Acts14
1इकुनियुम शहर में पौलुस आउर बरनबास हमेशा के तरह यहूदियन के आराधनालय में गेलन आउर प्रभु यीशु के बारे में बड़ी जोरदार बात करलन। नतीजा ई होल कि बड़ी मनी यहूदी आउर गैरयहूदी भी यीशु पर विश्वास करलन।2बाकि कुछ यहूदियन ऊ सन्देश पर विश्वास करे से मना कर देलन। ओखनी अन्यजातियन से कहलन कि ऊ उनका पर विश्वास नऽ करऽ। ओखनी कुछ गैर-यहूदियन के मन ऊहाँ के विश्वासियन के खिलाफ क्रोधित कर देलन। जौन सभे यीशु पर भरोसा रख हलन3बाकि पौलुस आउर बरनबास बड़ी दिन तक ऊहाँ रहलन, आउर प्रभु के बारे में बिना डर के बोलते रहलन, आउर प्रभु यीशु उनका बड़ी चिन्ह आउर अचरज के द्वारा अनुग्रह के गवाही दे रहलन हल। आउर ई तरह से लोगवन के संदेश के सच्चाई देखईलन कि परमेश्वर हमनी के बचावऽ हथन, चाहे हम ओकर लायक नऽ भी ही, तईयो प्रभु हमर उद्धार करऽ हथन।4इकुनियुम शहर के लोगवन के दूगो अलग-अलग विचार हल। कुछ लोग यहूदियन से सहमत हलन आउर कुछ लोग प्रेरित पौलुस आउर बरनबास से सहमत हलन।5तब अन्यजातियन लोग पौलुस आउर बरनबास के विरोध करे वालन यहूदियन अपने शासक के साथे बात-विचार करलन कि ऊ पौलुस आउर बरनबास के साथे कईसे गलत बर्ताव कर सकऽ हथन। ऊ शहर के कुछ जाने-माने लोग उनकर मदत करे ला निश्चय करलन। ओखनी मिल के ई तय करलन कि ऊ पौलुस आउर बरनबास के पत्थरवन से मार देलन।6जब पौलुस आउर बरनबास के उनकर योजना के पता चल गेल आउर ऊ प्रदेश लुकाउनिया के लुस्त्रा आउर दिरबे नगर आउर अगल-बगल के इलाका में गेल।7आउर जब ओखनी ऊ इलाका में हलन, तऽ ऊ लोगवन के लगातार प्रभु यीशु के सुसमाचार सुनईते रहलन।8लुस्त्रा शहर में एगो आदमी बईठल हलन, जौन गोड़ से लाँगड़ हल। जखनी ओकर माय ओकरा जनम देलक, तब ओकर गोड़ से अपंग हल, आउर ऊ कहियो चल नऽ सकल हल।9जब पौलुस प्रभु यीशु के बारे में बोल रहलन हल, तऽ ऊ गौर से सुन रहलन हल। पौलुस ऊ आदमी दने गौर से देखलन आउर ओकर चेहरा से ई साफ हो गेल कि ओकरा पूरा विश्वास हे कि प्रभु यीशु ओकरा चंगा कर सकऽ हथन।10तब पौलुस बड़ी जोर से ओकरा पुकारलन, "खड़ा हो!" जखनी ऊ आदमी ई सुनलक, तऽ ऊ तुरन्त उछल के खड़ा हो गेल आउर चले-फिरे लगल।11जब लोग पौलुस के ई काम देखलन, तऽ ओखनी सोचलन कि पौलुस आउर बरनबास ही ऊ देऊता हथन जिनकर ऊ पूजा करऽ हथन। येहिसे ऊ अपन लुकाउनिया भाषा में चिल्लाय लगलन, "देखऽ! देऊतवन आदमी के रूप धारण कर लेलन हे आउर हमर मदत लागी स्वर्ग से नीचे उतर अईलन हे!"12ऊ कहे लगलन कि बरनबास शायद मुख्य देऊता हथन, जिनकर नाम ज्यूस हल। आउर ऊ कहे लगलन कि पौलुस हिर्मेस हथन, जौन दोसरा देऊतवन के दूत हथन। उनका अईसन येहिसे लगल काहेकि पौलुस ही ऊ आदमी हलन जौन बोल रहलन हल। 13लोग नगर के फाटक के ठीक बाहरसी एगो मन्दिर में ज्यूस देऊता के आराधना कर रहलन हल। ऊहाँ मौजूद याजक सुनलन कि पौलुस आउर बरनबास का करलन हे, येहिसे ऊ शहर के फाटक पर अईलन, जेज्जा पहिले से बड़ी मनी लोग जमा हलन। ऊ दूगो बैल के लईलन जेकर गला में फूल के माला हल। याजक आउर लोगवन के भीड़ पौलुस आउर बरनबास के बलि के रूप में बैलवन के बलिदान करे ला चाहऽ हलन।14बाकि जब प्रेरित बरनबास आउर पौलुस ई सुनलन, तऽ बड़ी दुःखी होलन, ईहाँ तक कि ऊ अपन कपड़ा फाड़ के, ई देखावे लागी कि ऊ नऽ चाहतन कि लोग उनका ला बलिदान करे। ऊ चिल्लईते लोगवन के बीच में पहुँचलन। 