2 Corinthians12
1हमरा अपना बारे में बड़का-बड़का बात बोले के जरुरत हे। येहिगुने जबकि ई मदतगार तऽ नऽ हे, बाकि हम, ई बारे में बात करे के तरफ आगे बढ़ रहली हे कि कईसे प्रभु यीशु खास रूप से कुछ लोग पर ऊ बात के प्रकट करऽ हथन।2मसीह के पीछे चौदह साल पहिले, परमेश्वर एगो खास मसीह अादमी के स्वर्ग के तिसरका स्थान पर ले गेलन। हमरा ई बात के निश्चय नऽ हल कि परमेश्वर ओकर ऊहाँ शारीरिक रूप से ले गेलन हल, कि फिन सपना में ले गेलन हल, कि फिन आत्मिक रूप से ले गेलन हल। ई कईसे घटित होल ई बात के खाली परमेश्वर ही तय कर सकलन हे।3अखनी ऊ विशेष मसीह अादमी के बारे में हम तोहनी के आउर भी बात बतायेम। फिनो से हमरा निश्चय नऽ हे कि का परमेश्वर उनका स्वर्ग के तिसरका स्थान पर शारीरिक रूप से ले गेलन हल, कि सपना में ले गेलन हल, कि फिनो आत्मिक रूप से ले गेलन हल। ई कईसे घटित होल हल ई बात के खाली परमेश्वर ही तय कर सकलन हे।4परमेश्वर ऊ अादमी के स्वर्गलोक ले गेलन जे स्वर्ग के जगह में ले गेलन जे स्वर्ग के ऊ जगह में हे जहाँ मरलकन विश्वासियन रहऽ हथन। ऊहाँ पर ऊ अईसन अचरज बात सुनलन जेकरा ऊ कोई के सामने नऽ दोहरा सकलन हे।5हम अईसन अादमी के बारे में बड़का-बड़का बात कह सकली हे, काहेकि जौन अादमी के बारे में हम बात कर रहली हे ऊ हम ही जबकि, हम खाली एकर बारे में बड़का-बड़का बात कहम कि हम केतना कमजोर ही। 6सच में, मान लऽ कि हम अपन बारे में बड़का-बड़का बात बोले ला चाहऽ हली। येहिगुने हम सच बोल रहली हे, तईयो हम मूर्खतापूर्ण काम नऽ करम। जबकि, हम अपन बारे में बड़का-बड़का बात नऽ बोले के फईसला लेली हे। ऊ रीति से लोग जे हमरा कहतन आउर करते देखऽ हथन, तऽ ऊ खाली ओही जरिये हमर खासियत बता बता सकलन हे।7तऽ फिनो काहे परमेश्वर हमरा पर अईसन बड़का-बड़का बात प्रकट करलन हे येहिगुने हम घमण्डी नऽ हो जायेम, परमेश्वर हमरा हमर देह में दुःख उठावे देलन। विशेष रूप से, शैतान द्वारा भेजल गेल एगो दूत हमरा सतईलक। ऊ रीति से, हम घमण्डी नऽ बन जायेम। 8हमरा दुःख देवे ला बंद करे लागी हम प्रभु यीशु से तीन अलग-अलग बार विनती करली।9ऊ हमरा ई कह के जबाब देलन, जखनी हम दयालु होके तोरा प्रति काम करऽ ही, तऽ का तोरा बस खाली एतने चाही। सच में, जखनी लोग कमजोर होवऽ हथन तऽ हम ओखनी के पूरा रीति से सामर्थी बनावऽ ही। येहिगुने बड़ी खुश होके हम ई बारे में आउर भी बड़का-बड़का बात कहम कि हम केतना कमजोर ही। ओईसहीं, मसीह हमेशा हमरा सामर्थी रूप से काम करे के लायक बनईतन।10येहिगुने फिनो, जखनी हमरा जौरे बुरा बात घटित होवऽ हे तऽ हम खुश येहिगुने होवऽ ही, काहेकि हम मसीह के सेवा करऽ ही। एकरा में ई भी शामिल हे जखनी हम कमजोर होवऽ ही, जखनी लोग हमर बारे में बुरा बात कहऽ हे जखनी लोग हमरा चोट पहुँचावऽ हे, जखनी लोग हमरा सतावऽ हे, आउर जखनी हम संघर्ष करऽ ही। हम खुश येहिगुने होवऽ ही काहेकि, जखनी हम कमजोर होवऽ ही तऽ परमेश्वर हमरा मजबूत बनावऽ हथन।11हम मूर्खतापूर्ण रीति से बोलते अईली हे, जईसन करे लागी तोहनी हमरा मजबूर करलऽ हे। काहेकि तोहनी कहे ला चाहऽ हल कि हम भरोसेमंद ही, बाकि तूँ अईसन नऽ कह रहलऽ हे, येहिगुने तूँ हमरा मजबूर करलऽ हे। तोहनी के अईसन येहिगुने करे के चाही काहेकि हम भी ऊ लोग जेतना निमन ही, जे कहऽ हथन कि ऊ मसीह के प्रेरित सभे से बढ़ियाँ तरीका से करऽ हथन। भले ही हम एकदम निमन नऽ ही बाकि ई सच हे।12हम ऊ तरीका से काम करे में लगल रहली जे ई बात के साबित करऽ हे कि सचमुच में, हम ओही ही जेकरा मसीह अपन प्रेरित करे लागी भेजलन हल। हम सामर्थ से भरल चिन्ह आउर अचरज काम करली।