1 John5
1ऊ सभे जौन ई विश्वास करऽ हथन कि यीशु ही मसीह हथन, आत्मिक रूप से परमेश्वर के बाल-बच्चा हथन। अखनी, जौन कोई भी कोई से प्रेम करऽ हथन, जौन एगो पिता हथन पक्का रूप से अपन बाल-बच्चा के भी प्रेम करऽ हे। येहिगुने जदि हमनी यीशु पर विश्वास करऽ ही, तऽ हमनी परमेश्वर से प्रेम करऽ ही, आउर येहिगुने हमनी के अपन साथी विश्वासियन से भी प्रेम करे के चाही।2जखनी हमनी परमेश्वर से प्रेम करऽ ही आउर ऊ करऽ ही जौन ऊ करे के आज्ञा देलन हे, तऽ हम सुनिश्चित हो सकली हे कि हमनी सचमुच में दोसरा से प्रेम करऽ ही जौन विश्वास करऽ हथन कि यीशु ही मसीह हथन।3हम अईसन येहिसे कह रहली हे काहेकि परमेश्वर से प्रेम करे के सचमुच में अर्थ ई हे कि हमनी ओही करऽ ही, जौन ऊ हमनी के करे के आज्ञा दे हथन। आउर जौन करे के आज्ञा ऊ हमनी के दे हथन ओकरा करे ला मुश्किल नऽ हे। 4एही चलते हे कि परमेश्वर के आज्ञा के पूरा करे ला हमनी ला मुश्किल नऽ हे। हमनी सभे जौन परमेश्वर से जनम लेली हे आउर परमेश्वर के आत्मिक बाल-बच्चा बन गेली हे, ऊ करे से इंकार करे में सक्षम हो गेली हे, जौन अविश्वासी हमनी से करे ला चाहऽ हथन। एगो कारण ई हे कि हम ऊ दुनियाँ से जादे शक्तिशाली ही जौन परमेश्वर के खिलाफ हे। अईसन येहिसे हे काहेकि हमनी यीशु पर विश्वास करऽ ही।5हम तोरा बतायेम कि दुनियाँ परमेश्वर के खिलाफ हे ओकरा से मजबूत कौन हे: ऊ ओही हे जौन ई विश्वास करऽ हे कि यीशु परमेश्वर के बेटा हथन।6यीशु मसीह ऊ हथन जौन परमेश्वर के तरफ से धरती पर अईलन, उनकर बपतिस्मा के जल आउर क्रूस पर उनकर मरे के खून के अनुभव कर रहलन हल। परमेश्वर देखईलन कि ऊ सच में यीशु के नऽ खाली जखनी यूहन्ना यीशु के बपतिस्मा देलन पानी में भेजलन हल, बलुक तखनी भी जखनी यीशु के लहू उनकर देह से बह रहल हल जखनी ऊ मर गेलन हल। आउर परमेश्वर के आत्मा सच्चाई से गवाही के घोषणा करऽ हथन कि यीशु मसीह ई काम करलन हल, काहेकि पवित्र आत्मा हमेशा सच कहऽ हे।7काहेकि गवाही देवे वाला तीनगो हथन।8ऊ तीन तरीका हे: परमेश्वर के आत्मा हमनी के का बतावऽ हथन, का होल जखनी यूहन्ना यीशु के पानी में बपतिस्मा देलन, आउर का होल जखनी यीशु के लहू बह गेल उनकर देह से जखनी ऊ क्रूस पर मर गेलन। ई सभे तीनो बात हमनी के एक्केगो गो बात बतावऽ हे, कि यीशु परमेश्वर के तरफ से अईलन हल। 9जखनी हमनी के कोई चीज के बारे में फईसला लेवे ला होवऽ हे तऽ लोग हमरा जौन गवाही दे हे ओकरा पर हम भरोसा करऽ ही। बाकि हम निश्चित रूप से ओकरा पर से जादे भरोसा कर सकली हे जौन परमेश्वर हमनी के गवाही बतावऽ हथन। येहिसे हम तोरा बतावऽ ही कि परमेश्वर हमनी के गवाही बतईलन हे कि उनकर बेटा कौन हथन।10सभे से पहिले, जबकि, हम ई कह देम कि जौन परमेश्वर के बेटा पर भरोसा करऽ हथन, ऊ पहिले से ही जानऽ हथन कि परमेश्वर उनकर बारे में जे कहऽ हथन ऊ सच हे। बाकि जौन परमेश्वर के कहल गेल ओकरा पर विश्वास नऽ करऽ हथन, ऊ ओकरा झूठा कहऽ हथन, काहेकि ओखनी ओकरा पर विश्वास करे से नकार देलन हे जौन परमेश्वर अपन बेटा के बारे में गवाही देलन हे।