2 Corinthians11
1हम चाहऽ ही जखनी हम कुछ अईसन बात कहऽ ही जे हमरा मूर्खतापूर्ण लगऽ हे, तऽ हमरा उम्मीद हे कि तूँ हमरा ला धीरज धरवऽ। हम जानऽ ही कि तूँ हमर ला में धीरज धरऽ हऽ!2हम मूर्खतापूर्ण बात येहिगुने कहम काहेकि हम तोहनी के रक्षा ओईसहीं करऽ ही जईसे परमेश्वर तोहनी के रक्षा करऽ हथन। सच में, जखनी हम तोरा शुभ सन्देश सुनईली, तऽ हम ऊ पिता के जईसन हली, जे एगो मरद के अपन शुद्ध कुँवारी बेटी के मेहरारू के रूप में तोरा देवे के वादा करलन हे। जईसे ई पिता चाहऽ हथन कि उनकर बेटी खाली एक्केगो मरद जौरे रहत, ओईसहीं हम चाहऽ ही कि तोहूँ जादे से जादे मसीह पर भरोसा रखऽ।3जबकि, हमरा डर हे कि कोई तोरा ओईसहीं धोखा देत जईसे साँप चलाकी से हव्वा के, मतलब कि पहिलकी औरत के धोखा देलक हल। हमरा डर हे कि अईसन अादमी तोरा जे मसीह के प्रति पूरा रीति से वफादार आउर पवित्रता से हे ऊ तरीका से बर्बाद कर देत जईसे तूँ सोचऽ हऽ। 4हम तोरा लागी येहिगुने डेरा ही काहेकि, हम जानऽ ही कि लोग तोरा भीर आके यीशु के बारे में बतावऽ हथन, बाकि ई ऊ यीशु नऽ हथन जेकर बारे में हम तोरा के बतईली हल। दोसरा लोग तोरा कोई आत्मा दे हथन, बाकि ई ऊ पवित्र आत्मा नऽ हे जे हम तोरा देली हल। दोसरा लोग तोरा पर शुभ संदेश के प्रचार करऽ हथन, बाकि ई ऊ शुभ संदेश नऽ हे जेकरा पर पहिले तोहनी विश्वास करलऽ हल। ओकर बावजूद, जखनी लोग तोरा ई बात के बारे में बतावऽ हथन तऽ तूँ बड़ी धीरज धरऽ हऽ।5हम चाहऽ ही कि तूँ ऊ बात पर विश्वास करऽ जे हम तोहनी के सभे पहिले बतईली हल काहेकि हमरा लगऽ हे कि मसीह हमरा जरिये ओतने काम करऽ हथन जेतना कि ऊ लोगवन के जरिये करऽ हथन, जे कहऽ हथन कि ऊ उनकर सभे से बढ़ियाँ बड़का से बड़का प्रेरित बनावऽ हथन। 6जबकि हम ठीक से बोले ला नऽ सिखली, ओकर बावजूद, हम ई जान लेली हे कि सच का हे। जखनी भी हम कुछ कहऽ चाहे करऽ ही तऽ हम तोरा देखावऽ ही कि ई सच हे।7तूँ जानऽ हऽ कि जखनी हम तोरा ला परमेश्वर से मिलल शुभ संदेश के प्रचार करे लागी हमरा कोई वेतन देवे ला नऽ कहलन, तऽ हम तोरा खिलाफ पाप नऽ करली। अईसन करे के, हम तोरा बड़ी बढ़ियाँ बनावे लागी अपने आप के बड़ी छोटा बनईली।8सच में, हमरा विश्वासियन के दोसरा कलीसिया से पईसा मिलल हे। हम उनकर पईसा येहिगुने लेली कि हम तोर सेवा कर सकम।9एकर अलावे, जखनी हम तोरा जौरे हली, तऽ हमरा भीर ऊ सभे कुछ नऽ हल जेकर हमरा जरुरत हल। जबकि हम पईसा माँगे के जरिये तोहनी में से केकरो परेशान नऽ करली। हम अईसन कर सकऽ हली काहेकि मकिदुनिया प्रान्त से हमरा जौरे यात्रा करे वालन हमर साथी विश्वासियन हमरा ऊ सभे कुछ देलन हल जेकरा हमरा जरुरत हल। सच में, हम हर हालत, अपना लागी पईसा माँग के तोरा नऽ तऽ परेशान करली हे आउर नऽ कहियो भी करम।