1 Corinthians9
1हम खाली कुछ खाय वाला चिजवन के खाय ला मजबूर नऽ ही हमर प्रभु यीशु हमरा उनका प्रेरिताई के काम करे ला भेजलन हे, आउर हम उनका अपन आँख से देखली हे। परमेश्वर हमनी के प्रभु के जौरे एक साथ मिला देलन हे, आउर एही वजह से हम तोहनी ला कड़ा मेहनत करली हे।2शायद दोसर लोग ई नऽ सोचतन कि मसीह हमरा उनका प्रेरित करे ला भेजलन हे, बाकि तूँ ई जानऽ हऽ तूँ ई येहिगुने जानऽ हऽ काहेकि जखनी परमेश्वर तोरा प्रभु के जौरे एक साथे मिला देलन तऽ तूँ ई साबित कर देलऽ कि मसीह हमरा भेजलन हे।3अखनी हम अईसन कोई आदमी से अपन बचाव कर पायेम जे ई सवाल करे ला चाहऽ हथन कि उनकर प्रतिनिधित्व करे ला मसीह हमरा भेजलन हे कि नऽ।4बरनबास आउर हम पक्का ही तोरा कह सकली हे कि तूँ हमरा खाय आउर पिये के अधिकार हे सामान भेजऽ।5का हमरा ई अधिकार नऽ हे अईसन मसीह बहिन के साथे यात्रा कर सकली हे जे मसीह पर विश्वास करऽ हथन। पतरस आउर प्रभु के भईवन के साथे, जौन लोगवन के मसीह अपन प्रेरित करे ला भेजलन हे, ऊ एही करऽ हथन। 6ई सच नऽ हे कि खाली बरनबास आउर हमहीं ही जे मसीह के अधिकार के साथे प्रतिनिधित्व करऽ ही जिनका खुद के सहारा देवे ला काम करे के चाही।7सेना में सेवा करे ला कोई भी सिपाही कहियो अपन धन खरचा नऽ करऽ हे। अईसन कोई किसान नऽ हे जे अंगूर के दाखलता के रोपके, फिन ओकरा पईदा होल फल नऽ खा हे। अईसन कोई चरवाहा नऽ हे जे भेड़वन के पाल पोस के, फिन ओकरा से दूहल गेल दूध के नऽ पियऽ हे।8हम जे दलील दे रहली हे ऊ खाली आदमियन के सोच पर निर्भर नऽ हे। बलुक, तूँ पढ़ सकलऽ हे कि हम मूसा के व्यवस्था दलील दे रहली हे।9मूसा अपन व्यवस्था में जे लिखलन हे, ऊ ई हे: “जखनी एगो बैल भूंसा से अनाज के अलग करे ला दौनी में तोहर मदत कर रहल हे, तऽ तोरा ओकरा अनाज खाय से रोके के नऽ चाही।” जबकि, परमेश्वर के मुख्य रूप से बैलवन में कोई रुचि नऽ हे। 10बलुक, ई व्यवस्था में परमेश्वर ज्यादातर हमनी के बारे में बोलऽ हथन। परमेश्वर मूसा से हमनी ला ई आज्ञा येहिगुने लिखवईलन हल काहेकि जे आदमी खेत जोतऽ हथन उनका कुछ फसल पावे के उम्मीद करे के चाही। कोई आदमी जे गेहूँ के डंठल से अनाज के अलग करऽ हथन उनका कुछ अनाज पावे के आशा रखे के चाही।11हम तोरा शुभ समाचार अईसे सुनईली, कि मानऽ हम आत्मिक बिच्चा बुन रहली हे। येही चलते, हमरा ला तोरा से आर्थिक मदत लेवे ला साधारण होत कि मानऽ हमरा ऊ बिच्चा से कुछ भौतिक चीज मिलत हल जे हम रोपली हल।