1 Thessalonians5
1अखनी हे भईवन, समय आउर अवसर के विषय में हमरा ला तोरा लिखे के कोई जरुरत नऽ हे।2काहेकि तूँ खुद ही भली भाँति जानऽ हऽ कि प्रभु के दिन ई रीति से आवऽ हे जईसे कि रात में कोई चोर।3जखनी ओखनी कहतन, ''शान्ति आउर सुरक्षा, तखनी ओखनी पर एकबैग विनाश अईसन आ पड़त जईसन गर्भवती के जनमावे के पीड़ा होवऽ हे, आउर ओखनी पक्का तोर से बच नऽ पईतन। 4बाकि हे भईवन, तूँ अंधार में नऽ हऽ, कि ऊ दिन चोर के तरह तोरा पर छा जायेत।5काहेकि तोहनी सभे ज्योति के संतान हऽ आउर दिन के संतान हऽ। हम नऽ रात के ही, आउर नऽ अंधार के;6तऽ येहिगुने, हमनी के बाकि आदमियन के तरह नऽ सुते के चाही, बाकि हमनी के जगल रहे के चाही आउर सचेत रहे के चाही।7काहेकि जे सुतल हथन, ओखनी रात के सूतऽ हथन आउर जे मतवाला होल रहऽ हथन, ओखनी रात के मतवाला होवऽ हथन।8बाकि हमनी के, दिन के होवे के कारण, विश्वास के आउर प्रेम के झिलम, आउर उद्धार के आशा के टोप पेहेनले, सचेत रहे के चाही। 9काहेकि परमेश्वर हमनी के क्रोध करे ला नऽ, बाकि हमनी के प्रभु यीशु मसीह के द्वारा उद्धार पावे ला ठहरईलन हे,10ऊ जे हमनी ला मरलन तऽ, चाहे हम जागम चाहे सुतम, हम उनका साथे साथ जिनगी बितावल करम।11येहिगुने, एक दोसर के तसल्ली दऽ आउर एक एक के निर्माण करऽ, जईसन कि तूँ करऽ भी हऽ।12अखनी हे भईवन, हम तोरा से विनती करऽ ही जे तोहनी बीच में मेहनत करऽ ही, आउर प्रभु में तोहनी के अगुवाई करऽ ही, आउर तोरा चेतावऽ ही, उनका स्वीकार करऽ,13आउर उनकर काम के कारण प्रेम से उनका अत्यंत आदर करऽ। अपन बीच में शान्ति स्थापित करऽ।14हे भईवन, अखनी हम तोरा समझावऽ ही: कि उपद्रवी के चेतौनी दऽ, हताश के उत्साहित करऽ, कमजोरवन के मदत करऽ, सभे के प्रति धीरजवन्त बनऽ।15देखऽ कि कोई भी जन कोई के बुराई के बदले बुराई नऽ करऽ, बाकि हमेशा एक दोसर ला आउर सभे ला भलाई के पीछा करऽ। 16हमेशा आनन्दित रहऽ।17बिना रुकावट के प्रार्थना करऽ।18हर बात में परमेश्वर के धन्यवाद करऽ, काहेकि तोहनी ला मसीह यीशु में परमेश्वर के ईहें इच्छा हे।19पवित्र आत्मा के मत बुझावऽ।20भविष्यद्वाणी के तुच्छ मत समझऽ।21सभे बात के परखऽ। जे अच्छा हे ओकरा मजबूती से पकड़ऽ।22बुराई के हर रूप से दूर रहऽ। 23अखनी शान्ति के परमेश्वर खुद ही तोरा पूरा रीति से पवित्र करतन, आउर तोर पूरा आत्मा, आउर प्राण, आउर देह हमर प्रभु यीशु मसीह के आगमन पर बेकसूर ठहरत।24जे तोरा बोलावऽ हथन ऊ विश्वासयोग्य हथन, आउर ऊ एहु करतन।25हे भईवन, हमर ला भी प्रार्थना करऽ।26पवित्र चुम्बन से सभे भईवन के नमस्कार करऽ27हम सच्चाई से प्रभु के द्वारा तोरा ई आदेश देवऽ ही कि ई चिट्ठी सभे भईवन ला पढ़ऽ।28हमनी के प्रभु यीशु मसीह के अनुग्रह तोहनी साथे बनल रहत।
Bridge Connectivity Solutions Pvt. Ltd.