1 John2
1तूँ हमरा ओही तरह से प्यारा हऽ जईसे कि तूँ हमर अपन बेटा हऽ। येहिसे, हम तोरा पाप करे से दूर रखे लागी ई संदेश लिख रहली हे। बाकि तोहनी में जदि कोई पाप करऽ हे, याद रहे कि धर्मी यीशु मसीह, हमर मदतगार पिता से विनती करऽ हथन आउर हमनी के मांफ करे लागी उनका से प्रार्थना करतन2यीशु ऊ हथन जौन हमनी लागी अपन जिनगी बलिदान कर देलन जेकरा से परमेश्वर हमनी के पाप के मांफ कर देतन। आउर ई सच खाली हमनी के पाप लागी नऽ हे, बाकि सभे दुनियाँ के पाप लागी हे जौन सभे लोग हर जगह करलन हे!3जदि हम ऊ परमेश्वर के आज्ञा के मानऽ ही जौन परमेश्वर हमरा से करे लागी कहलन हे, तऽ हम तय कर सकली हे कि हम परमेश्वर के साथे गहरा सम्बन्ध में ही।4जदि कोई कहऽ हे, "हम परमेश्वर के साथे गहरा सम्बन्ध में जी रहली हे" बाकि जौन आज्ञा परमेश्वर देलन हे ऊ आदमी ओकर पालन नऽ करऽ हे, तऽ ऊ एगो झूठा हे। ऊ परमेश्वर के सच्चा समाचार के मुताबिक अपन जिनगी नऽ जी रहलन हे।5बाकि जदि कोई उनकर आज्ञा के पालन करतन जौन परमेश्वर करे ला कहलन हे, तऽ ऊ आदमी सभे तरह से सच में परमेश्वर से प्रेम रखऽ हे। ई तरह से हम तय कर सकली हे कि हमर परमेश्वर के साथे गहरा सम्बन्ध हे।6जदि कोई कहऽ हे कि ऊ परमेश्वर के साथे गहरा सम्बन्ध में बनल हे, तऽ ओकरा अपन जिनगी यीशु के जईसन जिये के चाही जखनी ऊ ईहाँ धरती पर हलन।7प्रिय दोस्त, हम तोरा कोई नया आज्ञा नऽ लिख रहली हे। एकर बदले में, हम तोरा कुछ अईसन करे लागी बोलके लिख रहली हे जेकरा तूँ जानऽ हऽ कि तोरा करे के चाही जौन तोरा तहिया पता चलल हल जहिया तोरा पहिला बार यीशु में विश्वास करलऽ हल। ई ऊ समाचार के भाग हे जेकरा तूँ हमेशा से उनका बारे में सुनलऽ हे।8जबकि, दोसरा तरीका से देखवऽ तऽ, हम सच में तोरा कोई नया आज्ञा माने ला कह रहली हे। ई नया हे काहेकि मसीह जौन करलन ऊ नया हल, आउर जौन तूँ कर रहल हे ऊ नया हे। काहेकि मसीह जौन करलन हल, आउर जौन तूँ कर रहलऽ हे ऊ नया हे। अईसन येहिसे हे काहेकि तूँ बुराई करे ला बंद कर रहलऽ हे आउर तूँ जादे से जादे भलाई कर रहलऽ हे। ई अईसन हे जईसे तूँ एगो अंधार जगह से बाहरे आ गेलऽ हे आउर परमेश्वर के साथे इंजोर में रहे ला शुरु कर देलऽ हे।9जदि कोई कहऽ हे कि ऊ ओही कर रहलन हे जौन परमेश्वर चाहऽ हलन। ई परमेश्वर के इंजोर में रहे के जईसन हे। बाकि ऊ अपन कोई भी साथी भाई चाहे बहिन विश्वासी से घिन करऽ हे, तऽ ऊ अभी भी ओही करऽ रहलन हे जौन परमेश्वर नऽ चाहऽ हथन, ई ऊ आदमी के जईसन हे जौन अंधार में जिनगी बितावऽ हे।10बाकि जदि कोई अपन साथी विश्वासियन से प्रेम करऽ हे, तऽ ऊ सच में ओही कर रहलन हे जौन परमेश्वर चाहऽ हथन, ऊ, ऊ आदमी के जईसन हे जौन परमेश्वर दने से आवे वाला इंजोर में जिनगी बितावऽ हे। उनका भीर बुराई करे के कोई भी कारण नऽ होत जईसन ऊ तबहिये करतन जदि ऊ अपन साथी विश्वासियन से घिन करतन। ई ऊ आदमी के जईसन हे जौन दिन के इंजोर में ठोकर खाय के कारण नऽ होतन।