12दोसरा प्रचारक के तोरा से आर्थिक मदत मिलल हे। जबकि बरनबास आउर हम तऽ एकरा तोरा से पावे ला आउर जादे के अधिकार हली। बाकि, हम तोरा से कोई मदत नऽ माँगली। बजाय एकर, हम ऊ चिजवन के बिना जाय के चुनाव येहिगुने करली ताकि हम मसीह के बारे में शुभ समाचार के फैले से नऽ रोकम।13पक्का तूँ जानऽ हऽ कि जे आदमी भवन में अपन कर्म पूरा करऽ हथन, ओखनी ऊ भोजन में से कुछ खा हथन जेकरा लोग भवन में चढ़ावऽ हथन। बड़ी खास तौर से, जे याजक वेदी पर बलि चढ़ावऽ हथन, ऊ उनका एगो भाग प्राप्त करऽ हथन जे कुछ लोग वेदी पर चढ़ावे ला हथन। 14येही रीति से, प्रभु निर्देश देलन हे कि जे कोई भी शुभ समाचार के प्रचार करऽ हथन, उनका शुभ समाचार के प्रचार कर के अपन जिनगी जिये के चाही। 15जबकि हम तोरा से एकरा में से कोई मदत नऽ माँगली। एकरा अलावे, हम अखनी तोरा अपना ला मदत माँगे ला नऽ लिख रहली हे। हम मर जाय ला पसन्द करम, बदले एकरा कि कोई ऊ चीज के छीन लेवे, जेकरा पर हम घमण्ड कर ही।16अखनी हम शुभ संदेश के प्रचार करे में घमण्ड येहिगुने नऽ कर सकली हे, काहेकि परमेश्वर चाहऽ हथन कि हमनी उनकर प्रचार करूँ। सच में, जदि हम शुभ सन्देश के प्रचार करे ला बंद कर देम, तऽ परमेश्वर हमनी पर आफत भेजतन।17जदि हम शुभ समाचार के प्रचार करम तऽ परमेश्वर हमरा येहिगुने इनाम देतन काहेकि हम अपने आप अईसन करे के चुनाव करली हे। काहेकि, परमेश्वर खुद हमरा भण्डारीपन सौंपलन हल कि हमरा का करे ला हे।18बाकि परमेश्वर तईयो हमरा इनाम देतन। ऊ अईसन तऽ करतन जब हम लोगवन के ई बात के बिना शुभ संदेश के प्रचार करऽ ही कि हमरा के जरुरत हे। काहेकि हम शुभ समाचार के प्रचार करऽ ही येहिगुने हम लोगवन के शुभ समाचार के बारे में ई तरीका से बतईली जेकरा से हम जे हमर अधिकार हे ओकर गलत इस्तेमाल नऽ करम।19बाकि हम मुफ्त में शुभ समाचार के प्रचार करऽ ही, येहिगुने हमरा कोई भी जादे अादमी के मसीह लागी सेवा करे के जरुरत नऽ हे। बाकि, हम अपने खुद सभे आदमियन के दास बने के चुनाव येहिगुने करली जेकरा से हम ओखनी में से जादे से जादे आदमी के मदत कर सकम कि ओखनी मसीह पर विश्वास करतन।20जखनी हम यहूदी आदमी के साथे होवऽ ही, तऽ हम एगो यहूदी आदमी के समान बर्ताव कर ही। अईसे हम यहूदी आदमी के मदत करऽ ही कि ऊ मसीह पर विश्वास करतन जखनी हम अईसन लोगवन के जौरे रहऽ ही जे सोचते होतन कि उनका मूसा के व्यवस्था के माने ला जरुरी हे, तऽ हम कोई अईसन आदमी के समान बर्ताव करऽ ही जे सोचऽ होतन कि उनका मूसा के व्यवस्था माने के जरुरत हे, तऽ हम कोई अईसन अादमी के जईसन बर्ताव करऽ ही जे सोचऽ हथन कि उनका मूसा के व्यवस्था के माने के जरुरत हे जबकि हम अपने आप से जानऽ ही कि हमरा मूसा के व्यवस्था माने के जरुरत नऽ हे, हम येही रीति से व्यवहार येहिगुने करऽ ही ताकि हम लोगवन के मदत कर सकम जे सोचऽ हथन कि उनका मूसा के व्यवस्था के माने ला जरुरी हे कि ऊ मसीह पर विश्वास करतन।