1 John3
1एकर बारे में सोचऽ कि हमनी के पिता परमेश्वर हमनी से केतना प्रेम करऽ हथन! ऊ कहऽ हथन कि हम उनकर बाल बच्चा ही। आत्मिक रूप से, ई सच में सच हे। येही चलते दुनियाँ हमरा नऽ जानऽ हे, बाकि जौन लोग अविश्वासी हे ऊ सभे ई नऽ समझ पईलन हे कि परमेश्वर कौन हथन। अईसन येहिसे हे काहेकि ऊ सभे ई समझ नऽ पईलन हे कि परमेश्वर कौन हथन, आउर हमनी ओकरा पालन ओईसहीं करऽ ही जईसे लईकवन अपन माय-बाप के पालन करऽ हे।2प्रिय दोस्त, भले वर्तमान में हमनी परमेश्वर के आत्मिक बाल-बच्चा ही, बाकि ऊ हमरा अखनी ला ई नऽ देखईलन हे कि हम भविष्य में का होयेम। जबकि, हमनी जानऽ ही कि जखनी यीशु वापस अईतन, तऽ हमनी उनके समान हो जायेम, काहेकि हमनी उनका आमने सामने देखम।3येहिसे ओखनी सभे जौन हिम्मत के साथे यीशु मसीह के आमने-सामने देखे के आशा रखऽ हे, खुद के पाप करे से शुद्ध रखऽ हथन, ठीक ओईसहीं जईसे खुद यीशु, जौन कहियो पाप नऽ करऽ हथन।4बाकि ऊ सभे जौन लगातार पाप करते रहऽ हे ऊ परमेश्वर के नियम के पालन से इंकार कर रहलन हे, काहेकि परमेश्वर के नियम के माने से इंकार करे ला, येही अधर्म हे।5तूँ जानऽ हऽ कि यीशु मसीह हमनी के अपन पापवन से मुक्त करे लागी अईलन। तूँ ई भी जानऽ हऽ कि मसीह खुद कहियो पाप नऽ करलन। 6जौन लोग यीशु मसीह के साथे जिनगी साझा करऽ हथन ऊ सभे लगातार पाप नऽ करते रहऽ हथन बाकि ओखनी सभे जौन लगातार पाप करऽ हथन, ई नऽ समझ पईलन हे कि यीशु कौन हथन आउर ऊ सचमुच में उनका से परिचित नऽ हथन।7येहिसे हम तोरा से जौन हमर बड़ी प्रेमी हऽ, निवेदन करऽ ही कि तोरा कोई भी धोखा नऽ दे पईतन, तोरा ई बता के कि पाप करे ला ठीक हे। जदि तूँ धरम के काम करते रहवऽ जौन सही हे, तऽ ऊ परमेश्वर के जईसन धर्मी लगतन, जईसे यीशु हमेशा ओही करऽ हथन जौन परमेश्वर के अच्छा लगऽ हे।8बाकि जौन कोई भी लगातार पाप करते रहऽ हे शैतान के जईसन वर्ताव कर रहलन हे, काहेकि जहिया से दुनियाँ शुरु होल हे, शैतान हमेशा से पाप करते आ रहल हे। परमेश्वर के बेटा आदमी बने के चलते शैतान के ई काम के पहिले जईसन करे ला हल जेकरा से लोग लगातार पाप करते रहतन।9जौन लोग लगातार पाप नऽ करते रहऽ हथन जदि ऊ परमेश्वर के आत्मिक संतान बन जा हथन काहेकि परमेश्वर ओखनी के अपना जईसन बने ला बनईलन हे। ऊ सभे रोजदिन पाप नऽ कर सकलन हे, काहेकि परमेश्वर ओखनी के अपन आत्मिक बाल-बच्चा बनईलन हे। 10जौन लोग परमेश्वर से सम्बन्ध रखऽ हे ऊ धार्मिकता से काम करऽ हथन ऊ सभे साफ तौर से ओखनी से अलग हथन जौन शैतान से सम्बन्ध रखऽ हथन। ऊ जौन सही हे नऽ करऽ हे परमेश्वर से सम्बन्ध नऽ रखऽ हथन। जौन अपने साथी विश्वासियन से प्रेम नऽ करऽ हथन, ऊ परमेश्वर से सम्बन्ध नऽ रखऽ हथन।11तोरा ई जाने के चाही काहेकि जहिया से तूँ यीशु पर विश्वास करलऽ, तऽ तूँ जौन समाचार के प्रचार के शुरुआत सुनलऽ ऊ ई हे कि हमनी के एक दोसरा के साथे प्रेम करे के चाही।12हमनी सभे के दोसरा से बैर नऽ रखे के चाही जईसन कि आदम के बेटा कैन करलन हल। ऊ, ऊ दुष्ट आदमी शैतान, के हल। कैन अपन छोटका भाई हाबिल के मार देलक। हम तोरा बतायेम कि ऊ अईसन काहे करलक। अईसन येहिसे हल काहेकि कैन बुरा तरह से वर्ताव करलक हल, आउर ऊ अपन छोटका भाई से नफरत करऽ हल काहेकि ओकर छोटका भाई धार्मिकता से वर्ताव करलक हल। 