Acts17
1फिन पौलुस सीलास आउर तीमुथियुस अम्फिपुलिस आउर अपुल्लोनिया से होके थिस्सलुनीके शहर में पहुँचलन, जेज्जा यहूदियन के एगो आराधनालय के जगह हल।2सब्त के दिन पौलुस हमेशा के तरह सभास्थल पर गेलन। तीन सप्ताह तक ऊ हरेक सब्त के दिन ऊहाँ गेलन। ऊ लोगवन के पवित्रशास्त्र से ई साबित करलन कि यीशु ही मसीह हथन।3पौलुस साफ-साफ शास्त्र में से देखईलन कि भविष्यद्वक्तावन लिखलन हे कि मसीह के दुःख उठावे के होत आउर ऊ मरल में से फिन से जिन्दा होवे ला जरुरी हे। ऊ कहलन, हम तोरा यीशु के बारे में बता रहली हे। “ऊ आदमी मसीह हथन।”4ऊहाँ कुछ यहूदियन पौलुस के बात पर विश्वास करलन आउर पौलुस आउर सीलास से मिले लगलन। ऊहाँ बड़ी मनी गैरयहूदी लोग आउर परमेश्वर के आराधना करेवालन खास औरतियन भी हल जौन यीशु के बारे में सन्देश पर विश्वास करऽ हलन आउर ऊ भी पौलुस आउर सीलास से मिललन।5बाकि यहूदियन के कुछ अगुवा के जलन होवे लगल काहेकि बड़ी मनी लोग पौलुस के शिक्षा पर विश्वास करऽ हलन। येहिसे ऊ सामूहिक चौक पर गेलन आउर कुछ दुष्ट लोग के अपन पीछे चले ला उकसईलन। ई तरह से यहूदियन के अगुवन भीड़ जमा करलन आउर ओखनी के बड़ी हल्ला करे ला उकसईलन। ऊ यहूदी आउर दोसरा लोग यासोन नाम के एगो आदमी के घर दने भागलन जेज्जा पौलुस आउर सीलास ठहरल हलन। ऊ पौलुस आउर सीलास के बाहरसी लावे ला चाहऽ हलन जेज्जा लोगवन के भीड़ हल।6जब ऊ देखलन कि पौलुस आउर सीलास घर पर नऽ हथन, तऽ यासोन के खोज के पकड़ लेलन आउर उनकर साथे आयेल कुछ दोसर भईवन के नगर के हाकिम भीर घसीट के ले गेलन। आउर कहलन, “ऊ लोग जौन पूरा दुनियाँ में उत्पात मचईते अईलन हे, आउर ईहाँ भी आ गेलन हे।7आउर ई यासोन उनका अपन घर में रहे लागी नेऊता देलन हे। ई दूर लोग भी जिनका हम तोरा भीर लईली हे उनका जौरे दोस्ती रखऽ हे। ई सभे हमनी के राजा कैसर के प्रति विश्वासघाती हे। ऊ कहऽ हे कि कोई दोसरा आदमी, जेकर नाम यीशु हे, असली राजा हथन।”8जब लोगवन के भीड़ आउर नगर के हाकिमवन ई सुनलन तऽ ऊ बड़ी घबरा गेलन।9नगर के हाकिम यासोन आउर दोसरा विश्वासियन से जुर्माना भरवईलन आउर कहलन कि जदि पौलुस आउर सीलास आउर जादे परेशानी नऽ बढ़ईतन तऽ ओखनी उनका पईसा लौटा देतन। तऽ नगर के हाकिम यासोन आउर दोसरा विश्वासियन के जाय देलन।10येहिसे ओही रात के विश्वासियन पौलुस आउर सीलास के थिस्सलुनीके से बिरीया शहर में भेज देलन, आउर ऊहाँ पहुँच के यहूदियन के आराधनालय वाला जगह में गेलन।11थिस्सलुनीके के अधिकतर यहूदी परमेश्वर के सन्देश सुने लागी तईयार नऽ हलन, बाकि बिरीया के बड़ी मनी यहूदी लोग सुने लागी बड़ी इच्छुक हलन, येहिसे ऊ यीशु के बारे में सन्देश के बड़ी गौर से सुनऽ हलन। सभे दिन ऊ पवित्रशास्त्र पढ़ के जाँचऽ हलन जेकरा से पता लगा सकतन कि पौलुस यीशु के बारे में जौन कहलन हे ऊ सच हे कि नऽ।