1 John1
1हम, यूहन्ना, तोरा यीशु के बारे में लिख रहली हे, परमेश्वर के वचन, ऊ जौन जिनगी देलन। एकरा से पहिले सृष्टि के शुरुआत होल हल ऊ अस्तित्व में हल। हमनी प्रेरित उनका धियान से सुनली जईसन ऊ लोग के सिखईलन हल। हमनी उनका व्यक्तिगत रूप से देखली। हमनी उनका देखली आउर उनका छूली। जेकरा से हमनी गवाही दे सकम कि ऊ एगो सच में आदमी हलन। 2काहेकि ऊ जिनगी ईहाँ धरती पर अईलन आउर हम उनका देखली, हम साफ तौर से तोरा से उनकर गवाही दे रहली हे। ऊ जौन हमेशा से अस्तित्व में हलन, जौन अपन पिता के साथे स्वर्ग में हलन, ईहाँ हमनी भीर अईलन।3हम चाहऽ ही कि तूँ हमनी साथे सहभागी हो जा, हम ओकर घोषणा कर रहली हे कि जौन हम यीशु से देखली आउर सुनली हे। जदि तूँ ओकरा पर विश्वास करऽ हऽ, तऽ तूँ उनका साथे जिनगी साझा करवऽ, जौन तरह से हम परमेश्वर हमर पिता के साथे आउर उनकर बेटा यीशु मसीह के साथे करऽ ही।4हम तोरा ई सभे बात के बारे में येहिसे लिख रहली हे जेकरा से तूँ ई जान सकऽ कि ई सच हे, आउर ई एगो प्रतिफल के जईसन होत हम पूरा तौर तरह से एक साथे खुश होयेम।5जौन संदेश हमनी यीशु मसीह से सुनली हे आउर तोरा सुना रहली हे ऊ ई हे: परमेश्वर हमेशा ओही करऽ हथन जौन सही हे आउर ऊ कहियो, कभी भी कुछ गलत नऽ करऽ हथन। ऊ, ऊ ज्योति के समान हथन जेकरा में जला सा भी अंधार नऽ हे।6जदि हमनी कहऽ ही कि हम परमेश्वर के साथे जिनगी साझा करऽ ही, बाकि हमनी अपन जिनगी के बुरा ढंग से जी रहली हे, तऽ हमनी झूठ बोल रहली हे। हमनी सच्चाई में नऽ जी रहली हे। ई अईसे हे जईसे हमनी अंधार में जी रहली हे।7बाकि जदि हम पवित्र तरीका से रहऽ ही, जईसे परमेश्वर हर तरह से पवित्र हथन, तऽ हम एगो दोसरा के साथे जिनगी साझा कर सकली हे। ई परमेश्वर के पवित्र ज्योति में जीये के जईसन हे। तऽ परमेश्वर हमनी के सभे पाप यीशु के लहू के द्वारा शुद्ध करतन आउर ग्रहण करतन काहेकि उनकर बेटा यीशु हमनी लागी मरलन। 8जदि हम कहऽ ही कि हम पाप नऽ करऽ ही, तऽ हम खुद के धोखा दे रहली हे। हम सच्चा बात पर विश्वास करे से इंकार कर रहली हे जौन परमेश्वर हमनी के बारे में कहऽ हथन।9बाकि परमेश्वर हमेशा ओही करऽ हथन जौन ऊ कहऽ हथन कि ऊ करतन, आउर ऊ जौन करतन ऊ हमेशा सही होवऽ हे। येहिसे जदि हमनी उनका सामने कबूल करऽ ही कि हम पाप करली हे, आउर ऊ पाप के ठुकरा दे ही तऽ ऊ हमरा हमर पापवन लागी मांफ करे में विश्वासयोग्य आउर धर्मी हथन। आउर हथन आउर ऊ हमनी के सभे अन्याय से शुद्ध करतन जौन हमनी गलत करली हे। 10काहेकि परमेश्वर कहऽ हथन कि सभे पाप करलन हे, जदि हम कहऽ ही कि हम पाप नऽ करली हे, तऽ हम अईसे बोल रहली हे जईसे कि परमेश्वर झूठा बोल रहलन हे! परमेश्वर हमनी के बारे में जौन कहलन हे, हमनी ओकरा इंकार कर रहली हे!
Bridge Connectivity Solutions Pvt. Ltd.