13एकर अलावे, हम तोहनी जौरे अईसन बर्ताव नऽ करम कि तूँ विश्वासियन के कोई भी दोसर झुण्ड से कम खास होवऽ। हम तोहनी जौरे अलग तरीका से काम करली एकर खाली एगो ही तरीका हल कि हम तोहनी से पईसा माँग कर के तोहनी के परेशान नऽ करली। जदि ओईसन करे के सच में गलत हल, तऽ कृपा कर के हमरा अईसन अन्याय करे लागी क्षमा करऽ!14ई बात पर धियान दऽ! हम तिसरका बार तोहनी से मिले लागी आवे वाला ही। तईयो फिनो से, हम तोरा पईसा माँग के परेशान नऽ करम। अईसन येहिगुने हे काहेकि हम चाहऽ ही कि तोहनी हमरा पर आउर मसीह पर भरोसा रखऽ। जे चिजवन तोरा भीर हे ऊ हमरा नऽ चाही। सचमुच में, जबकि हम तोहनी के माय-बाप के जईसन ही, येहिगुने हमरा तोहनी लागी पईसा बचावे के हे। एकर अलावे, बाकि तोहनी हमर बेटा के जईसन हऽ, येहिगुने तोहनी हमरा लागी पईसा नऽ बचावे के हे।15हम तोहनी के आत्मावन के मदत करे लागी कुछ भी ढेर खुशी के साथे करम आउर ओकर अनुभव करम। जखनी हम तोरा पहिले के तुलना में आउर भी जादे प्रेम करऽ ही तऽ तोरा भी पहिले के तुलना हमरा से कम प्रेम करे के नऽ चाही।16फिनो, तूँ ई बात पर सहमत हो सकल हे कि हम पईसा माँग के तोहनी के जादे परेशान नऽ करली। जबकि, लगऽ हे हम एगो चतुर अादमी ही। आउर हो सकऽ हे कि हमरा पईसा देवे लागी हम कोई रीति से छल करली होत।17जबकि हम अईसन कोई अादमी के तोहनी भीर नऽ आवे देली, जे तोहनी के धोखा दे के हमरा लागी काम करलक होत।18उदाहरण लागी हम तीतुस से तोरा से मिले जाय लागी विनती करली, आउर हम एगो साथी विश्वासी के उनका जौरे जाय लागी भेजली। तूँ जानऽ हऽ कि तीतुस तोहनी के धोखा नऽ देलन। ऊ आउर हम एक ही आत्मा के द्वारा आउर एक ही रीति से जिनगी यापन करऽ ही आउर एक्केगो जईसे काम करऽ ही।19तोरा पता होवे के चाही कि हम ई बात काहेला कहली हे, एकर वजह तोहनी के ई समझे ला नऽ हे कि हम आउर हमरा जौरे सेवा करे वाला लोग भरोसेमंद हथन। बलुक, जिनका परमेश्वर मसीह जौरे एकजूट करलन हे, ओखनी के जईसन हम ओही बात कहऽ रहली हे जेकरा से परमेश्वर खुश होवऽ हथन बेशक, हे प्रिय साथी विश्वासियन जेकरा से हम प्रेम करऽ ही, हम जे कुछ भी कहऽ आउर करऽ ही, ओकरा में हमर मनसा उन्नति करे में तोहनी के सहायता करे के हे।20ई बात हम येहिगुने कहऽ ही काहेकि जखनी हम मिले लागी तोरा भीर आवऽ ही तऽ हमरा ई बात के डर हे कि कौन घटना होत। हमरा चिंता रहऽ हे कि हमरा पता चलत कि जईसन हम चाहऽ ही कि तूँ काम करऽ तूँ ओईसन काम नऽ कर रहलऽ हे आउर तोरा पता चलत कि जईसन तूँ चाहऽ हऽ कि हम काम करूँ हम ओईसन काम नऽ कर रहली हे। हमरा चिंता रहऽ हे कि तोहनी लोग एक दोसर से लड़ रहलऽ हे, एक दोसर से जलन कर रहलऽ होत, एक दोसर गोस्सा रहलऽ होत, एक दोसर के अधीन में करे के कोशिश कर रहलऽ होत। एक दोसर के बारे में बुरा-बुरा बात कह रहलऽ होत, दोसर के बारे में झूठा खिस्सा सुना रहलऽ होत, अपन बारे में बड़का-बड़का बात कह रहलऽ होत, चाहे एक दोसर के खिलाफ भीड़ के भड़का रहलऽ होत।21जखनी हम तिसरका बेरा तोरा भीर फिन से मिले ला आयेम तऽ कौची घटित होत ओकरा बारे में चिंता करऽ ही। हो सकऽ हे कि परमेश्वर हमरा तोहनी के बारे में लज्जित कर देतन। एकर अलावे, हो सकऽ हे कि हमरा केतना अईसन लोगवन के बारे में बड़ी दुःख होल हे जिनकनी बीतल समय में पाप के काम करलन हे, अशुद्ध काम, लुचपन, आउर व्यभिचार से पछतावा नऽ करलन।
Bridge Connectivity Solutions Pvt. Ltd.