12पौलुस के शिक्षा के चलते बड़ी मनी यहूदियन यीशु पर विश्वास करलन, आउर कुछ खास यूनानी औरतियन आउर बड़ी मनी गैर-यहूदी आदमियन भी उनका पर विश्वास करलन।13बाकि जब थिस्सलुनीके के यहूदियन सुनलन कि पौलुस बिरीया में यीशु के बारे में परमेश्वर के सन्देश सुना रहलन हे, तऽ ऊ बिरीया गेलन आउर ऊहाँ लोग से अईसन बात कहलन जेकरा से ऊ पौलुस पर बड़ी गोस्सा होलन।14येहिगुने बिरीया के कुछ विश्वासी पौलुस के समुद्र के किनारे पर ले गेलन जेकरा से ऊ कोई दोसरा शहर में जईतन। बाकि सीलास आउर तीमुथियुस बिरीया में ही रह गेलन।15जब पौलुस आउर साथी लोग समुद्र के किनारे पर पहुँचलन, तऽ ऊ नाव पर सवार होके एथेंस शहर में गेलन। फिन पौलुस अपना जौरे आयेल लोगवन के आज्ञा देलन, “सीलास आउर तीमुथियुस के आज्ञा देलन कि जल्दी-से-जल्दी एथेंस में हमरा भीर अईतन।” फिन ऊ लोग एथेंस से बिरीया लौट अईलन।16पौलुस एथेंस में सीलास आउर तीमुथियुस आवे के इंतजार कर रहलन हल। येही बीच ऊ शहर में घूमते रहलन। उनकर आत्मा बड़ी परेशान हो गेलन काहेकि शहर में बड़ी मनी मूर्ति हल।17येहिसे पौलुस यहूदियन के आराधनालय में जा के यहूदियन से आउर ऊ सभे आराधना करे वाला से भी जौन यहूदियन के विश्वास के कबूल कर लेलन हल, यीशु के बारे में ऊ हरेक दिन चौक-चौराहा में जा के जौन लोग मिलऽ हलन उनका से बातचीत करऽ हलन। 18पौलुस कुछ शिक्षक से मिललन जौन लोगवन के विश्वास के बारे में बात करे ला पसन्द करऽ हलन। लोग ओखनी में से कुछ लोग इपिकूरी आउर कुछ लोग खुद के स्तोईकी कहऽ हलन। ऊ पौलुस के बतईलन कि ऊ का विश्वास करऽ हथन। तब ओखनी में से कुछ एक दोसरा से कहलन, ऊ सच में नऽ जानऽ हथन कि ऊ केकरा बारे में बात कर रहलन हे। बाकि दोसरकन कहलन अईसन लगऽ हे कि “ऊ कुछ देऊतवन के बारे में एगो दर्शन सिखा रहलन हे, जेकरा बारे में हमनी कहियो नऽ सुनऽ ही।” ऊ दोसरकन लोग अईसन येही से कहलन काहेकि पौलुस ओखनी के ऊ बता रहलन हल कि यीशु आउर पुनरुत्थान के सुसमाचार सुनावऽ हलन, तऽ ओखनी सोचलन कि पुनरुत्थान एगो देऊता के नाम हे।19येहिगुने ऊ उनका अरियुपगुस जगह पर ले गेलन जेज्जा नगर के सरदार जमा होवऽ हलन। ऊहाँ पहुँच के ऊ पौलुस से पूछलन, “हमरा बतावऽ कि ई नया सन्देश का हे जौन तूँ लोगवन के सिखा रहलऽ हे? 20तूँ हमनी के अनोखा बात सिखा रहलऽ हे जौन हमनी के समझ में नऽ आवऽ हे, येहिसे हमनी जाने ला चाहऽ ही कि ओकर मतलब का हे।”21एथेंसवासी आउर दोसर जगहवन से ऊहाँ रहे आयेल लोग नया विचार पर बातचीत करे में बड़ी आनन्द ले हलन।22सरदार पौलुस अरियुपगुस से कहलन कि ऊ उनकर झुण्ड के बीच में खड़ा हो जईतन। पौलुस ओईसहीं करलन आउर फिन कहलन, “हे एथेंसवासी, हम तोहनी के बड़ी सा काम देखली हे आउर हम जानऽ ही कि तोहनी केतना धर्मी हऽ।