10अखाया प्रान्त के कोई भाग में रहे वाला कोई भी अादमी एकरा बारे में कि हम तोरा परेशान नऽ करली हे, हमरा बड़का-बड़का बात कहे से रोक पावे के लायक नऽ होत। हम जे कह रहली हे ऊ ओतना ही सच हे जईसे कि मानऽ ऊ बात मसीह कह रहलन हे।11हम तोरा परेशान नऽ करे के हमर कारण ई नऽ हे कि हमरा तोर लागी प्रेम नऽ हे। परमेश्वर गवाही दे सकलन हे कि हमरा भीर तोर ला प्रेम रहऽ हे।12जबकि, हम तोरा परेशान नऽ करे ला चालू काहे रखम एकरा लागी हमर कारण एही हे। अईसे, हम कोई के भी ओकर खुद के बारे में अईसन बड़का-बड़का बात बोले से रोक सकली हे जईसे हम अपन बारे में बोलऽ ही। हम जानऽ हे कि कुछ लोग अईसन करे ला चाहऽ हे।13ऊ लोग सच में अईसन अादमी नऽ हे जेकरा मसीह अपन प्रतिनिधित्व करे लागी भेजलन हल। जे झूठा प्रेरित कहऽ हथन ओकरा से ओखनी लोग के धोखा देवऽ हथन, आउर ओखनी खाली मसीह के प्रतिनिधित्व करे के ढोंग कर सकलन हे।14ओकरा से हमनी के चौंके के नऽ चाही। शैतान भी एगो तेजोमय स्वर्गदूत होवे के ढोंग कर सकल हे।15येहिगुने फिन, हमनी के ई असरा करे के चाही कि जे लोग शैतान के सेवक बनऽ हे, ऊ लोगवन के धर्मी बने में मदत करे के ढोंग करत। ओखनी जे कुछ करलन हे, ओकर तुलना में परमेश्वर आखिर में ओही देतन जेकर ऊ लायक हे।16जे बात हम पहिले कहली हल हम ओकरे दोहरावऽ ही, हम नऽ चाहऽ ही कि कोई ई समझे कि हम मूरख ही। जबकि, जदि तूँ अईसन सोचऽ हऽ कि हम मूरख ही, तऽ तोरा कम से कम हमरा मूर्खता से भरल तरीका से काम करे के अनुमति देवे के चाही। ओही रीति से, हमहूँ अपन बारे में कुछ बड़का-बड़का बात बोल सकली हे।17बेधड़क हम जे कहे वाला ही, ऊ ई नऽ हे हम प्रभु यीशु के प्रतिनिधित्व करऽ ही तऽ हम कईसे बोलऽ ही। बलुक, जखनी ई साबित करऽ ही कि हम अपना बारे में बड़ा-बड़ा बात कह सकली हे तऽ हम मूर्खता से भरल बात करे वाला होवऽ ही।18ढेरमनी दोसरा लोग खाली इंसानी तरीका से अपना बारे में बड़का-बड़का बात कहऽ ही। येहिगुने हम, अपन बारे में बड़ी बड़का-बड़का बात कहम।19हमरा पता हे कि तूँ हमर बात सुनबऽ, काहेकि तूँ अपने आप के बुद्धिमान अादमी समझ हऽ, येहिगुने मूर्खता से भरल काम करे वाला दोसरा लोगवन के बारे में धीरज धरे में खुश होवऽ हऽ।20सच में, जखनी लोगवन तोरा जौरे दास जईसन बर्ताव करऽ हे तऽ तूँ धीरज धरऽ हऽ। ओखनी तोरा अपन बात माने लागी मजबूर करऽ सकलऽ हे। ओखनी तोहनी भीर जे कुछ हे ओकर इस्तेमाल करऽ सकलऽ हे। ओखनी तोरा धोखा दे सकल हे। ओखनी कह सकल हे कि ओखनी तोहनी से अच्छा हे। ओखनी तोहनी के अपमान कर सकल हे। जबकि, तूँ अभी ओखनी के बारे में धीरज धरऽ हऽ।