13येहिगुने, हमर साथी विश्वासियन, जखनी दुनियाँ तोरा से नफरत करऽ हे तऽ तोरा अचरज नऽ होवे के चाही।14हमनी अपन साथी विश्वासियन से प्रेम करऽ ही, आउर ई हमरा विश्वास दिलावऽ हे कि परमेश्वर हमनी के आत्मिक रूप से जिन्दा करलन हे। बाकि जदि कोई दोसर विश्वासियन से प्रेम नऽ करऽ हे, तऽ ऊ आत्मिक रूप से मरल हे।15जौन कोई अपन साथी विश्वासियन से बैर रखऽ हे, ऊ हत्या करे के समान ही बुरा काम कर रहलन हे। आउर तूँ जानऽ हऽ, जदि कोई दोसरा आदमी के हत्या करऽ हे, ऊ, हमेशा ला ओकरा में जिनगी नऽ हे जौन तरह से परमेश्वर हमनी के जिये दे हथन।16यीशु अपने इच्छा से हमनी लागी मर के अपन जिनगी देलन आउर हमनी के सिखईलन कि कईसे प्रेम करे ला हे। ऊ हमरा देखईलन हे कि कईसे अपन साथी विश्वासियन से सच्चा प्रेम करे ला हे। अपना तरफ से, हमरा अपन साथी विश्वासियन लागी बड़ी कुछ करे के चाही, ईहाँ तक कि उनका ला मर भी जाय के चाही।17हमनी में से ढेर लोग भीर ई दुनियाँ में जिनगी लागी जरुरी चिजवन हे। बाकि मान लऽ कि हम ई बात के जान जा ही कि एगो साथी विश्वासी भीर ऊ नऽ हे जेकरा उनका जरुरत हे। आउर मान लऽ कि हम उनका देवे से मना कर दे ही। तब हम उनका से ऊ तरह से प्रेम नऽ कर रहली हे जईसे परमेश्वर हमनी के लोग से प्रेम करे ला सिखईलन हे। 18तूँ हमर ओईसहीं प्रिय हऽ जईसे कि तूँ हमरा अपन बेटा हऽ, हमनी खाली ई नऽ कहऽ ही कि हमनी एक दोसरा से प्रेम करऽ ही। आवऽ हमनी एक-दोसरा से सच्चा प्रेम करीयई कि एक दोसरा के मदत कर के।19एकरा से हम जान लेम कि हम सच्चाई से ही, आउर परमेश्वर के सामने अपन मन के विश्वास कर सकम।20कि जदि हमर मन हमरा दोषी ठहरावऽ हे, तऽ परमेश्वर हमर मन से बड़ा हथन, आउर सभे कुछ जानऽ हथन।21प्रिय दोस्त, जदि हमनी के मन हमनी पर पाप करे के आरोप नऽ लगाव हे, तऽ हम निफिकिर होके परमेश्वर से प्रार्थना कर सकली हे।22हमनी जान जा ही कि जखनी हमनी विश्वास के साथे परमेश्वर से प्रार्थना करऽ ही आउर जौन कुछ माँगऽ ही, तऽ परमेश्वर हमनी के दे हथन। हम ई तरह से पूरा हिम्मत के साथे प्रार्थना करऽ ही काहेकि जौन लोग उनकर हथन, हमनी ओही करऽ ही जौन ऊ हमरा करे ला आज्ञा दे हथन आउर हम ओही करऽ ही जौन उनका पसन्द हे।23हम तोरा बतायेम कि परमेश्वर हमनी के का करे के आज्ञा देलन हे। हमनी के यीशु मसीह के नाम उनकर बेटा पर विश्वास करे के चाही। हमनी के एक दोसरा से भी प्रेम करे के चाही जईसन परमेश्वर हमनी के अईसन करे के आज्ञा देलन हे।24जौन परमेश्वर के आज्ञा के पालन करऽ हे ऊ सभे परमेश्वर के साथे जिनगी साझा करऽ हथन, आउर परमेश्वर उनका साथे-साथे जिनगी साझा करऽ हथन। हम तोरा बतावऽ ही कि हमनी कईसे सुनिश्चित हो सकली हे कि परमेश्वर हमनी के साथे जिनगी साझा करऽ हथन। हमनी एकर बारे में निश्चित हो सकली हे काहेकि हमनी भीर परमेश्वर के आत्मा हे, जेकरा ऊ हमनी के देलन हे।
Bridge Connectivity Solutions Pvt. Ltd.