1 John4
1प्रिय दोस्त, बड़ी मनी लोग हथन जिनका भीर एगो झूठा समाचार हे, ऊ सभे ई दोसरा के सिखा रहलन हे। येहिसे हर एक गुरु पर विश्वास नऽ करतन। एकर बजाय, गौर से जाँचऽ कि सभे गुरु का कहऽ हथन आउर तय करऽ कि का ई परमेश्वर के आत्मा से अईलन हे चाहे कोई दोसरा दुनियाँ के आत्मा से।2हम तोरा बतायेम कि कईसे पता लगावल जाय कि कोई आदमी सच के शिक्षा दे रहलन हे जौन परमेश्वर के आत्मा से आवऽ हे चाहे जदि ऊ नऽ हे। जौन लोग ई बात के जाँच-परख करऽ हे कि यीशु मसीह देह परमेश्वर के दने से अईलन आउर हमनी जईसन इंसान बन गेलन, ऊ एगो समाचार सिखा रहलन हे जौन परमेश्वर के दने से हे।3बाकि जौन आत्मा ई बात के जाँच परख नऽ करऽ हे कि यीशु एगो सच्चा इंसान बन गेलन ऊ परमेश्वर के सन्देश नऽ सिखा रहलन हे। ऊ सभे गुरु हथन जौन मसीह के विरोध करऽ हथन। तूँ सुनलऽ हे कि अईसन लोग आ रहलन होत हमनी के बीच। अखनी भी ऊ पहिले से ही जगत में हथन।4तूँ जौन हमर एतना प्यारा हऽ जईसन हमर अपन बाल बच्चा हऽ, तूँ परमेश्वर के हऽ, आउर परमेश्वर तोरा में हथन जौन मौजूदा दुनियाँ से बड़ा हे, आउर तूँ ओखनी सभे के शिक्षा के ठुकरा देलऽ हे। तूँ अईसन येहिसे करलऽ हे काहेकि परमेश्वर, जौन तोरा ऊ करे में सक्षम बनावऽ हथन जौन ऊ चाहऽ हथन, शैतान से जादे शक्तिशाली हथन, जौन हर कोई के प्रेरित करऽ हथन जौन परमेश्वर के आदर नऽ कर हथन।5जौन लोग दुनियाँ के शिक्षा दे हथन, ओखनी सोचऽ हथन आउर अईसन जिनगी जियऽ हथन जौन परमेश्वर के आदर नऽ करऽ हे। येहिसे ऊ जौन कहऽ हथन ऊ भी परमेश्वर के आदर नऽ करऽ हे, आउर येहिगुने दुनियाँ के लोग जे परमेश्वर के आदर नऽ करऽ हथन, ऊ जौन कहऽ हथन झूठा भविष्यद्वक्ता पर विश्वास करऽ हथन।6जहाँ तक हम बात हे, परमेश्वर हमरा भेजलन हे जौन कोई भी परमेश्वर के साथे रिश्ता में रहऽ हे ऊ हमर शिक्षा पर विश्वास करऽ हे आउर ओकर पालन करऽ हे। जौन कोई परमेश्वर के साथे सम्बन्ध में नऽ रहऽ हे, हम जौन शिक्षा दे ही ओकरा पर नऽ तऽ विश्वास करऽ हे आउर नऽ ही ओकरा पालन करऽ हे। ई फरक हमनी के ऊ लोग के बीच में फरक करे में सक्षम बनावऽ हे जौन परमेश्वर के आत्मा से सच्चा सन्देश सिखावऽ हथन आउर जे लोग शैतान से झूठा सन्देश सिखावऽ हे।7प्रिय दोस्त, हमनी के एक दोसर से प्रेम करे के चाही, ई ओही हे जौन परमेश्वर हमनी ला चाहऽ हथन, आउर ई येहिसे हे काहेकि ऊ हमनी से प्रेम करऽ हथन जेकरा से हम दोसरा से प्रेम करऽ सकली हे। जौन लोग अपन साथी विश्वासियन से प्रेम करऽ हथन, ऊ परमेश्वर के आत्मिक बेटा बन गेलन हे आउर उनका साथे सम्बन्ध में रह रहलन हे।8परमेश्वर के स्वभाव लोग से प्रेम करे के हे। येहिसे जौन कोई दोसर से प्रेम नऽ करऽ हे ऊ परमेश्वर के साथे रिश्ता में नऽ रह रहलन हे।9हम तोरा बतायेम कि कईसे परमेश्वर हमनी के देखईलन हे कि ऊ हमनी से सच्चा प्रेम करऽ हथन। ऊ अपन एकलौता बेटा के ई दुनियाँ में भेजलन ताकि उनकर बेटा हमनी के अनन्तकाल तक जिये ला सक्षम करतन काहेकि ऊ हमनी ला का करलन।10हम तोरा बतायेम कि प्रेम करे के सच में का मतलब होवऽ हे। परमेश्वर से प्रेम करे ला हमर कोशिश ई परिभाषित नऽ करऽ हे कि कोई से प्रेम करे के का माने कि हे। नऽ, खुद परमेश्वर हमनी से एतना प्रेम कर के अईसन करलन कि ऊ अपन बेटा के बलिदान के रूप में भेज देलन, हमनी के जगह पर। जब यीशु अईसन करलन, तऽ परमेश्वर ऊ लोग के पापवन के मांफ कर सकलन हल जे यीशु पर विश्वास करऽ हथन, बजाय ओखनी के दण्डित करे के।