2 Timothy3
1बाकि ई जान लऽ, कि अंतिम दिन में मुश्किल समय आवत।2काहेकि आदमी स्वार्थी, धन के लोभी, डिंग हाँके वाला, घमण्डी, निन्दा करे वाला, माय-बाप के आज्ञा नऽ माने वाला, नमक हराम, अपवित्र,3प्रेमहीन, मेल नऽ करे वाला, निन्दा करे वाला, झूठा शिकायत करे वाला, असंयमी, कठोर, भलाई के दुश्मन,4विश्वासघाती, लापरवाह, घमण्डी, परमेश्वर-प्रेमी होवे के बजाय सुख-विलास के चाहे वाला,5भक्ति के रूप धारण करतन, बाकि ओकर शक्ति के नकार देतन। अईसन लोग से दूर रहिहऽ।6काहेकि ओखनी में से अईसन लोग हे जौन घर में घूँस के मूरख औरतियन के अपन काबू में कर ले हे, जौन पाप से दबल आउर तरह-तरह के वासना में फँसल हे,7ई औरतियन हमेशा सिखते रहऽ हे, बाकि सच्चाई के ज्ञान के पछान तक कहियो नऽ पहुँच पावऽ हे।8आउर जौन तरह से यन्नेस आउर यम्ब्रेस मूसा के विरोध करलन हे, ओईसहीं ई भी सच के विरोध करऽ हे, ऊ आदमी जेकर मन भ्रष्ट हो गेल हे, आउर विश्वास के बारे में निकम्मा हे। 9बाकि ऊ आउर आगे नऽ बढ़तन, काहेकि उनकर मूर्खता सभे पर परकट हो जायेत, ओईसहीं इनकर भी प्रकट हो जायेत।10बाकि तूँ हमर शिक्षा, चाल चलन, मकसद, विश्वास, धीरज, प्रेम, सहनशीलता के पालन करलऽ हे,11आउर जईसे अन्ताकिया, इकुनियुम, लुस्त्रा शहर में; हमरा पर जुलुम आउर दुःख होल हल; हम कईसन-कईसन जुलुम के सहली हे। बाकि प्रभु हमरा ऊ सभे से बचईलन। 12आउर सच में, ऊ सभे जौन मसीह यीशु में पवित्रता से जिनगी बितावे ला चाहऽ हे, सतावल जईतन।13बाकि बुरा आदमी आउर बहकावे वाला आदमी आउर भी बिगड़ते चल जईतन, आउर धोखा देतन, आउर धोखा खईतन।14तईयो तूँ ऊ सभे बात पर अड़ल रहऽ जौन तूँ सिखलऽ हे, आउर जेकरा पर तूँ मजबूत हो गेलऽ हे, ई जान के कि तूँ एकरा केकरा से सिखलऽ हे।15आउर बचपने से तूँ पवित्रशास्त्र जानऽ हऽ, जौन मसीह यीशु पर विश्वास करे से उद्धार पावे लागी तोरा बुद्धिमान बना सकल हे।16समूचे पवित्रशास्त्र परमेश्वर के प्रेरणा से रचल गेल हे, आउर शिक्षा ला, ताड़ना ला, सुधारे ला, आउर धरम के शिक्षा लागी फायदेमंद हे।17जेकरा से परमेश्वर के जन निपुण होतन, आउर सभे बढ़ियाँ काम लागी तईयार होतन।
Bridge Connectivity Solutions Pvt. Ltd.