1 Timothy3
1सभे के ई कहनाम पर भरोसा करे के चाही "जदि कोई विश्वासियन के अगुवा बने के इच्छा रखऽ हथन, तऽ ऊ एगो भला काम करे के इच्छा रखऽ हथन।"2काहेकि ई वजह से, एगो अध्यक्ष के विश्वासियन में से एगो अईसन आदमी होवे के चाही जेकरा पर कोई कईसनो बुराई के दोष नऽ लगा सकत। ओकरा अपन मेहरारू के प्रति वफादार होवे के चाही। ओकरा जादे कुछो नऽ करे के चाही। ओकरा बुद्धिमानी से सोचे के चाही। ओकरा अच्छा बर्ताव करे के चाही। आउर ओकरा अतिथि के सेवा करे के चाही। ओकरा दोसर के सिखावे के लायक होवे के चाही।3ओकरा एगो पियक्कड़ नऽ होवे के चाही आउर झगड़ा करे में जल्दीबाजी नऽ करे के चाही। एकर जगह पर, ओकरा कोमल होवे के चाही आउर झगड़ालू नऽ होवे के चाही। ओकरा धन के लोभ नऽ करे के चाही।4ओकरा अपन परिवार के बढ़ियाँ ढंग से अगुवाई करे के चाही आउर ओकर देख भाल करे के चाही। ओकर बाल-बच्चा के ओकर कहना माने के चाही आउर ओकरा पूरा इज्जत करे के चाही,5आखिरकार, जदि केकरो नऽ पता हे कि ओकरा कईसे बढ़ियाँ ढंग से अगुवाई करे ला हे आउर लोगवन के देख भाल बढ़ियाँ ढंग से करे ला हे जौन ओकर अपन घर में रहऽ हे, तऽ ऊ जरुर परमेश्वर के कलीसिया के देख भाल नऽ कर सकल हे!6एगो नया विश्वासी के सभे विश्वासियन के अगुवा होवे लागी नियुक्त नऽ करिहऽ, काहेकि ऊ घमण्डी हो सकल हे। तब परमेश्वर ओही ढंग से ओकर न्याय करतन जौन ढंग से ऊ शैतान के न्याय करलन हल।7विश्वासियन में एगो अगुवा के प्रतिष्ठा अईसन होवे के चाही कि गैर-विश्वासी भी ओकर लागी अच्छा बात बोलतन। तखनी लोग ओकर बारे में बुरा बात नऽ बोलतन, आउर शैतान ओकरा बाँध नऽ पावत, ठीक ओईसहीं जईसे एगो जानवर के फन्दा में फँसा ले हे।8ठीक ओईसहीं, जौन लोग के अगुवन के सहायता लागी सेवक के नियुक्त करल गेल हे अईसन लोग होवे के चाही जौन मातदिल हे। जखनी ऊ बोलऽ हे तऽ ओकरा ईमानदार होवे के चाही। उनका बड़ी जादे दाखमधु नऽ पिये के चाही, आउर ओकरा में धन के पावे के जादे चाहत नऽ होवे के चाही।9पर विश्वास के भेद के शुद्ध विवेक से सुरक्षित रखऽ10आउर पहिले ओकरा परखल जाय, तऽ जदि ऊ निर्दोष होवे तऽ सेवा कर सकल हे।11ओईसहीं ओखनी के औरतियन के भी विश्वासयोग्य होवे के चाही, आउर ओखनी लोगवन के बारे में निन्दक बात नऽ बोले के चाही। आउर ओकरा सभे बात में संयम बरते के चाही, ओकरा अपन सभे ऊ काम के प्रति वफादार होवे के चाही जेकरा ऊ करऽ हे।12एगो सेवक के अपन मेहरारू के प्रति वफादार होवे के चाही, आउर उनका अपन बाल-बच्चा आउर अपन घर के बाकि लोग के बढ़ियाँ ढंग से अगुवाई करे के चाही आउर ओखनी के देख भाल करे के चाही।13लोग अईसन सेवक के इज्जत करतन जौन बढ़ियाँ सेवा करऽ हे, आउर ई सेवक मसीह यीशु के बारे में जे विश्वास करऽ हथन, ओकरा बड़ी हिम्मत से बोल पईतन।14हमरा उम्मीद हे कि हम तुरन्त तोरा भीर आयेम, बाकि हम अखनी ई निर्देश के लिखऽ ही15कि जदि हम तुरन्त नऽ आ पावऽ ही, तऽ हम चाहऽ ही कि तूँ जान लऽ कि विश्वासी लोग के परमेश्वर के परिवार में कईसे बर्ताव करे के चाही, जौन ऊ सभे लोग के झुण्ड हे जौन यीशु पर विश्वास करऽ हथन आउर जिन्दा परमेश्वर से घर के खम्भा हे। ई कलीसिया के लोग सच्चा संदेश के समर्थन करऽ हथन।16अखनी सभे कोई के ई बात पर सहमत होवे के चाही कि परमेश्वर हमनी के साथे जौन सच्चाई परकट करलन हे, ऊ अनोखा हे: मसीह परमेश्वर हलन जौन मानवीय देह में ई दुनियाँ में अईलन हल। पवित्र आत्मा साबित कर देलन कि ऊ सच्चाई हलन। परमेश्वर के दूत उनका देखलन। विश्वासियन प्रचार करलन कि ऊ दुनियाँ के देश लागी कौन हलन। दुनियाँ भर के केतना जगह के लोग उनका पर विश्वास करलन। परमेश्वर उनका प्रभावशाली ढंग से महिमा में ऊपरे अपन लागी स्वर्ग में उठा लेलन।
Bridge Connectivity Solutions Pvt. Ltd.