11प्रिय दोस्तवन, ऊ बखत से परमेश्वर हमनी से ई तरह से प्रेम करऽ हथन, हमनी के पक्का एक दोसरा से प्रेम करे के चाही!12परमेश्वर के कहियो कोई नऽ देखलन। तईयो हमनी एक दोसरा से प्रेम करऽ ही, तऽ हमनी देख सकली हे कि परमेश्वर हमनी के भीतर रहऽ हथन आउर ऊ ओही हथन जे हमनी के एक दोसरा से प्रेम करे में सक्षम बनावऽ हथन, जईसन कि ऊ हमनी से करे के इरादा करलन हल।13ई तरह से हम निफिकिर हो सकली हे कि हमनी परमेश्वर के साथे सहभागिता कर रहली हे आउर परमेश्वर हमनी के साथे सहभागिता कर रहलन हे: ऊ अपन आत्मा हमनी के भीतर रखलन हे।14हमनी प्रेरितवन परमेश्वर के बेटा यीशु के धरती पर देखली हे, आउर हमनी दोसरा के गवाही बतावऽ ही कि पिता उनका दुनियाँ में लोग के उद्धार करे लागी भेजलन हल, ताकि ओखनी के पापवन लागी अनन्तकाल तक पीड़ित होवे से बचत।15येहिसे परमेश्वर ओखनी के साथे लगातार सहभागिता रखऽ हथन जौन यीशु के बारे में सच कहऽ हथन। ऊ कहऽ हथन, "ऊ परमेश्वर के बेटा हथन।" आउर येहिसे ऊ परमेश्वर के साथे लगातार सहभागिता रखऽ हथन।16हम अनुभव करली हे कि परमेश्वर हमनी से कईसे प्रेम करऽ हथन आउर हमरा विश्वास हे कि ऊ हमनी से प्रेम करऽ हथन। काहेकि परमेश्वर के स्वभाव लोग से प्रेम करे के हे, जौन दोसरा से लगातार प्रेम रखऽ हथन ऊ परमेश्वर के साथे सहभागिता रखऽ हथन, आउर परमेश्वर उनका साथे सहभागिता रखऽ हथन।17जखनी हमनी परमेश्वर के साथे जिनगी साझा करे ला जारी रखऽ ही, तऽ परमेश्वर हमनी से प्रेम करे के अपन मकसद के जान लेलन हे। जेकर नतीजा, जखनी परमेश्वर के न्याय करे के समय आवत, तऽ हमनी के विश्वास होत कि ऊ हमनी के शिकायत नऽ करतन। अईसन येहिसे हे काहेकि हमनी ई दुनियाँ में दोसरा से ओईसहीं प्रेम करऽ ही जईसन हमनी रहऽ ही ठीक ओईसहीं जईसे यीशु करऽ हथन। 18जदि हम उनका से सच्चा प्रेम करऽ ही तऽ हम परमेश्वर से नऽ डरम, काहेकि जौन लोग परमेश्वर से पूरा तरह से प्रेम करऽ हथन, ऊ उनका से डर नऽ सकतन। हम तबहिये डरम जखनी हम सोचम कि ऊ हमनी के दंड देतन। तऽ जौन लोग परमेश्वर से डरऽ हथन ऊ पूरा तरह से नऽ समझ पईलन हे कि ऊ उनका से केतना प्रेम कर हथन, आउर ऊ पूरा तरह से परमेश्वर से प्रेम नऽ कर रहलन हे।19हमनी परमेश्वर आउर अपन साथी विश्वासियन से प्रेम करऽ ही काहेकि परमेश्वर पहिले हमनी से प्रेम करलन।20लोग झूठ बोल रहलन हे जदि ऊ कहऽ हथन कि ऊ परमेश्वर से प्रेम करऽ हथन बाकि ऊ एगो साथी विश्वासी से घिन करऽ हथन। आखिरकार, हमनी अपन साथी विश्वासियन के देख सकली हे। बाकि हम परमेश्वर के नऽ देखली हे। येहिगुने जौन लोग अपन एगो साथी विश्वासी से प्रेम नऽ करतन, ऊ पक्का ही परमेश्वर से प्रेम नऽ कर सकतन, काहेकि जिनका देख सकली हे ओकरा से प्रेम करे ला ओकरा से कहीं जादे आसान हे, जेकरा तूँ नऽ देख सकवऽ।21धियान रखऽ परमेश्वर हमनी के ई आज्ञा देलन हे: जदि हमनी उनका से प्रेम कर ही, तऽ हमनी के अपन साथी विश्वासियन से भी प्रेम करे के चाही।
Bridge Connectivity Solutions Pvt. Ltd.