1 Timothy4
1अब परमेश्वर के पवित्र आत्मा हमरा साफ तौर से बतावऽ हे कि आवे वाला समय में कुछ लोग यीशु के बारे में सही सुसमाचार पर विश्वास करे लागी बंद कर देतन। एकर जगह पर, ओखनी भरमावे वाला आत्मा आउर दुष्टात्मा के सुनतन जौन लोग के धोखा देवऽ हे, आउर झूठा शिक्षा के जेकरा ई बुरा आत्मा लोग सिखावऽ हे।2ई सभे ऊ झूठा शिक्षक के पाखण्ड के चलते होत, जिनकर विवेक जईसे जलते लोहा से दागल गेल हे।3ऊ लोगवन के वियाह करे से रोकऽ हे। ऊ ओखनी के बतावऽ हे कि ओखनी के कुछ खास किसीम के भोजन नऽ करे के चाही। बाकि परमेश्वर ऊ भोजन के कुछ अईसन बनईलन, जेकरा हम उनका से पा सकऽ ही। आउर ओकरा लागी धन्यवाद कर सकली हे। ऊ एकरा हमनी लागी बनईलन, जौन उनका पर विश्वास करऽ हथन आउर जौन जानऽ हथन कि सच का हे। 4परमेश्वर जे कुछ बनईलन हे ऊ बढ़ियाँ हे। कोई भी तरह के भोजन खायेल जा सकल हे, जदि हमनी एकरा लागी परमेश्वर के धन्यवाद दे ही, जखनी हमनी एकरा खा ही।5जखनी हमनी परमेश्वर से प्रार्थना करऽ ही आउर विश्वास करऽ ही कि ऊ का कहलन, कि ऊ जौन कुछ भी बनईलन हे ऊ पवित्र हल, तऽ हमनी जौन भोजन खा ही ऊ उनका लागी कबूल करे के लायक हे।6जदि तूँ अपन साथी विश्वासियन के ई बात सिखईते रहवऽ, तऽ तूँ यीशु मसीह के अच्छा सेवक बन पईवऽ। तूँ आत्मिक रीति से मजबूत बन जईवऽ काहेकि तूँ ऊ सच्चा सुसमाचार के पालन करऽ हऽ, जेकरा में हमनी सभे विश्वास करऽ ही। ऊ सच्चा सुसमाचार ई हे अच्छा शिक्षा, जेकरा तूँ पालन कर रहलऽ हे।7बाकि बेकार, मूर्खतापूर्ण कथा कहानी से कोई मतलब नऽ रखिहऽ। एकर जगह पर, खुद के ऊ काम करे लागी प्रशिक्षित करऽ जे परमेश्वर के खुश करऽ हे।8काहेकि देह के कसरत करे से, कम समय लागी फईदा हे, बाकि भक्ति सभे चिजवन लागी फायदेमंद हे, काहेकि वर्तमान जिनगी आउर आवे वाला जिनगी के ला भी प्रतिज्ञा करल गेल हे।9सभे के ई बात पर विश्वास करे के चाही आउर एकरा पूरा तरह से कबूल करे के चाही।10ई कारण से हम बड़ी जादे कड़ा मेहनत करऽ ही, उतना जादे कि जेतना हमनी कर सकली हे, काहेकि हम पूरा निश्चय के साथे उम्मीद करऽ ही कि जिन्दा परमेश्वर ऊ बात के करतन जेकरा ऊ वादा करलन हे। ऊ पूरा मानव जाति के उद्धारकर्ता हथन, जबकि खास तौर से ऊ लोगवन के उद्धारकर्ता हथन जौन विश्वास करऽ हे।11ई शिक्षा के आज्ञा दऽ आउर ई बात के सिखईते रहऽ।12कोई ई बात नऽ कह पावे कि तोर कोई मोल नऽ हे काहेकि तूँ जवान हऽ। एकर जगह पर, दोसरा विश्वासियन के देखा दऽ कि कईसन जिनगी जिये के हे। उनका ई देखावऽ कि तूँ कईसे बोलऽ हऽ, तूँ कईसे व्यवहार करऽ हऽ, तूँ दोसरा से कईसे प्रेम करऽ हऽ, परमेश्वर पर तोर भरोसा कईसन हे, आउर कईसे तूँ खुद के कामुकता से शुद्ध रखऽ हऽ।13जखनी तक हम तोहनी भीर वापस नऽ आवऽ ही, तखनी तक परमेश्वर के वचन के पढ़ते रहऽ विश्वासियन लागी जखनी तूँ एक साथे जमा होवऽ हऽ एकर शिक्षा देते रहऽ विश्वासियन के आउर विनती करते रहऽ ओखनी के एकर पालन करे लागी तय करऽ।14ऊ वरदान के इस्तेमाल करे ला फईसला लऽ जौन तोरा भीर हे, जेकरा परमेश्वर तोरा तब देलन हल जखनी पुरनिया तोरा पर हाथ धईलन हल आउर बतईलन हल कि परमेश्वर तोरा बारे में ओखनी से का कहलन हे।15ऊ सभे बात के करे लागी तय करऽ, जौन हम तोरा करे लागी कहली हे! ओकरा पर धियान केन्द्रित करऽ ताकि हर कोई ई देख सकतन कि तूँ ऊ यीशु के चेला के जईसन कईसे सुधार रहलऽ हे।16खुद के बड़ी जादे होशियारी से काबू में रखऽ आउर ऊ बात से जेकरा तूँ शिक्षा दे हऽ। ई काम के करते रहऽ, काहेकि परमेश्वर नऽ खाली तोरा बाकि ऊ लोगवन के बचावे लागी उनकर इस्तेमाल कर रहलन हे जे तोर बात सुनऽ हथन।
Bridge Connectivity Solutions Pvt. Ltd.