2 Timothy4
1हम तोरा परमेश्वर आउर मसीह यीशु के सामने शपथ दिलावऽ ही, जौन जिन्दा आउर मरलकन के न्यायी करतन, आउर उनका प्रकट होवे आउर उनकर राज के द्वारा;2वचन के प्रचार करऽ; समय आउर असमय तईयार रहऽ; पूरा धीरज आउर शिक्षा के साथे फटकार लगावऽ, आउर डाँटऽ आउर प्रोत्साहित करऽ।3काहेकि अईसन समय आवत, कि जखनी ऊ खरा शिक्षा के नऽ सह सकतन। एकर बदले, ऊ खुद के मन के मुताबिक, आउर अपन कान के खुजली के मुताबिक अपना ला बड़ी मनी उपदेशक बटोर लेतन। 4आउर दूनो अपन कान के सच से फेर लेतन आउर झूठा बात दने मुड़ जईतन।5बाकि तूँ सभे चीज में शान्त रहऽ। दुःख सहऽ। प्रचारक के काम करऽ, अपन सेवा पूरा करऽ।6काहेकि हम पहिले से ही उण्डेलल जा रहली हे, आउर हमर जाय के समय आ गेल हे। 7हम बढ़ियाँ लड़ाई लड़ लेली हे; हम अपन दौड़ पूरा कर लेली हे; हम अपन विश्वास के रखवाली करली हे। 8अखनी धार्मिकता के मुकुट हमरा लागी सुरक्षा से रखल गेल हे, जौन प्रभु, धर्मी आउर न्यायी हथन, ऊ दिन हमरा इनाम देतन, आउर खाली हमरे नऽ, ईहाँ तक कि ऊ सभे के भी, जौन उनकर वापसी के दिन प्रिय जानऽ हथन।9हमरा भीर आवेला जल्दी करऽ।10काहेकि देमास ई दुनियाँ के प्रेम जान के हमरा छोड़ देलन हे, आउर थिस्सलुनीके शहर के चल गेलन हे, क्रेसकेंस गलातिया प्रान्त के, तीतुस दलमतिया प्रान्त के चल गेलन हे।11खाली लूका हमरा साथे हथन। मरकुस के लेके अपना साथे चल आवऽ, काहेकि ऊ सेवा लागी हमरा ला सुसमाचार के काम अईतन।12बाकि तुखिकुस के हम इफिसुस शहर में भेज देली हे।13जौन पोशाक हम त्रोआस में करपुस में छोड़ अईली हे, ओकरा जब तूँ अईहऽ, तऽ किताबवन, खास कर के चर्मपत्र सभे के लेले अईहऽ।14सिकन्दर ठठेरा हमरा बड़ी नुकसान पहुँचईलक हे। प्रभु ओकरा ओकर काम के मुताबिक बदला देतन। 15जेकरा से तूँ सतर्क रहिहऽ, काहेकि ऊ हमर बात के बड़ी विरोध करलक हे।16हमर पहिलका बचाव में कोई हमरा साथे नऽ आयेल, बाकि सभे हमरा छोड़ देलन। अईसन नऽ होवे कि एकर लेखा ओकर खिलाफ गिनल जाय।17बाकि प्रभु हमरा साथे खड़ा रहलन आउर मरे से बचईलन, आउर हमरा सामर्थ देलन, जेकरा से हमरा द्वारा प्रचार पूरा हो जाय, आउर सभे अन्यजाति के लोग सुन सकतन। आउर हम शेर के मुँह से छुड़ावल गेली हे। 18प्रभु हमरा सभे बुरा काम से छोड़ईतन आउर अपन स्वर्गीय राज लागी हमर उद्धार करतन। उनकर महिमा युगानुयुग तक होते रहे। आमीन।19प्रिस्किल्ला आउर अक्विला के आउर उनेसिफुरूस के घराना के नमस्कार।20इरास्तुस कुरिन्थुस शहर में रह गेलन, आउर त्रुफिमुस के हम मीलेतुस में बेमार छोड़ के अईली हे।21जाड़ा से पहिले ईहाँ आवेला जल्दी करऽ। यूबूलुस के आउर पूदेंस आउर लीनुस आउर क्लौदिया आउर भईवन के नमस्कार।22प्रभु तोर आत्मा के साथे रहतन। तोहनी सभे पर अनुग्रह बनल रहत।
Bridge Connectivity Solutions Pvt. Ltd.