2 Thessalonians2
1अब हे भईवन, हमर प्रभु यीशु मसीह के आगमन आउर उनका भीर अपन जमा होवे के बारे में, हम तोरा से विनती करऽ ही,2कि नऽ तऽ कोई आत्मा के द्वारा आउर नऽ कोई वचन के द्वारा आउर नऽ कोई चिट्ठी के द्वारा चाहे ऊ हमर तरफ से हे कि मानऽ प्रभु के दिन आ पहुँचल हे, अपन मन में तुरन्त अस्थिर नऽ होईहऽ आउर नऽ घबरईहऽ।3कोई भी तोरा कोई भी तरीका से धोखा नऽ दे, काहेकि जखनी तक धरमत्याग पहिले नऽ होत आउर अधर्मी लोग मतलब विनाश के बेटा परकट नऽ होत, 4मतलब ऊ जे विरोध करऽ हे, आउर ईश्वर कहलावे वाला हर एगो चीज चाहे पूजनीय चीज से बढ़ के खुद के ऊँचा करऽ हे। जेकर फलस्वरूप, ऊ परमेश्वर के मन्दिर में बईठ के, ई देखावऽ हे कि ऊ खुद ही परमेश्वर हथन। 5का तोरा ऊ याद नऽ कि तोहनी जौरे रहते समय, हम तोरा से ई बात के कहऽ हली?6आउर अब तूँ जानऽ भी हऽ कि कौन ओकरा रोक रहल हे, जखनी तक कि ऊ अपन समय में प्रकट नऽ होत।7काहेकि अधर्म के भेद तऽ पहिले से ही काम कर रहल हे, अखनी जे ओकरा रोकऽ हे, ऊ तखनी तक अईसन ही करतन, जखनी तक कि ऊ राह से हट नऽ जायेत, 8आउर तब ऊ अधर्मी परकट होत, जेकरा प्रभु यीशु अपन मुँह के फूँक से मार डालतन, आउर अपन आगमन के तेज से मिटा डालतन, 9जेकर आगमन शैतान के काम के मुताबिक सभे सामर्थ आउर चिन्ह आउर झूठा अचरज10आउर नाश होवे वाला लागी अधर्म के सभे धोखा के मुताबिक होवऽ हे जेकरा चलते ओखनी सच के प्रेम के अपना लागी स्वीकार नऽ करलन कि उनकर उद्धार होतन11आउर एही चलते, परमेश्वर उनकर भीर एगो गलत काम करवावे वाला के भेज रहलन हे ओखनी झूठ पर विश्वास करतन12तऽ ऊ सभे के न्याय करल जा सकत, जौन सभे सच पर विश्वास नऽ करलन, बाकि अधर्म में आनन्द लेलन हे।13अखनी हे भईवन, तोरा जिनका प्रभु के द्वारा प्रेम करल गेल हे, हमरा तोरा लागी हमेशा परमेश्वर के धन्यवाद करे के चाही। काहेकि परमेश्वर तोर पवित्र आत्मा के पवित्रीकरण आउर सच पर विश्वास करे में उद्धार लागी पहिला फल के रूप में चुनल गेल हे। 14ऊ तोरा हमर सुसमाचार के माध्यम से, हमनी के प्रभु यीशु मसीह के महिमा प्राप्त करे लागी बोलईलन हे।15येहिगुने, हे साथी भईवन, दृढ़ रहऽ आउर ऊ परम्परावन के जे तोरा चाहे वचन के द्वारा चाहे हमर चिट्ठी के द्वारा सिखावल गेल हल, कस के पकड़ले रहऽ।16अखनी खुद हमर प्रभु यीशु मसीह, आउर हमनी के परमेश्वर पिता, जे हमरा से प्रेम करलन आउर अनुग्रह के जरिये से हमरा अनन्त प्रोत्साहन आउर भला आशा प्रदान करलन,17ऊ हर भला काम आउर वचन में तोहर हृदय के तसल्ली देतन आउर मजबूत करतन।
Bridge Connectivity Solutions Pvt. Ltd.