23हम ई येहिगुने कह रहली हे कि जब हम तोर नगर में होके गुजर रहली हल, तऽ हम ऊ उपासना के चीज के देखली जेकर तोहनी उपासना करऽ हऽ, ईहाँ ला कि हम एगो वेदी भी देखली जेकरा पर कोई ई शब्द खोदवईलन हल: ई ऊ देऊता के महिमा हे जेकरा हम नऽ जानऽ ही। येहिगुने अखनी हम तोहनी के ऊ देऊता के बारे में बतावऽ ही जेकर तूँ उपासना करऽ हऽ, बाकि ओकरा तूँ नऽ जानऽ हऽ।24ऊ ओही परमेश्वर हथन जौन संसार आउर ओकरा में के सभे चिजवन के बनईलन हे। ऊ स्वर्ग आउर धरती के मालिक होके सभे प्राणी पर शासन करऽ हथन, आउर ऊ आदमियन के द्वारा बनावल गेल मन्दिर में नऽ रहऽ हथन।25उनका लोगवन के द्वारा कुछ भी करवावे के जरुरत नऽ हे उनकर देख-भाल करे, काहेकि ऊ लोगवन के जिनगी आउर साँस दे हथन, आउर ऊ ओखनी के हरेक चीज दे हथन जेकर ओखनी के जरुरत होवऽ हे।26शुरु में परमेश्वर एगो जोड़ा बनईलन आउर उनकर द्वारा सभे जाति के पईदा करलन जौन आज धरती पर हरेक जगह रहऽ हथन। परमेश्वर तय करलन कि हरेक मानव झुण्ड केज्जा आउर कहाँ रहतन। 27ऊ चाहऽ हलन कि लोग ई समझतन कि उनका ओकर जरुरत हे। तऽ शायद ओखनी उनकर तलाश करतन आउर ओकरा पईतन। जदि लोग ईमानदारी से उनकर तलाश करतन तऽ ऊ परमेश्वर के पा लेतन, काहेकि ऊ हमनी में से हर एगो के बड़ी करीब हथन।28हम परमेश्वर के वजह से जिन्दा ही, चलऽ फिरऽ ही आउर मौजूद ही, जईसन कि तोहनी में से एगो कहलऽ हे, काहेकि हमनी उनकर संतान ही।29येहिसे कि हम परमेश्वर के संतान ही, हमनी के नऽ सोचे के चाही कि ईश्वरत्व के सोना, चाँदी चाहे पत्थर के जईसन हथन, जेकरा इंसान से बनावल जा हे।30जब पहिले लोग नऽ जानऽ हलन कि परमेश्वर उनका से का चाहऽ हथन, तऽ परमेश्वर उनका उनकर काम के सजा नऽ देलन। बाकि अखनी परमेश्वर हरेक जगह के लोगवन के उनकर बुरा काम से मन फिरावे के आज्ञा दे हथन।31ऊ हमरा बतावऽ हथन कि एगो तय दिन जेकरा ऊ चुनलन हे, परमेश्वर ऊ आदमी के द्वारा हमनी सभे के धार्मिकता से दुनियाँ के न्याय करतन जिनका ऊ चुनलन हे, आउर ई आदमी के मरल में से जिला के ई प्रमाणित करतन कि हम एकरा समझियई।” 32जब सरदार पौलुस के ई कहते सुनलन कि एगो आदमी मर के फिन से जी उठलन हे, तऽ कुछ लोग उनका पर हँसे लगलन, बाकि कुछ लोग उनका से कहलन कि ऊ फिन आके उनका कोई आउर दिन बतईतन।33जब ऊ ई कहलन तऽ पौलुस चल गेलन।34बाकि पौलुस के साथे गेल आदमियन में से कुछ लोग यीशु के बारे में वचन पर विश्वास करलन। यीशु पर विश्वास करे वालन में से दियुनुसियुस नाम के एगो आदमी भी हल जौन महासभा के सदस्य हलन। आउर दमरिस नाम के एगो औरत आउर कुछ लोग भी हलन जौन प्रभु में विश्वास करलन।
Bridge Connectivity Solutions Pvt. Ltd.