21जदि शक्तिशाली लोगवन के तोहनी साथे व्यवहार करे के एही तरीका हे, तऽ हम मानऽ ही कि जखनी हम तोहनी जौरे हली ऊ घड़ी हम जईसन व्यवहार करली ओकरा से हम शर्मिन्दा ही आउर एकरा से ई साबित होवऽ हे कि हम कमजोर ही। दोसरका दने, दोसर लोगवन जे कुछ भी करे के हिम्मत करऽ हथन, ओकरा करे के हिम्मत हमहूँ कर सकली हे। बेशक हम ई बात खाली येहिगुने कहऽ ही काहेकि हम मूर्खतापूर्ण काम कर रहली हे।22ऊ लोगवन कहऽ हथन कि ओखनी इब्रानी बोले वाला यहूदी हथन, तऽ हमहूँ भी इब्रानी बोले वाला एगो यहूदी ही, ओखनी कहऽ हथन कि ओखनी इस्राएली हथन, तऽ हम भी एगो इस्राएली ही, ओखनी कहऽ हथन कि ओखनी इस्राएली हथन, तऽ हमहूँ एगो इस्राएली ही, ओखनी कह हथन कि ओखनी अब्राहम के वंशज हथन, तऽ हमहूँ अब्राहम के वंशज ही।23ओखनी कहऽ हथन कि ओखनी मसीह के सेवक हथन, तऽ हम आउर भी आगे बढ़ के मसीह के सेवा करऽ ही। बेशक हम एगो पागल अादमी के जईसन बात कर रहली हे। जबकि हम ओकर तुलना में कड़ा मेहनत करली। लोगवन ओकरा से जादे हमरा जेलखाना में डाललक। लोग हमरा बड़ी बार पिटलक। बड़ी बार लगभग हम मर ही गेली हल।24पाँच अलग-अलग बार यहूदी अगुवन हमरा केकरो से जादे 39 कोड़ा लगवईलक।25तीन अलग-अलग बार अगुवन केकरो से बार-बार डण्डा से पिटवईलक। एक बार लोगवन हमरा मार देवे लागी हमरा पर पत्थर फेंकलक। तीन अलग-अलग बार ऊ जहाज डूब गेल जेकरा में हम यात्रा कर रहली हल हम समुद्र के बीच 24 घंटा जिन्दा रहली हे।26हम हमेशा यात्रा करते रहऽ ही। हम खतरनाक जगह से होके गुजरऽ ही, जेकरा में नदी, कस्बा, रेगिस्तान, आउर महासागर शामिल हे। हमरा हमेशा अईसन लोग मिलऽ हे जे हमरा चोट पहुँचा सकलऽ हे, जेकरा में चोर यहूदी लोगवन, अन्यजाति लोग आउर साथी विश्वासी होवे के नाटक करे वाला लोग भी शामिल हे।27हम बड़ी कड़ा मेहनत करऽ ही। हम जादे सूत नऽ ले पावऽ ही। हमरा ही खाय चाहे पिये लागी जादे कुछ नऽ रहऽ हे। हम ज्यादातर भूखल नंगा आउर उपवास में रहऽ ही। कभी-कभी जाड़ा में ठिठुर जा ही आउर हमरा भीर जादे कपड़ा नऽ रहऽ हे।28बाकि सबकुछ के अलावे जे हम बता सकली हे हम सभे दिन विश्वासियन के सभे झुण्ड के बारे में चिंता के साथे विचार करऽ ही।29कौन कमजोर हे, आउर हम कमजोर नऽ ही कौन ठोकर खा हे, आउर हम गोस्सा नऽ होवऽ ही?।30हमरा अपन बारे में बड़का-बड़का बात बोले के जरुरत हे, बाकि हम ई बारे में बड़का-बड़का बात कहे के मनसा रखऽ ही कि हम केतना कमजोर ही।31हमनी सभे हमेशा लागी प्रभु यीशु के परमेश्वर आउर पिता के बड़ाई करम। ओही ई बात के गवाही दे सकलन हे कि हम जे कह रहली हे ऊ सच हे।32जखनी हम दमिश्क नगर में हली, तऽ राजा अरितास के सेवा करे वाला स्थानीय हाकिम के सिपाही हमरा पकड़े लागी नगर में हमर खोज कर रहल हल।33जबकि, साथी विश्वासियन ऊ स्थानीय हाकिम से दूर जाय में हमर मदत करलन। एगो बड़का टोकरी में ओखनी हमरा बईठा के ओकरा रस्सी से बाँध देलन, आउर ओकरा शहरपनाह के एगो खिड़की से नीचे लटका देलन।
Bridge Connectivity Solutions Pvt. Ltd.