11बाकि जौन कोई अपन साथी विश्वासियन से घिन करतन, ऊ पूरा तरह से गलत तरीका से जी रहलन हे। उनका समझ नऽ आवऽ हे कि उनका कईसे जीये के चाही, काहेकि ऊ जौन गलत काम कर रहलन हे, ऊ ओकरा परमेश्वर के राह के समझे से रोक रहल हे। अईसन लगऽ हे जईसे ऊ अंधार में चल रहलन हे, आउर नऽ देख सकतन कि कहाँ जायला हे।12हम तोरा लिख रहली हे, जेकरा हम प्रेम करऽ ही जईसे कि तूँ हमर अपन बेटा हऽ, काहेकि यीशु मसीह तोहनी ला जौन कुछ करलन हे, उनकर नाम के चलते परमेश्वर तोर पापवन के मांफ कर देलन हे। 13हम तोरा भी लिख रहली हे जौन दोसरो से जादे समय से विश्वासी रहलऽ हे। हम तोरा येहिसे लिख रहली हे काहेकि तोर यीशु के साथे, जौन हमेशा जिन्दा रहलन हे, एगो गहरा सम्बन्ध हे। हम तोरा नया बाकि मजबूत विश्वासियन लागी लिख रहली हे काहेकि शैतान, ऊ दुष्ट प्राणी तोरा गलत करे लागी लोभावे के कोशिश अईलक हे, बाकि तूँ ओकरा सफल तरीका से विरोध करलऽ हे। 14हम तोरा लिख रहली हे, जेकरा हम प्रेम करऽ ही जईसे कि तूँ हमर अपन बेटा हऽ, काहेकि परमेश्वर पिता के साथे तोर गहरा सम्बन्ध हे। हम तोरा लिखली हे जौन दोसरा के तुलना में जादे समय तक विश्वासी रहलन हे काहेकि तोर यीशु जौन हमेशा जिन्दा रहलन हे, यीशु के साथे गहरा सम्बन्ध हे। हम तोरा नया बाकि मजबूत विश्वासी लोग लागी लिखली हे काहेकि तूँ आत्मिक रूप से मजबूत हऽ। हम तोरा येहिसे लिखली हे काहेकि तूँ परमेश्वर के आज्ञा के पालन करे ला जारी रखले हऽ, आउर काहेकि तूँ शैतान, ऊ दुष्ट प्राणी के सफल तरीका से विरोध करलन हे जखनी ऊ तोरा गलत करे लागी ललचावे के कोशिश अईलक हल।15दुनियाँ के लोग के जईसन वर्ताव नऽ करऽ जौन लोग परमेश्वर के आदर नऽ करऽ हे। दुनियाँ के चीज के इच्छा नऽ करऽ जौन ऊ चाहऽ हे। जदि कोई ओखनी लोग के जईसन वर्ताव करऽ हे, ऊ ई साबित कर रहलन हे कि ऊ पिता परमेश्वर से प्रेम नऽ करऽ हथन।16काहेकि के कुछ संसार में हे, मतलब देह के अभिलाषा, आउर आँख के अभिलाषा आउर जीविका के घमण्ड, ऊ पिता के ओर से नऽ, बाकि संसार ही के ओर से हे। 17जौन दुनियाँ के लोग परमेश्वर के आदर नऽ करऽ हे, ऊ सभे चिजवन के साथे, जेकर ऊ इच्छा करऽ हे, गायब हो जायेत। बाकि जौन लोग ऊ करऽ हे, जे कि परमेश्वर चाहऽ हथन ऊ हमेशा जिन्दा रहतन!18हम तोरा लिख रहली हे, जेकरा हम प्रेम करऽ ही जईसे कि तूँ हमर अपन बालक हऽ, हम चाहऽ ही कि तूँ ई जान लऽ ई समय यीशु के धरती पर लौटे से ठीक पहिले के हे। तूँ पहिले सुन चुकलऽ हे कि एगो आदमी आ रहलन हे जौन मसीह के कड़ा विरोध करतन। सच में, अईसन बड़ी सा लोग, जौन सच्चा मसीह के विरोध में हे, पहिले से ईहाँ हथन। एही चलते, हम जानऽ ही कि ई ऊ समय हे।