1 Thessalonians2
1काहेकि हे भईवन, तूँ खुद ही जानऽ हऽ कि हमरा तोहनी पास आवेला बेकार नऽ रहल।2बाकि जईसन कि तूँ जान हऽ, कि पहिले फिलिप्पी शहर में दुःख सहे आउर लज्जापूर्वक व्यवहार झेले के बाद, हम तोरा बड़का संघर्ष में परमेश्वर के सुसमाचार के बतावे ला हम अपन परमेश्वर में होके हिम्मतगर हली।3काहेकि हमर प्रोत्साहन नऽ तऽ भूल से, आउर नऽ अशुद्धता से, आउर नऽ छल से हल,4बाकि जे तरह परमेश्वर के द्वारा हमनी के सुसमाचार सौंपल जाय ला परखल गेल हे, येहिगुने हम आदमियन के नऽ, बाकि परमेश्वर के खुश करे ला बोलते ही, ऊ जे हमनी के हृदय परखऽ हथन। 5काहेकि जईसन कि तूँ जानऽ हऽ ऊ घड़ी हम नऽ तऽ चापलूस के वचन के साथे, आउर नऽ कोई लालच के बहाना के साथे अईली परमेश्वर गवाह हथन6आउर नऽ आदमियन दने से आदर के खोज कि नऽ तोरा से, नऽ आउर कोई से,7मसीह के प्रेरितवन के रूप में बोझ बने में सक्षम होवे पर भी; बाकि जईसन कोई माता अपन खुद के बेटवन के तसल्ली दे हथन, हम भी तोर बीच में छोटका बालक बन गेली।8तोरा ला ई तरह दुलार रखऽ ही, हमरा तोरा नऽ खाली परमेश्वर के सुसमाचार, बाकि अपन आत्मा भी देवे में भी खुशी होल। काहेकि तूँ हमर प्यारा हो गेलऽ हल।9काहेकि हे भईवन, तूँ हमर मजदूरी आउर कड़ा मेहनत के याद रखऽ हऽ, कि रात आउर दिन काम करते हम तोरा पर परमेश्वर के सुसमाचार प्रचार करली, जेकरा से तोहनी में से कोई पर बोझ नऽ पड़त।10तूँ गवाह हऽ आउर ओईसने ही परमेश्वर भी हथन, कि तूँ विश्वास करे वाला के ओर हम केतना पवित्र, आउर धर्मी आउर बेकसूर बन गेली,11जईसन कि तूँ जानऽ हऽ कि जईसन एगो पिता अपन के बेटवन के साथे, ओईसने ही हम तोहनी में से हर एगो के साथ करऽ ही,12तोरा उपदेश देवऽ ही आउर तोरा उत्साहित करऽ ही आउर तोरा परमेश्वर के योग्य चाल-चलन के बारे में गवाही दे ही, जे तोहनी के अपन राज आउर महिमा में बोला रहलन हे।13आउर ई कारण से, हम हमेशा परमेश्वर के धन्यवाद भी करऽ ही, कि परमेश्वर के वचन के हमरा से सुन के ग्रहण कर के, तूँ नऽ एकरा आदमी के वचन जईसन नऽ, बाकि जईसन ऊ सच हथन ओईसन ही स्वीकार करली, परमेश्वर के ऊ वचन जे तोहनी विश्वास करे वाला में भी काम करऽ हे।14काहेकि हे भईवन, तूँ परमेश्वर के ऊ कलीसिया के अनुशरण करे वाला बनऽ जे मसीह यीशु में यहूदिया प्रान्त में खरा हथन, काहेकि ई बात में जईसन ओखनी भी यहूदियन के दने से, ओईसन ही तूँ भी अपन देशवासियन के दने से दुःख उठईलऽ,15ओखनी प्रभु यीशु आउर भविष्यद्वक्तावन दूनो के मार डाललन, आउर हमरा भी सतईलन आउर परमेश्वर उनका से खुश नऽ हथन आउर ओखनी सभे आदमियन से बैर रख हथन,16आउर हमरा अन्यजातियन से बात करे से मना कर हथन जेकरा से ओखनी उद्धार पा सकलन, कि हमेशा अपन पाप से भरल रहतन। बाकि ऊपर क्रोध अन्त तक आ पहुँचलऽ हे।17बाकि हे भईवन, हम तोरा से एक घंटा के समय ला चेहरा के द्वारा अलग करल गेल, हृदय में नऽ, आउर बड़ी अभिलाषा में, तोहनी के चेहरा के देखे ला अति उत्सुक हो गेली हे।18काहेकि हम सही में हम, पौलुस, एक बार आउर दू बार तोहनी पास आवे के अभिलाषा के बाकि शैतान हमरा रोक देलक।19काहेकि हमर आशा चाहे आनन्द चाहे घमण्ड के मुकुट का हे? चाहे का ई हमर प्रभु यीशु के सामने ओकर वापसी पर तूँ नऽ हऽ?20तोर चलते, हम परमेश्वर के महिमा करऽ ही आउर आनन्द मनावऽ ही!
Bridge Connectivity Solutions Pvt. Ltd.