2 John1
1हम प्राचीन यूहन्ना के तरफ से, तोरा हम ई चिट्ठी लिख रहली हे, लोगवन के ऊ मण्डली के जेकरा परमेश्वर उनका से सम्बन्धित होवे लागी चुनलन हे। हम तोहनी सभे विश्वासियन से सच्चा मन से प्रेम करऽ ही। खाली हम तोरा से प्रेम करऽ ही, बलुक ऊ सभे जौन सच्चा सन्देश के जानऽ हथन आउर मानऽ हथन जौन यीशु सिखईलन हे ऊ भी तोरा से प्रेम करऽ हथन। 2हम तोरा से प्रेम करऽ ही काहेकि हमनी सभे परमेश्वर के सच्चा सन्देश के मान लेली हे। ई सच्चा सन्देश हमनी के हिस्सा बन गेल हे आउर हमेशा हमनी के साथे रहत।3पिता परमेश्वर आउर यीशु जौन मसीह हथन, पिता के बेटा हथन, हमनी पर लगातार कृपा आउर दया करते रहतन आउर हमनी के शान्ति देतन। ऊ अईसन येहिसे करतन काहेकि ऊ सच्चा हथन आउर ऊ हमनी से प्रेम करऽ हथन। 4हम जान लेली हे कि तोहनी के मण्डली के कुछ विश्वासी सच्चा सन्देश के मुताबिक जिनगी जी रहलन हे। जेकर शिक्षा परमेश्वर हमनी के देलन हे। जेकरा से हम बड़ी खुश होली हे। ई तऽ ओही हे जे हमनी के पिता हमनी के करे के आज्ञा देलन हे।5आउर अखनी, हे प्रिय मण्डली, हम तोरा से ऊ करे लागी जेकर आज्ञा परमेश्वर देलन हे: विनती करऽ ही कि हमनी के एक दोसरा से प्रेम करे के चाही। हम तोरा ई कोई नया बात के रूप में नऽ लिख रहली हे जेकरा परमेश्वर हमनी के करे लागी आज्ञा देलन हे। एकर बजाय, हम एक दोसरा से प्रेम करे के ई आज्ञा के तब से जानली जखनी हम पहिलका बार मसीह पर विश्वास करली हल।6परमेश्वर आउर एक दोसरा से प्रेम करे के येही मतलब होवऽ हे। हमनी के उनकर मुताबिक चले के चाही जेकर आज्ञा परमेश्वर देलन हे। ऊ ई हे एक दोसरा से प्रेम करिहऽ, ई चलते तोरा ई करे के जरुरत हे। तूँ ई तहिया से सुनलऽ हे जहिया तूँ पहिलका बार मसीह पर विश्वास करलऽ हल।7हम अईसन येहिसे कह रहली हे काहेकि ई दुनियाँ में बड़ी अईसन लोग हे जे इधर-उधर घूम-घूम के, लोग के भरमावऽ हे। भरमावे वाला ई लोग ई बात के इंकार करऽ हथन कि यीशु मसीह देह में होके धरती पर अईलन आउर ऊ एगो आदमी हलन। ई शिक्षा सचमुच भरमावे वाला के ओर से आवऽ हे, जौन मसीह के विरोध करऽ हे।8सावधान रहऽ ताकि तूँ कहीं ऊ प्रतिफल के नऽ कहीं ऊ शिक्षक भरमा नऽ दे! जदि तूँ उनका खुद के भरमावे दे हऽ, तऽ तूँ खो दऽ जेकरा लागी हम काम करली हे। येहिसे ई पक्का करे लागी सतर्क रहऽ कि तूँ पूरा प्रतिफल हासिल करऽ!9जौन लोग मसीह द्वारा देवल गेल शिक्षा के बात पर विश्वास करे में बनल नऽ रहतन आउर ऊ बात के शिक्षा नऽ दे हथन जेकरा मसीह सिखावऽ हथन, बलुक दोसरा बात पर विश्वास करऽ हथन, आउर सिखावऽ हथन, उनका भीर परमेश्वर के साथे सच्चा सम्बन्ध नऽ हे। बाकि जौन लोग मसीह जौन कुछ शिक्षा देलन हे ओकरा पर विश्वास करते रहऽ हथन आउर लगातार सिखईते रहऽ हथन, उनकर एगो सच्चा सम्बन्ध दूनो हमनी के परमेश्वर, हमनी के पिता, आउर उनकर बेटा यीशु के साथे होवऽ हे।10एही चलते जखनी कोई तोरा भीर अईतन जौन मसीह के द्वारा देवल गेल शिक्षा से अलग सिखईतन, तऽ ओकरा अपन घर में इज्जत नऽ करिहऽ! ओकरा प्रणाम भी नऽ करिहऽ चाहे कोई भी तरह से ओकरा भलाई के कामना नऽ करिहऽ, जेकरा से तूँ ओकरा उत्साहित नऽ करिहऽ।11जदि तूँ ई सभे लोग के सत्कारपूर्वक प्रणाम करऽ हऽ, तऽ तूँ ओकरा द्वारा करल जाय वाला बुरा काम में ओकर भागीदार बनऽ हऽ।12हमरा भीर आउर भी बड़ी कुछ हे जौन हम तोरा कहेला चाहऽ ही। बाकि हम ओकरा तोरा एगो चिट्ठी में स्याही से लिखे ला फईसला नऽ लेली हे। एकर बजाय, हमरा उम्मीद हे कि हम जल्दिये तोरा साथे रहम आउर तोरा से खुद बात करम। तब हम एक साथे मिल के हर तरह से खुश रहम। 13ईहाँ के मण्डली में तोर बहिन विश्वासी, जिनका परमेश्वर भी चुनलन हे, तोरा नमस्कार कहऽ ही।
Bridge Connectivity Solutions Pvt. Ltd.