Acts11
1यहूदिया प्रान्त के अलग-अलग नगर में रहे वालन प्रेरितवन आउर अन्य विश्वासियन भाई लोग के ई कहते सुनलन कि कुछ अन्यजातियन लोग भी यीशु के बारे में परमेश्वर के सन्देश पर विश्वास करलन हे।2बाकि यरूशलेम में खतना करल यहूदी विश्वासी हलन जौन फरीसियन के शिक्षा के पालन कर हलन आउर मान हलन कि यहूदियन के गैर-यहूदियन के साथे संगति नऽ करे के चाही। जखनी पतरस कैसरिया से यरूशलेम में लौटलन, तऽ ऊ उनका से मिललन आउर उनकर निन्दा आउर वाद-विवाद करे लगलन।3ऊ उनका से कहलन, "नऽ खाली ई गलत हल कि तूँ कोई गैर-यहूदियन के घरे गेलऽ, बलुक तूँ ऊहाँ खाना भी खईलऽ!" 4तऽ पतरस उनका सभे बात बता देलन।5ऊ कहलन, “हम याफा नगर में प्रार्थना कर रहली हल, आउर हम एगो दर्शन देखली। हम देखली कि एगो बड़का चादर जईसन कोई चीज आसमान से आ रहल हल, जे अपन चारो कोना से लटकल हल। ऊ नीचे हमरा भीर आयेल।6जखनी हम ओकरा गौर से देख रहली हल, तऽ हम कुछ धरती के पालतु जानवर के साथे साथ कुछ जंगली जानवर, रेंगे वाला जन्तु आउर आसमान के पक्षी भी देखली।7तऽ हम एगो आवाज सुनली जे हमरा ई आज्ञा दे रहलन हल, ‘हे पतरस उठऽ ओकरा मारऽ आउर खा!8बाकि हम उनका से कहली, हे प्रभु, तूँ तऽ ई नऽ चाहऽ हऽ कि हम अईसन करम, काहेकि हम कहियो भी अईसन अशुद्ध कुछो नऽ खईली हे जेकरा खाय लागी हमर व्यवस्था में मना करल गेल हे!’9परमेश्वर स्वर्ग से हमरा से दोसरा बार कहलन, ‘हम परमेश्वर ही, येहिसे जदि हम खाय लागी कुछ शुद्ध बनईली हे, तऽ ओकरा अशुद्ध नऽ कहऽ।’10अईसहीं तीन बार आउर होल, आउर फिन ऊ सभे जानवरवन आउर चिरईंयन के साथे चादर के फिन से स्वर्ग में खींच लेवल गेल।11ठीक ओही घड़ी, कैसरिया शहर से भेजल गेल तीनगो आदमी उनकर घर पर अईलन जेज्जा हम ठहरल हली।12परमेश्वर के पवित्र आत्मा हमरा से कहलन कि हमरा उनका साथे जाय में हिचकिचाय के नऽ चाही, जबकि ऊ यहूदी नऽ हल। हमरा साथे छौ यहूदी साथी विश्वासी भी कैसरिया गेलन आउर फिन हम ऊ गैर-यहूदी आदमी के घरे गेली जे हमरा बोलईलन हल।13ऊ हमरा बतईलन कि हम एगो स्वर्गदूत के अपन घर में खड़ा देखली हे। स्वर्गदूत उनका से कहलन, ‘लोगवन से कहऽ कि याफा जईतन आउर शमौन के जे पतरस भी कहलावऽ हथन, वापस ले अईतन।’”14ऊ तोरा से अईसन बात कहतन कि परमेश्वर तोरा आउर तोर घराना के बाकि लोगवन कईसे बचतन।15जखनी हम बात कर रहली हल, तऽ पवित्र आत्मा एकबैग उनका पर उतर आयेल, ठीक ओईसहीं जईसे ऊ पिन्तेकुस्त परव के दौरान हमरा पर पहिला बार उतरल हल।16तब हमरा प्रभु के कहल गेल बात याद आयेल: “यूहन्ना तऽ तोरा पानी से बपतिस्मा देलन हे, बाकि परमेश्वर तोरा पवित्र आत्मा से बपतिस्मा देतन।17परमेश्वर ऊ गैर-यहूदियन के ओही पवित्र-आत्मा देलन जौन ऊ हमरा देलन हल जखनी हम प्रभु यीशु मसीह पर विश्वास करली हल। येहिसे हम परमेश्वर से ई नऽ कह सकली हल कि ऊ उनका पवित्र आत्मा दे के गलत करलन हे!”18जब ऊ यहूदियन पतरस के बात सुनलन, तऽ ओखनी उनकर निन्दा करे ला छोड़ देलन। एकर बदले, ऊ परमेश्वर के स्तुति करते-करते कहलन, “एकरा से हम साफ ही कि परमेश्वर अन्यजातियन के भी स्वीकार कर लेलन हे जेकरा से ऊ पाप से मन फिरा के हमेशा ला जिनगी पईलन।”