Titus1
1पौलुस, परमेश्वर के दास आउर यीशु मसीह के प्रेरित, जे परमेश्वर के चुनल लोगवन के विश्वास ला आउर सच के ज्ञान जे भक्ति के साथ सहमत हे,2ऊ अनन्त जिनगी के पक्का आशा के साथ, जेकर प्रतिज्ञा परमेश्वर, जे झूठ नऽ बोलऽ हथन, युगवन के समय से पहिले करलन हे,3बाकि ठीक समय पर ऊ अपन वचन के ऊ प्रचार के द्वारा प्रकट करलन, जे हमनी के उद्धारकर्ता परमेश्वर के आज्ञा के मुताबिक हमरा सौंपल गेल।4तीतुस के, जे हमर विश्वास के भागीदारी में सच्चा बेटा हथन: परमेश्वर पिता आउर हमनी के उद्धारकर्ता मसीह यीशु के तरफ से अनुग्रह आउर शान्ति।5हम ई मनसा से तोरा क्रेते में छोड़ अईली हल, कि तूँ बाकि बचल बात के सुधारऽ आउर हमर तोरा देवल गेल आज्ञा के जईसन नगर-नगर में प्राचीनवन के बहाली करऽ।6जदि कोई निर्दोष आउर एक हीं मेहरारू के पति हथन, जेकर लईकवन विश्वासयोग्य होत, जेकरा पर लापरवाह व्यवहार चाहे विद्रोह के दोष नऽ होवे।7अध्यक्ष के येहिगुने बेकसूर होवे के चाही काहेकि परमेश्वर के भण्डारी हथन; नऽ जिद्दी, नऽ तुरन्त गोस्सा होवे वाला, नऽ पियक्कड़, नऽ हुड़दंगी आउर नऽ लोभी होतन।8बजाय, ऊ अतिथि सत्कार करे वाला, भलाई के चाहे वाला, अकलमंद, धर्मी, पवित्र आउर संयमी होतन;9ऊ विश्वासयोग्य सन्देश के जे शिक्षा के मुताबिक हे, थामले रहतन; जेकरा से खरा शिक्षा से ऊ दूगो चिजवन कर सकतन, दोसरा के उत्साहित; आउर जे ओकर विरोध करऽ हथन, उनका डाँटतन।10काहेकि बड़ी से विद्रोही लोग हथन, निरंकुश बकवादी आउर धोखा देवे वालन, खास कर के जे खतनावालन में से हे।11एकरा रोके ला जरुरी हे: ई लोग शर्मनाक फईदा लागी अनुचित बात सिखा के पूरा घराना के बिगाड़ दे हथन12ओकरे में से एगो जन, जे ओखनी के भविष्यद्वक्ता हथन, कहलन हे, “क्रेती लोग हमेशा झूठा, दुष्ट जानवर, आलसी पेटू हे।”13ई गवाही सच हे। ई कारण से, उनका कड़ाई तोर से डाँटऽ, जेकरा से ऊ विश्वास में मजबूत हो जईतन,14नऽ यहूदी खिस्सा-कहानियन पर मन लगईतन आउर नऽ ही ऊ आदमियन के आज्ञावन पर जे सच से भटक जा हथन।15शुद्ध लोगवन लागी सभे चिजवन शुद्ध हे, पर अशुद्ध आउर अविश्वासियन लागी कुछ भी शुद्ध नऽ चाहे उनका बुद्धि आउर विवेक दूनो अशुद्ध हे।16ओखनी परमेश्वर के समझे के दावा करऽ हथन बाकि अपन काम से उनका इंकार करऽ हथन, काहेकि ऊ घिनामन आउर आज्ञा नऽ माने वाला हे आउर कोई अच्छा काम के योग्य नऽ हे।
Bridge Connectivity Solutions Pvt. Ltd.