15“हे लुस्त्रा के लोगवन, तूँ हमर उपासना करे लागी ऊ बैलवन के मत मारऽ! हम परमेश्वर नऽ ही! हम भी तोरे जईसन इंसान ही! हम तोरा कुछ सुसमाचार सुनावे अईली हे कि तोहनी बेकार देऊतवन के उपासना करे ला बंद करऽ! काहेकि ऊ तोर मदत नऽ कर सकल हे। ई सच्चा जीवित परमेश्वर आसमान, धरती, महासागर आउर ओकरा मौजूद हरेक चीज बनईलन हे। 16बीतल समय में परमेश्वर गैर-यहूदियन लोगवन के ऊ सभे देऊतवन के उपासना करे के अनुमति देलन हल जिनका ऊ उपासना करे ला चाहऽ हलन।17ओईसहीं, परमेश्वर तोहनी गैर-यहूदियन के भी देखईलन कि ऊ एगो बढ़ियाँ परमेश्वर हथन। ऊ तोरा ला फसल उगावे लागी आसमान से वरसा भेजलन। ऊ तोरा मन के भरपूर खाना देलन जेकरा से तूँ अपन जिनगी के आनन्द ले सकऽ।”18पौलुस आउर बरनबास लोगवन से ई सभे बात कहलन, फिन भी ओखनी के रोके ला बड़ी मुश्किल हो गेल कि लोग ऊ सभे बैल के बलिदान चढ़ा के ओकर उपासना नऽ करतन।19बाकि कुछ यहूदी अन्ताकिया आउर इकुनियुम से अईलन आउर लुस्त्रा के बड़ी मनी लोग के ई विश्वास दिलईलन कि पौलुस जौन सन्देश उनका बता रहलन हल ऊ सच नऽ हल। जौन लोग ऊ यहूदी के बात पर विश्वास करऽ हलन ऊ पौलुस से रूस गेलन। ऊ यहूदियन के पौलुस पर पत्थर फेंके देलन जब तक कि ऊ बेहोश होके गिर नऽ गेलन। ऊ सभे सोचलन कि ऊ मर गेलन हे, येहिसे ओखनी उनका घसीट के शहर के बाहरसी ले गेलन आउर ऊहाँ पड़ल रहे देलन।20बाकि लुस्त्रा के कुछ चेलवन पौलुस भीर आके खड़ा हो गेलन, आउर पौलुस जमीन पर पड़ल हलन। तब पौलुस के होश आयेल, आउर ऊ उठ के विश्वासियन के साथे दिरबे शहर में चल गेलन। अगला दिन पौलुस आउर बरनबास लुस्त्रा नगर से निकस के दिरबे नगर में चल गेलन।21ऊ ऊहाँ ढेर दिन तक दिरबे शहर में रहलन आउर लोग के यीशु के बारे में सुसमाचार के बात बतईते रहलन। ऊहाँ बड़ी मनी लोग चेला बनलन। ओकर बाद पौलुस आउर बरनबास वापस लौट गेलन। फिन ऊहाँ से ऊ लुस्त्रा, इकुनियुम गेलन आउर फिन पिसिदिया प्रान्त के अन्ताकिया शहर में पहुँचलन।22हर जगह ऊ चेलवन के यीशु पर विश्वास रखे लागी उत्साहित करलन आउर उनका से कहलन, “जब हम परमेश्वर के अपना ऊपर शासन करे दे ही, तऽ हमरा ई दुनियाँ में बड़ी मनी दुःख झेलऽ पड़ऽ हे।”23पौलुस आउर बरनबास हरेक कलीसिया लागी पुरनिया चुनलन। आउर हरेक जगह से जाय से पहिले ऊ विश्वासियन के जमा करलन आउर कुछ समय तक प्रार्थना आउर उपवास करलन। फिन पौलुस आउर बरनबास अगुवन आउर अन्य विश्वासियन के प्रभु यीशु के हाथ में सौंप देलन, जिनका पर ऊ विश्वास करलन हल, कि ऊ उनकर देख भाल करतन।24पौलुस आउर बरनबास पिसिदिया जिला से होके दक्खिन में पंफूलिया जिला में गेलन।25ऊ इलाका में ऊ पिरगा नाम के शहर में पहुँचलन आउर ऊहाँ के लोगवन के प्रभु यीशु के बारे में परमेश्वर के सन्देश सुनईलन। फिन ऊ समुद्र के किनारे अत्तलिया नाम के शहर में पहुँचलन।26आउर ऊहाँ से ऊ जहाज पर चढ़ के सीरिया के अन्ताकिया नगर में वापस लौटके चल गेलन, जेज्जा पौलुस आउर बरनबास के दोसरा जगह में जा के प्रचार करे लागी चुनल गेल हल, आउर जेज्जा विश्वासियन परमेश्वर से प्रार्थना करलन हल कि ऊ पौलुस आउर बरनबास के ऊ काम ला अनुग्रह करतन जौन ऊ अखनी पूरा कर लेलन हे।27जब ऊ अन्ताकिया पहुँचलन, तऽ ओखनी विश्वासियन के जमा करलन। तब पौलुस आउर बरनबास उनका बतईलन कि परमेश्वर उनकर का-का मदत करलन हे। खास तोर पर, ऊ बतईलन कि कईसे परमेश्वर बड़ी मनी अन्यजातियन के यीशु पर विश्वास करे ला दुआरी खोल देलन हे।28तब पौलुस आउर बरनबास चेलवन के साथे बड़ी दिन तक अन्ताकिया में रहलन।
Bridge Connectivity Solutions Pvt. Ltd.