19अईसन लोग जौन मसीह के विरोध करऽ हे हमर सभा में रहे से इंकार कर देलन हे। जबकि, ऊ सच में हमरा साथे कहियो नऽ हलन। फिनो, जदि ऊ सभे हमरा साथे होतन हल, तऽ ऊ हमरा नऽ छोड़तन हल। बाकि जबकि ओखनी हमरा छोड़ देलन, तऽ हम साफ तौर से देखली कि ऊ सभे सच में हमरा साथे कहियो शामिल नऽ होलन हल।20बाकि तोरा लागी मसीह जौन पवित्र हथन, ऊ तोरा अपन पवित्र आत्मा देलन हे। जेकर नतीजा, तोहनी सभे सच जानऽ हऽ।21हम तोरा ई चिट्ठी येहिसे नऽ लिख रहली हे काहेकि तूँ ऊ सभे सच बात के नऽ जानऽ हऽ जौन परमेश्वर हमरा बतईलन हे बलुक येहिसे कि तूँ उनका जानऽ हऽ। तूँ हरेक ऊ झूठ के पछाने आउर इंकार करे लागी भी भरपूर जानऽ हऽ जौन सच बात में से एक्कोगो नऽ हे परमेश्वर हमरा बतईलन हे।22सभे से बुरा, झूठा ऊ हे जौन ई बात से मना करऽ हे कि यीशु ही मसीह हथन। जौन अईसन करऽ हथन ऊ सभे मसीह के विरोध हे। ऊ पिता परमेश्वर आउर उनकर बेटा यीशु दूनो में विश्वास करे से मना कर रहलन हे।23ऊ जौन ई माने से मना करऽ हथन कि यीशु मसीह परमेश्वर के बेटा हथन, ऊ कोई भी तरह से पिता परमेश्वर के साथे सहभागी नऽ हे। बाकि ऊ जौन ई कबूल करऽ हे कि यीशु परमेश्वर के बेटा हथन, ऊ पिता परमेश्वर के साथे सहभागी हो गेलन हे।24ईहाँ तोरा का करे के चाही, ओखनी सभे के उल्टा जौन यीशु के इंकार करऽ हे। तोरा यीशु मसीह के बारे में सच्चाई के साथे विश्वास करे ला आउर जीये ला जारी रखे के चाही जेकरा तूँ पहिला बार सुनलऽ हल। जदि तूँ यीशु मसीह के बारे में सच्चाई के साथे विश्वास करे ला आउर जीये ला जारी रखऽ हऽ तऽ तूँ लगातार पिता परमेश्वर आउर बेटा यीशु के साथे जिनगी साझा करते रहवऽ।25आउर परमेश्वर हमरा से जौन प्रतिज्ञा करलन हे ऊ ई हे कि मसीह हमरा में हमेशा ला जिन्दा रहे लागी सक्षम करतन!26हम तोरा ई चिट्ठी ऊ लोग के बारे में चितौनी देवे लागी लिख रहली हे जौन तोरा यीशु के बारे में धोखा देवे ला चाहऽ हे।27ईहाँ तोरा ऊ लोग के बारे में जौन तोरा धोखा देवे के कोशिश कर रहलन हे अईसन करे के चाही। परमेश्वर के आत्मा, जिनका तूँ यीशु से पईलऽ हल, तोरा में हमेशा रहऽ हथन। येहिसे तोरा नऽ चाही कि कोई आउर तोहनी के शिक्षक होतन। परमेश्वर के आत्मा तोरा ऊ सभे कुछ सिखा रहलन हे जौन तोरा जाने ला जरुरी हे। ऊ हमेशा सच सिखावऽ हथन, आउर कहियो भी कुछ भी झूठ नऽ कहऽ हथन। येहिसे ऊ तरह से जीयऽ जौन ऊ तोरा सिखईलन हे, आउर यीशु के साथे बनल रहऽ आउर जिनगी साझा करते रहऽ। 28अखनी, हमर प्रिय, हम तोरा से निवेदन करऽ ही कि लगातार यीशु के साथे जिनगी साझा करऽ हऽ। ई तरह, जखनी ऊ फिन से वापस अईतन तऽ हमरा पक्का विश्वास होत कि ऊ हमरा कबूल कर लेतन जदि हम अईसन करऽ ही, जखनी ऊ लौटतन, तऽ हमरा उनका सामने खड़ा होवे में शर्म नऽ लगत।29जबकि तूँ जानऽ हऽ कि परमेश्वर हमेशा ओही करऽ हथन जौन सही हे, तूँ जानऽ हऽ कि ऊ सभे जौन लगातार ओही कर रहलन हे जौन सही हे ऊ जौन परमेश्वर के धर्मी बेटा बन गेलन हे।
Bridge Connectivity Solutions Pvt. Ltd.