21जखनी हम ऊ आदमियन के जौरे होवऽ ही जे मूसा के व्यवस्था के नऽ मानऽ हथन। तऽ हम कोई व्यवस्थाहीन अादमी के समान वर्ताव करऽ ही जे मूसा के व्यवस्था के पालन नऽ करऽ हथन। हम ई रीति से बर्ताव येहिगुने करऽ ही जेकरा से हम ऊ लोगवन के मदत कर सकऽ ही, जे मूसा के व्यवस्था के मानऽ नऽ हथन। कि ओखनी मसीह पर विश्वास करतन। बेशक हम परमेश्वर के व्यवस्था के अधीन ही, काहेकि हम करऽ ओही ही जेकर मसीह आज्ञा देलन हे।22जखनी हम अईसन आदमियन के जौरे होवऽ ही जौन लोग विश्वास में कमजोर होवऽ हथन तऽ हम ई रीति से व्यवहार येहिगुने कर ही ताकि हम ऊ आदमियन के मदत कर सकऽ ही जे सही आउर गलत के बढ़ियाँ से नऽ समझऽ हथन कि ओखनी मसीह पर विश्वास करतन। जईसन कि तूँ देख सकऽ हऽ कि जखनी हम अलग-अलग लोगवन के जौरे होवऽ ही तऽ हम ओईसने व्यवहार करऽ ही जईसन ओखनी करऽ हथन जेकरा से परमेश्वर ऊ सभे बात के माध्यम से काम करतन जे हम ओखनी में से कुछ के बचावे ला करऽ ही।23जईसन कि तोहनी देख सकलऽ हे कि हम ई सभे तरीका से काम येहिगुने करऽ ही काहेकि हम चाहऽ ही कि आदमी शुभ समाचार पर विश्वास करतन। एकरा अलावे, हम ई कामवन के येहिगुने कर ही जेकरा से हम शुभ समाचार में परमेश्वर के प्रतिज्ञा में सहभागी बनम।24पक्का तौर से तूँ जानऽ हऽ कि सभे दौड़े वाला दौड़ में भाग ले हथन बाकि अन्त में खाली एगो दौड़े वाला ही दौड़ के जीतऽ हथन आउर जीते के इनाम पावऽ हथन। जखनी तूँ परमेश्वर के सेवा करऽ हऽ तऽ ई बड़ी कुछ अईसन दौड़ के समान होवऽ हे। परमेश्वर जे वादा तोरा से करलन ओकरा पा लेवे ला तोरा ओईसने कड़ा मेहनत करे के जरुरी हे, जईसन दौड़े वाला दौड़ के जीते ला कड़ा मेहनत करऽ हथन।25सभे दौड़े वाला जे कुछ करऽ हथन ओकरा सावधानीपूर्वक काबू में येहिगुने करऽ हथन ताकि ओखनी जीत सकतन। ओखनी पतवन से बनल एगो अईसन ताज ला प्रतिस्पर्धा कर हथन जे खतम हो जायेत। बाकि हम अपने आप के काबू में येहिगुने कर ही जेकरा से हम ऊ प्राप्त कर सकम जे परमेश्वर हमरा देवे ला वादा करलन जे हे अविनाशी रहत। 26येही चलते हम ऊ दौड़े वाला के जईसन ही जे अंतिम रेखा के ओर सीधा दौड़ऽ हथन। हम ऊ मुक्केबाज के समान ही जे बिना चुकले कोई विपक्षवाला पर हमला करऽ ही।27बाकि हम अपन देह के अपन वश में कर के ओकरा अपन दास बना लेली हे, अईसन नऽ होवे कि दोसरा के प्रचार कर के अपने आप के दोषी ठहरायेम।
Bridge Connectivity Solutions Pvt. Ltd.