1 Timothy5
1कोई अईसन आदमी से कड़ा होके बात नऽ करऽ, जे से बूढ़ा हथन। एकर जगह पर, उनका अईसे समझावऽ जईसे कि ऊ तोर बाबूजी हथन। छोटकन के अईसे समझावऽ जईसे कि ऊ तोर भाई हे। 2जौन तोरा से बड़ा हे ऊ औरत के अईसे समझावऽ जईसे कि ऊ तोर माय हे। जवान लड़कियन के अईसे समझावऽ जईसे कि ओखनी तोर बहिन हे। जखनी तूँ ई सभे कुछ करिहऽ, तऽ तोरा अईसन वर्ताव करे के चाही जौन पूरा तौर से सही हे।3तय करऽ कि मंडली सभे विधवा के देख-रेख करऽ हे, जेकरा भीर सचमुच में ओखनी के देख-रेख करे वाला कोई नऽ हे।4बाकि कोई विधवा के बेटा चाहे पोता हे, तऽ ई बेटा आउर पोता के सभे से पहिले ई सिखावे के चाही कि ओकरा ओकर अपन परिवार के देख भाल करे ला हे। अईसे कर के ऊ अपन माय-बाप आउर दादा-दादी के ऊ चीज के बदला चुका सकल हे, जेकरा ऊ ओखनी के जवान होवे तक करलन हल, काहेकि अईसन करे से परमेश्वर खुश होवऽ हथन।5एगो विधवा, जौन सच में अकेले हे आउर ओकरा भीर जरुरी काम ला मदत करे वाला कोई नऽ हे, उम्मीद करऽ हे कि परमेश्वर उनकर मदत करतन। येहिसे ऊ लगातार प्रार्थना करऽ हे, आउर ईमानदारी से परमेश्वर के उनकर मदत करे लागी कहऽ हे। 6बाकि एगो विधवा, जे खाली अईसन जिनगी बितावऽ हे जईसे कि अपने आप के खुश करे वाला हे, तऽ आत्मिक रूप से मरल हे, भले ही ऊ अखनियो भी शारीरिक रूप से जिन्दा हे।7ई बात के भी शिक्षा दऽ, कि कोई ई बात नऽ कह पावे कि विश्वासी खराब बर्ताव कर रहलन हे।8बाकि जदि कोई भी अपन रिश्तेदार, आउर खास रूप से अपन घर में रहे वाला परिवार लोग के देख भाल नऽ करऽ हे, तऽ ऊ उनका नकार देलक हे जिनका में हम विश्वास करऽ ही। ऊ ऊ अविश्वासी से भी बुरा हे जौन मसीह में विश्वास नऽ करऽ हे।9एगो विधवा के नाम सभे जवान विधवा के सूचि में जोर दिहऽ, जदि ऊ कम से कम साठ साल के हे। जे अपन पति के प्रति विश्वासयोग्य रहलन हे।10लोग ओकर बारे में गवाही कि ऊ अच्छा काम करलन हे। उनका बतावे के चाही कि ऊ अपन बाल-बच्चा के पालन-पोषण बढ़ियाँ ढंग से करलन हे, कि ऊ अनजान के स्वागत करलन, कि ऊ विनम्र होके पवित्र विश्वासियन के सेवा करलन हे, कि ऊ लोग के मदत करलन हे जौन दुःख उठा रहलन हल, आउर ई कि ऊ सभे तरह के बढ़ियाँ काम करे लागी उत्सुक हल।11बाकि जवान विधवा के सूचि में जवान विधवा के नऽ जोड़ऽ। जखनी ऊ ओखनी बड़ी सुख विलास के महसूस करऽ हथन, तऽ ऊ खाली मसीह के प्रति समर्पित होवे ला अपन मन के बदल लेत आउर ऊ फिनो से वियाह करे लागी चाहत।12जखनी ऊ अईसन करऽ हे तब ऊ, विधवा रहे के अपन पहिलका विश्वास के तोड़े के तरफ वापस जाय के दोषी बन जा हे।13बाकि भले ही ऊ अपन पहिलका वादा नऽ तोड़ऽ हे ऊ कुछ भी काम नऽ करे के चलते आलसी हो जा हे। ऊ एगो घर से दोसरा घर में जा हे, कुछो नऽ करऽ हे, खाली लोग के बारे में बकवास के बात करऽ हे आउर दोसरा लोग के मामला में दखल डालऽ हे। ऊ अईसन बात बोलऽ हे जौन ओकरा नऽ बोले के चाही।