3 John1
1तूँ हमरा प्राचीन अगुवा के रूप में जानऽ हऽ। हम तोरा ई चिट्ठी लिख रहली हे, हमर प्रिय दोस्त गयुस, जिनका हम सच में प्रेम करऽ ही।2प्रिय दोस्त, हम परमेश्वर से माँगऽ ही कि ऊ अईसन करतन कि तोरा ला सभे कुछ अच्छा तरह से होवे, आउर तूँ शारीरिक रूप से निरोगी रहऽ, जईसन कि तूँ परमेश्वर के सम्बन्ध में भी आत्मा निरोगी हऽ।3हम जानऽ ही कि तूँ परमेश्वर के सम्बन्ध में निरोगी हऽ काहेकि कुछ साथी विश्वासी ईहाँ अईलन आउर हमरा गवाही बतईलन कि तूँ कईसे सच के राह पर चलऽ हऽ, ओखनी कहलन कि तूँ मसीह के सच सन्देश के मुताबिक जीय हऽ। ई हमरा बड़ी आनन्दित करऽ हे।4हमरा ई बात बड़ी आनन्दित करऽ हे-जखनी हमरा कोई ई बतावऽ हथन कि जौन लोग के हम मसीह के पालन करे में मदत करली हे, ऊ अईसन रीति से जी रहलन हे जौन परमेश्वर के सच से मेल खा हे! 5प्रिय दोस्त, जब कभी तूँ साथी विश्वासियन के मदत करे लागी कुछ भी करऽ हऽ तऽ तूँ वफादारी से यीशु के सेवा करऽ हऽ ईहाँ ला कि उनकर भी जिनका तूँ नऽ जानऽ हऽ, जे परमेश्वर के काम करे लागी यात्रा कर रहलन हे।6ओकरा में से कुछ ईहाँ कलीसिया के सामने गवाही देलन कि तूँ कईसे देखईलऽ हे कि तूँ उनका प्रेम करऽ हऽ। ई तोरा ला एगो अच्छा बात हे कि तूँ अईसन लोग के उदारता से मदत करे ला शुरु रखऽ ताकि एकरा से परमेश्वर के आदर होवे।7ऊ ई चलते यात्रा कर रहलन हे कि लोग के यीशु के बारे में बता सकतन, आउर जौन लोग अन्यजाति हे, ओखनी उनका मदत नऽ करलन हे।8येहिसे हमनी जौन मसीह पर विश्वास करऽ ही, ओखनी लोग के ऊ सभे देवे के चाही जेकरा ओखनी के जरुरत हे तऽ ई अईसन होत जईसे हम उनकर सहकर्मी ही काहेकि ऊ दोसरा के परमेश्वर के सच्चा सन्देश के जाने में मदत करऽ हथन।9हम तोर कलीसिया के झुण्ड के एगो चिट्ठी लिखली हल उनका ई बतावे लागी करलन ऊ दोसर विश्वासियन के मदत करतन। जबकि, दियुत्रिफेस जे हम कहऽ ही कुछ भी कबूल नऽ करऽ हथन काहेकि ऊ तोर समूह पर अधिकार जमावे ला चाहऽ हे।10येहिगुने जखनी हम ऊहाँ आयेम तऽ हम सभे के सामने सभे के बता देम कि ऊ कौची करऽ हथन। ऊ दोसरा से झूठ बोलऽ हथन कि हम बुरा काम करऽ ही। ऊ अईसन येहिसे करऽ हथन ताकि जे ऊ कहऽ हथन ओकरा से हमरा नुकसान पहुँचत। ई करे के साथे-साथे ऊ साथी विश्वासियन के स्वागत करे से भी मना करऽ हथन जौन परमेश्वर के काम करे ला यात्रा कर रहलन हे। बलुक ऊ उनका भी रोकऽ हथन जे उनकर स्वागत करे ला चाहऽ हथन आउर उनका कलीसिया से निकास दे हथन।11हमर प्रिय दोस्त, अईसन बुरा उदाहरण के अनुकरण मत करऽ। एकर बजाय, अच्छा उदाहरण के अनुकरण करते रहऽ। याद रखऽ जौन लोग अच्छा काम करऽ हथन, ऊ सचमुच परमेश्वर के हथन, बाकि जौन कोई भी ऊ करते रहऽ हे जौन कि बुरा हे ऊ कहियो परमेश्वर के नऽ जानलन।12सभे विश्वासी जौन दिमेत्रियुस के जानऽ हथन ऊ गवाही दे हथन कि ऊ एगो अच्छा आदमी हथन। जईसे ऊ रहऽ हथन परमेश्वर के सच्चा वचन के मुताबिक तोरा ई भी देखावऽ हथन कि ऊ एगो अच्छा इंसान हथन। हम भी ई गवाही दे ही कि ऊ एगो अच्छा आदमी हथन, आउर तूँ जानऽ हऽ कि जौन हम जौन गवाही दे ही ऊ सच हे।13जखनी हम ई चिट्ठी के लिखे ला शुरु करली, हमरा भीर बड़ी कुछ हल जे हम तोरा लिखे के इरादा रखऽ हली। बाकि हम ऊ स्याही आउर कलम से तोरा चिट्ठी नऽ लिखे ला चाहऽ ही।14बलुक, हम उम्मीद करऽ ही कि आके जल्दी तोरा से मिलम। फिन हमनी एक दोसरा के साथे सामने बात करम।15हम प्रार्थना करऽ ही कि परमेश्वर तोर आत्मा के शान्तिपूर्ण बनावे ला चालू रखतन। ईहाँ के दोस्त तोरा नमस्कार कहऽ हथन। कृपा कर के हमरा ला ऊहाँ हमनी के सभे दोस्तवन के निजी तौर पर आउर उनकर नाम लेके नमस्कार कहिहऽ।
Bridge Connectivity Solutions Pvt. Ltd.