1 Thessalonians4
1येहिगुने आखिर में हे भईवन, हम प्रभु यीशु में तोरा से विनती करऽ ही आउर समझावऽ ही, कि जईसन तूँ हमरा से ई बारे में ग्रहण करलऽ, कि तोहनी ला योग्य चाल चलऽ आउर परमेश्वर के खुश करे ला केतना जरुरत हे जईसन कि तूँ चलऽ भी हऽ, जेकरा से तूँ आउर भी बढ़ते जा।2काहेकि तूँ जानऽ हऽ कि हम प्रभु यीशु के द्वारा तोरा कौन आज्ञा देली हे।3काहेकि तोर पवित्रीकरण, ई परमेश्वर के इच्छा हे तोरा यौन व्यभिचार से दूर रखऽ;4कि तोरा में से हर एगो जन ई जान लऽ कि पवित्रता आउर आदर के साथे ऊ अपन पात्र के अधिकारी हथन,5वासना के ललसा में नऽ ठीक ओईसे ही जईसन अन्यजातियन भी कर हथन जे परमेश्वर के नऽ जानऽ हथन;6कि कोई जन ई मामला में अपन भाई के उल्लंघन आउर शोषण नऽ करतन, काहेकि प्रभु ई सभे बात के बदला लेवे वाला हथन, जईसन कि हमहूँ तोरा पहिले से चेतौनी आउर गवाही देली हल। 7काहेकि परमेश्वर हमरा अशुद्धता ला नऽ, बाकि पवित्रता में बोलईलन हे।8येहिगुने जे आदमी एकरा इंकार करऽ हथन, ऊ आदमी के नऽ, बाकि परमेश्वर के इंकार करऽ हथन जे अपन पवित्र आत्मा तोरा प्रदान करऽ हथन।9बाकि भाईचारा के प्रेम के बारे में हमरा तोरा लिखे के कोई जरुरत नऽ, काहेकि तोरा एक दोसर से प्रेम करे ला परमेश्वर के द्वारा सिखावल गेल हे। 10काहेकि सही में तूँ समूचे मकिदुनिया प्रान्त में रहे वाला सभे भईवन से अईसन ही कर हऽ। बाकि हे भईवन, हम तोरा समझावऽ ही कि अईसन आउर भी अधिक करऽ11आउर शान्ति से जिनगी बिता के आउर अपन खुद के कामवन के करे के, आउर अपन हाथ से कम करे के प्रयास करऽ, जईसन हम तोरा आज्ञा देली हल12आउर तूँ ऊ बाहर वाला के सामने सही रीति से चल सकऽ आउर कोई चीज के आवश्यकता में नऽ पड़ऽ।13अखनी हे भईवन, हम नऽ चाहऽ ही कि तूँ ऊ विषय में बेखबर रहऽ जे सुतल हथन, आउर जेकरा से तूँ औरो के तरह शोक नऽ करऽ, जेकरा आशा नऽ।14काहेकि जदि हम विश्वास करऽ ही, कि यीशु मरलन आउर फिन जिन्दा होलन, तऽ परमेश्वर उनका भी ओकरे साथे ले जईतन जे यीशु के द्वारा सूत गेलन हे।15काहेकि हम तोरा से प्रभु के वचन के द्वारा ई कहऽ ही, कि हम जे जीवित ही, जे प्रभु के आगमन ला पीछे रह गेलन हे, पक्का रूप से उनका पहिले नऽ जईतन जे मर गेलन हे।16काहेकि प्रभु खुद ललकारते होतन, प्रधान दूत के आवाज आउर परमेश्वर के तुरही के साथे, स्वर्ग से उतरतन, आउर जे मसीह में मरल हथन, ओखनी पहिले जी उठतन।17तऽ हम जे जीवित ही, जे पीछे रह गेलन हे, उनका साथे बादलवन पर उठा ले जईतन, कि हवा में प्रभु से मिलतन, आउर ई रीति से हम हमेशा प्रभु के साथे रहम।18येहिगुने, ई वचन से एक दोसर के तसल्ली दऽ।
Bridge Connectivity Solutions Pvt. Ltd.