14येहिगुने, कलीसिया द्वारा जवान विधवावन के सच्चा विधवावन के सूचि में शामिल करे के बजाय, हम चाहऽ ही कि जवान विधवावन फिन से वियाह करतन आउर बच्चा पैदा करतन। ई औरतियन के अपन घर के अच्छा प्रबंधन करे के चाही। अईसे ओखनी शैतान, के ओखनी पर गलत काम करे के आरोप लगावे के मौका नऽ देतन।15हम ई बात येहिसे लिखऽ ही काहेकि कुछ जवान विधवा पहिले से ही मसीह के आज्ञा के पालन करे ला बंद कर चुकल हे आउर एकर बदले शैतान के आज्ञा के पालन कर रहल हे।16जदि कोई भी विश्वास करे वाली औरत भीर ओकर रिश्तेदार के बीच में विधवा हे, तऽ ओखनी के उनकर मदत करे के चाही। अईसे कर के, विश्वासियन के झुण्ड के जादे विधवा के देख भाल करे के लायक नऽ होवे पड़त, जेतना कि ऊ एकर लायक हे। विश्वासी लोग के झुण्ड तब जवान विधवा के मदत करे के काबिल होत जेकरा भीर देख भाल करे लागी परिवार के कोई सदस्य नऽ हे।17विश्वासी के ऊ कलीसिया में प्राचीन के आदर आउर सम्मान देवे के चाही जौन ओखनी के अगुवाई निमन ढंग से करऽ हथन, आउर खास तौर से ऊ बुजुर्ग के, जौन उपदेश आउर शिक्षा देवे में कड़ा मेहनत करऽ हथन।18हम जानऽ ही कि ई सही हे काहेकि हम पवित्रशास्त्र में ई पढ़ऽ ही, कि मूसा लिखलन हे। जखनी एगो बैल फसल के दमाही कर रहल हे, तऽ तोरा ओकर मुँह नऽ बाँधे के चाही जेकरा से कि ऊ अनाज खा सकत, आउर हम ई भी जानऽ ही ई सही हे काहेकि यीशु कहलन, "लोग के ओखनी के मेहनत के फल मिले के चाही जौन ओकरा लागी काम कर रहलन हे।" 19खाली ऊ आदमी के सुनऽ जौन एगो प्राचीन पर गलत काम करे के आरोप लगावऽ हे ओकर बात तऽ सुनिहऽ, जदि दूगो चाहे तीन गो आदमी एकर बारे में गवाही दे हे। 20जखनी तूँ आराधना करे लागी जमा होवऽ हऽ, तऽ ऊ लोग के सुधारऽ जौन सभे के सामने पाप करऽ हे, जेकरा से बाकि लोग पाप करे से डरतन।21परमेश्वर आउर मसीह यीशु आउर परमेश्वर के चुनल स्वर्गीय सेवकवन के साथे जौन हमरा देख रहलन हे आउर हमर बात सुन रहलन हे, हम तोरा से खाली ऊ आदेश के पालन करे लागी ईमानदारी से कहऽ ही जौन हम तोरा हाल-फिलहाल देली हे। हर विषय के बिना भेद भाव के इंसाफ करिहऽ आउर एगो आदमी के तुलना में दोसर के साथे भेदभाव नऽ करिहऽ।22केकरो मण्डली के अगुवा के रूप में नियुक्त करे के भागी नऽ बनिहऽ। जदि ऊ पाप करऽ हे, तऽ तूँ एकरा लागी आंशिक रूप से जिम्मेवार होवऽ हे। तोरा अपने आप के निर्दोष के रखे पड़त।23हे तीमुथियुस! अब खाली पानी के ही पावे वाला नऽ रहऽ। एकर जगह पर, अपन बार-बार पेट के गड़बड़ी आउर बेमारी से चंगाई पावे ला तनिसा दाखमधु भी पियल करिहऽ।24जब कुछ लोग पाप करऽ हे, तऽ सभे कोई ओकर बारे में जानऽ हथन कि आउर आसानी से ओकर न्याय कर सकलन हे। बाकि जब दोसर आदमी पाप करऽ हे, तऽ कोई भी एकर बारे में देर तक नऽ जानऽ हे25ठीक ओईसहीं, सभे कोई ज्यादातर ऊ बढ़ियाँ चीज के बारे में जानऽ हथन जेकरा लोग कहऽ हे। बाकि जखनी लोग छिपल रूप से अच्छा काम करऽ हथन, तऽ हर कोई ओकरा बाद में पता लगा ले हे।
Bridge Connectivity Solutions Pvt. Ltd.