19स्तिफनुस के मरला के बाद, लोग यरूशलेम के दोसर विश्वासियन के सतावे ला चालू कर देलन। येहिगुने बड़ी मनी विश्वासी यरूशलेम छोड़ के दोसरा जगह पर चल गेलन, ओखनी में से कुछ फीनीके, कुछ साइप्रस द्वीप आउर कुछ सीरिया के अन्ताकिया शहर में चल गेलन। ऊहाँ ऊ लोग के यीशु के बारे में लगातार सन्देश देते रहलन, बाकि ऊ खाली दोसरा यहूदियन के बतईलन।20बाकि ओखनी में से कुछ लोग साइप्रस द्वीप आउर उत्तरी अफ्रीका के कुरेने नगर से अईलन हल। ऊ अन्ताकिया में जा के यूनानियन के प्रभु यीशु के सुसमाचार के बारे में बता रहलन हल।21प्रभु परमेश्वर ओखनी सभे विश्वासियन के शक्तिशाली रूप से प्रचार करे के लायक बनईलन। नतीजा, बड़ी मनी गैर-यहूदी लोग उनकर संदेश पर विश्वास करलन आउर प्रभु पर विश्वास करलन आउर प्रभु पर भरोसा करलन।22यरूशलेम में विश्वासियन के कलीसिया लोग से सुनलन कि अन्ताकिया में बड़ी मनी लोग यीशु पर विश्वास कर रहलन हे। येहिसे के यरूशलेम के विश्वासियन के अगुवा बरनबास के अन्ताकिया शहर में भेजलन। जेकरा से ऊ नईकन विश्वासियन के सिखईतन आउर हौसला बढ़ईतन।23जब बरनबास अन्ताकिया पहुँचलन, तऽ ऊ देखलन कि परमेश्वर विश्वासियन के साथे दया करलन हे। येहिसे ऊ बड़ी खुश होलन आउर ओखनी सभे विश्वासियन के हौसला बढ़ईलन कि ऊ प्रभु यीशु पर तन मन से भरोसा करते रहतन।24बरनबास एगो अच्छा इंसान हलन, जौन पवित्र आत्मा के भरपूरी में हलन आउर जौन परमेश्वर पर पूरा तरह से भरोसा रखऽ हलन। बरनबास के काम के चलते ऊहाँ बड़ी मनी लोग प्रभु यीशु पर विश्वास करलन।25तब बरनबास शाऊल के खोजे लागी किलिकिया के तरसुस शहर में गेलन।26उनका खोजे के बाद, बरनबास उनका विश्वासियन के सिखावे में मदत करे लागी अन्ताकिया वापस ले अईलन। ई तरह से पूरा एक साल तक बरनबास आउर शाऊल रोजदिन तरह से कलीसिया से मिलते रहलन आउर बड़ी जादे संख्या में लोगवन के यीशु के बारे में सिखईते रहलन। अन्ताकिया में चेला लोग के पहिला बार मसीही के रूप में जानल गेलन।27जौन घड़ी बरनबास आउर शाऊल अन्ताकिया में हलन, यरूशलेम से कुछ विश्वासी भविष्यद्वक्ता ऊहाँ अईलन।28ओखनी में से एगो, जेकर नाम अगबुस हल, बोले लागी खड़ा होलन। परमेश्वर के आत्मा उनका ई भविष्यद्वाणी करे के तागत देलन कि बड़ी जल्दी ही समूचे दुनियाँ में अकाल पड़त। ई अकाल ऊ घड़ी होल जब रोमी राजा क्लौदियुस हलन।29जखनी ऊहाँ के चेलवन अगुवन के बात सुनलन, तऽ ओखनी ई पक्का करलन कि ऊ यहूदिया में रहे वालन विश्वासियन के सेवा ला धन भेजतन। ओकरा में से हरेक ई पक्का करलन कि जेतना दे सकऽ हथन, ओतना दे सकऽ हथन।30ऊ बरनबास आउर शाऊल के हाथ ऊ धन यरूशलेम शहर में विश्वासियन के पुरनिया भीर भेजलन।
Bridge Connectivity Solutions Pvt. Ltd.