”14पौलुस अपन सफाई में कुछ कहहीं वाला हलन कि गल्लियो यहूदी अगुवा से कहलन, “जदि ई आदमी कोई अपराध आउर बड़ी बड़का पाप करलक हे जे हमनी के रोमी कानून के खिलाफ हे, तऽ बेशक हम तोर बात सुनम कि तूँ यहूदी हमरा से का कहे लागी चाहऽ हऽ।15बाकि तूँ खाली पौलुस के बात पर ही शिकायत कर रहलऽ हे। तूँ ई बात पर बहस कर रहलऽ हे कि कौन के नाम के हकदार हे। ई तोर अपन यहूदी व्यवस्था के बारे में झगड़ा हे। येहिगुने तोरा एकरा खुद ही सुलझावे के चाही। ई अईसन बात नऽ हे जेकरा पर हमरा न्यायी बने के चाही!”16ई कहलऽ के बाद गल्लियो कुछ सिपाहियन के आदेश देलन कि ऊ सभे यहूदी अगुवन के न्याय-आसन से बाहरसी निकलवा देतन।17बाकि यहूदी अगुवन तुरन्त ऊहाँ से चल जाय के बजाय, अपन आराधनालय के सरदार आदमी के पकड़ लेलन। ओकर नाम सोस्थिनेस हल। ओखनी ओकरा ओही न्याय-आसन के कुर्सी के सामने पीटलक काहेकि ओकरा लगल कि पौलुस ओकरा यीशु पर विश्वास करे लागी राजी करलन हे। गल्लियो ओकरा रोके लागी कुछ नऽ करलन।18पौलुस बड़ी दिन ला कुरिन्थुस में विश्वासियन के साथे रहलन, फिन ऊ प्रिस्किल्ला आउर अक्विला के साथे जहाज पर चढ़ के सीरिया प्रान्त में चल गेलन। पौलुस सीलास आउर तीमुथियुस के कुरिन्थुस में छोड़ देलन। ऊ किंख्रिया में अपन बाल कटवईलन, काहेकि ऊ एगो मनौता मानलन हल19ऊ इफिसुस नगर में पहुँचलन आउर प्रिस्किल्ला आउर अक्विला ऊहें रहे लगलन। तब पौलुस खुद यहूदियन के आराधनालय में गेलन आउर यहूदियन के यीशु के बारे में बतावे लगलन।20ओखनी उनका कुछ देर आउर रुके ला विनती करलन, बाकि ऊ कहलन ऊ नऽ रुक सकऽ हथन।21बाकि पौलुस इफिसुस के यहूदियन से कहलन, “हम वादा करऽ ही कि जदि परमेश्वर चाहतन तऽ हम वापस आयेम।” फिन पौलुस जहाज पर सवार होके इफिसुस से रवाना हो गेलन।22जब जहाज कैसरिया नगर में पहुँचल, तऽ पौलुस उतर के यरूशलेम गेलन, आउर ऊहाँ के विश्वासियन के नमस्कार कर के सीरिया के अन्ताकिया नगर में लौट अईलन। जेज्जा से ऊ यात्रा शुरु करलन हल।23पौलुस ऊहाँ कुछ समय बितईलन आउर फिन अन्ताकिया से निकस के गलातिया फ्रूगिया के बड़ी शहर में गेलन आउर ऊहाँ के चेलवन के यीशु पर आउर भी जादे विश्वास करे में मदत करलन।24जब पौलुस गलातिया आउर फ्रूगिया से होके जा रहलन हल, तऽ अपुल्लोस नाम के एगो यहूदी इफिसुस से अईलन, ऊ सिकन्दरिया शहर के रहे वाला हलन आउर बड़ी बढ़ियाँ बात बोलऽ हलन। ऊ पवित्रशास्त्र के धियानपूर्वक पढ़लन।25दोसरा लोग अपुल्लोस के प्रभु के राह सिखईलन हल कि प्रभु यीशु लोग से कौन तरह से जिये के उम्मीद करऽ हथन आउर ऊ भी लोग के आत्मा आउर जोश के साथे ई सिखईलन। जबकि, ऊ यीशु के बारे में कुछ नऽ सिखा रहलन हल, काहेकि ऊ खाली यूहन्ना बपतिस्मा देवे वाला के बारे में जानऽ हलन।26अपुल्लोस यहूदियन के आराधनालय में गेलन आउर जौन बात ऊ सिखलन हल, ऊ लोग के बतईलन। जब प्रिस्किल्ला आउर अक्विला उनकर बात सुनलन, तऽ ऊ उनका से अपन घर आवेला कहलन आउर उनका ऊ परमेश्वर के राह के बारे में आउर जादे सिखईलन।27जब अपुल्लोस फईसला करलन कि ऊ अखाया के इलाका में जाय ला चाहऽ हथन, तऽ इफिसुस के विश्वासियन उनका से कहलन कि उनका ला अईसन करे ला बढ़ियाँ रहत। येहिसे ऊ अखाया के चेलवन के एगो चिट्ठी लिखलन जेकरा में कहल गेल कि उनका अपुल्लोस के इज्जत करे के चाही। ऊहाँ पहुँचला के बाद, ऊ ओखनी लोग के मदत करलन जिनका परमेश्वर दया कर के यीशु पर विश्वास करे लागी काबिल बनईलन हल।28यहूदियन के अगुवन ई बात से इंकार कर रहलन हल कि यीशु मसीहा हथन। बाकि जब दोसरा लोग उनकर बात सुनलन, तऽ अपुल्लोस उनकर यकीन दिलईलन कि ऊ गलत हथन। ऊ पवित्रशास्त्र से साबित करलन कि यीशु ही मसीह हथन।
Bridge Connectivity Solutions Pvt. Ltd.