11अखनी ई गवाही हे जौन परमेश्वर हमनी के बतईलन हे उनकर बेटा कौन हथन: "हम तोरा हमेशा ला जिनगी देली हे, आउर हमर बेटा ऊ हथन जौन ई जिनगी के संभव बनावऽ हथन।"12जौन लोग परमेश्वर के बेटा यीशु के साथे जिनगी साझा करऽ हे, ऊ हमेशा लागी परमेश्वर के साथे रहे लगलन हे। जौन लोग परमेश्वर के बेटा के साथे जिनगी साझा नऽ करऽ हे, ऊ हमेशा ला जिये लागी शुरु नऽ करलन हे।13काहेकि हम चाहऽ ही कि तूँ ई जानऽ लऽ कि तूँ हमेशा जिन्दा रहवऽ, हम तोरा ई चिट्ठी लिखली हे। ई तोहनी ला हे जौन ई विश्वास करऽ हे कि यीशु नाम परमेश्वर के बेटा हथन।14हम ई भी चाहऽ ही कि तूँ ई जानऽ लऽ कि हम पूरा तरह से पक्का हो सकली हे कि जखनी हमनी उनकर इच्छा के मुताबिक प्रार्थना कर ही तऽ परमेश्वर ओही करे ला चाहऽ हथन जौन हम उनका से माँगऽ ही।15काहेकि हमनी जानऽ ही कि परमेश्वर से जौन कुछ हमनी उनका से माँग ही, ऊ हमरा देवे ला चाहऽ हथन जदि ऊ चाहऽ हथन, तऽ हमनी ई भी जानऽ ही कि जौन कुछ हम उनका से माँगऽ ही, ऊ परमेश्वर हमनी के दे ही रहलन हे।16उदाहरण ला, मान लऽ कि कोई अपन कोई साथी विश्वासी के ई तरह से पाप करते देखऽ हथन जौन ओकरा हमेशा लागी परमेश्वर से अलग नऽ करत। फिन ओकरा पाप करे वाला के दूबारा स्थापित करे लागी परमेश्वर से विनती करे के चाही। जदि ऊ अईसन करऽ हथन, तऽ परमेश्वर ऊ आदमी के अपना साथे आत्मिक जिनगी में वापस लईतन। जबकि, हम ई खाली ऊ सभे लोग के बारे में कह रहली हे, जौन ई तरह से पाप कर रहलन हे जौन उनका हमेशा लागी परमेश्वर से अलग नऽ करतन। अईसन पाप हे जेकरा चलते लोग परमेश्वर से हमेशा लागी अलग हो जा हथन। हम ई नऽ कह रहली हे कि तूँ ऊ लोग लागी प्रार्थना करऽ जे ई तरह से पाप कर रहलन हे।17सभे अन्यायपूर्ण काम जे लोग करऽ हथन ऊ पाप परमेश्वर के खिलाफ हे, बाकि कुछ पाप अईसन भी हे जौन कोई आदमी के परमेश्वर से हमेशा ला अलग नऽ करत।18हम जानऽ ही कि हर कोई जौन परमेश्वर के आत्मिक बेटा चाहे बेटी बन गेलन हे, ऊ लगातार पाप नऽ करऽ हे। एकर चलते, परमेश्वर के बेटा ऊ आदमी के रक्षा करऽ हथन जेकरा से शैतान, ऊ दुष्ट प्राणी, उनका नुकसान नऽ पहुँचावे।19हम जानऽ ही कि हमनी परमेश्वर के ही। हम ई भी जानऽ ही कि शैतान, ऊ दुष्ट प्राणी, ऊ दुनियाँ के लोग के नियंत्रण कर रहल हे जे अविश्वासी हथन।20हमनी ई भी जानऽ ही कि परमेश्वर के बेटा हमनी के बीच अईलन आउर हमनी के ई समझे ला संभव करलन हे कि का सच हे। ऊ अईसन येहिसे करलन जेकरा से हमनी सच्चा परमेश्वर के सही मायने में जान सकम। आउर हमनी सच्चा परमेश्वर के साथे जिनगी साझा कर रहली हे, माने कि, उनकर बेटा यीशु मसीह के साथे। यीशु सच में परमेश्वर हथन, आउर ओही हमनी के नया, हमेशा ला जिनगी दे हथन।21हम तूँ लोगवन से ई कहऽ ही, जे हमरा अपन बेटा के जईसन प्रिय हथन: "सावधान रहऽ, कि तूँ अपने आप के कोई भी चीज लागी कहियो नऽ दिहऽ जे कि एगो झूठा मूर्ति हथन।"
Bridge Connectivity Solutions Pvt. Ltd.