2 Thessalonians1
1पौलुस आउर सिलवानुस आउर तीमुथियुस के ओर से, हमनी के पिता परमेश्वर आउर प्रभु यीशु मसीह में पावल जाय वाला थिस्सलुनीके के कलीसिया के नाम 2परमेश्वर पिता आउर प्रभु यीशु मसीह के तरफ से तोरा अनुग्रह आउर शान्ति मिलत3हे भईवन, जईसन कि ई सही भी हे, हमरा तोहनी लागी हर घड़ी परमेश्वर के धन्यवाद येहिगुने करे के चाही, काहेकि तोर विश्वास ढेर बढ़ते जा रहल हे, आउर एक दोसर के प्रति भी तोहनी में से हरेक के प्रेम ढेर बढ़ते जा रहल हे।4जे कारण से हम खुद ही परमेश्वर के कलीसिया के बीच में तोहनी ऊ सभे उपद्रव आउर क्लेश में जेकरा तूँ सह ले हऽ, तोर धीरज आउर विश्वास के बारे में घमण्ड करऽ ही,5जे परमेश्वर के धर्मी न्याय के सबूत हे, जेकरा से तूँ परमेश्वर के राज के लायक ठहरऽ, जेकरा ला तूँ दु:ख भी उठावऽ हऽ;6जदि सही में परमेश्वर लागी धर्मी बात ई हे कि जे तोरा दुःख दे हे ओखनी पर दुःख लौटा दऽ,7आउर तोरा चैन देतन जे प्रभु यीशु के धधकल आग में अपन सामर्थी स्वर्गदूतवन के जौरे स्वर्ग से परकट होवे के घड़ी हमर जौरे सतावल जा रहलन हे, 8कि उनका से बदला लऽ जौन सभे परमेश्वर के नऽ पछानलन आउर हमर प्रभु यीशु के सुसमाचार के नऽ मानलन, 9जौन दिन प्रभु लौटतन ऊ जुर्माना भरतन जे कि प्रभु के मौजूदगी आउर उनकर शक्ति के महिमा से दूर होके अनन्त विनाश होत, 10जखनी ऊ अपन पवित्र लोगवन के द्वारा महिमा पावे आउर ऊ सभे लोगवन के जौन सभे विश्वास करलन हैरान करे ला अईतन, काहेकि तूँ हमर गवाही पर विश्वास करलऽ। 11येहिगुने हम हमेशा तोहनी ला प्रार्थना भी करऽ ही, जेकरा से हमर परमेश्वर तोरा ई बोलाहट के लायक समझतन आउर भलाई के हरेक इच्छा आउर विश्वास के काम के सामर्थ में होके पूरा करऽ,12जेकरा से हमनी के परमेश्वर आउर प्रभु यीशु मसीह के अनुग्रह के जईसन, हमर प्रभु यीशु के नाम तोरा में महिमा पावे, आउर तूँ उनका में महिमा पईवऽ।
Bridge Connectivity Solutions Pvt. Ltd.