1 Corinthians8
1अखनी हम ऊ मांस के बारे में बात करे के तरफ बढ़ रहली हे जे कोई आदमी दोसरा देऊता के चढ़ईलन हे। हमनी सभे जे विश्वासी ही ऊ बात जानऽ ही जे दोसरा देऊता के बारे में सच हे। जबकि, जादेतर जे सच होवऽ हे ओकरा जानला पर लोग के घमण्ड होवऽ हे। ई दोसरा से प्रेम करे ला हे जे सचमुच में दोसरा विश्वासियन के मदत करऽ हे।2सभे लोग जे ई मानऽ हथन कि ऊ समझदार हथन, ऊ अखनी तक ओकरा ई रीति से नऽ समझलन हे जईसन ओखनी के उनका समझे के चाही।3जबकि, परमेश्वर ऊ सभे लोगवन के समझऽ हथन आउर ओखनी के चिंता करऽ हथन जे उनका से प्रेम करऽ हथन।4अखनी हम ऊ बारे में बात करे लागी वापस जायेम कि ऊ मांस जे कोई दोसरा मूर्ति के चढ़ईलन हे खाय के चाही कि नऽ। हम जे परमेश्वर पर विश्वास करऽ ही ई समझऽ ही कि दोसरा मूर्तियन के संसार में सच में कोई वजूद नऽ हे। बाकि, हमनी समझऽ ही कि खाली परमेश्वर ही एगो मात्र ईश्वर हथन। 5ई सच हे कि स्वर्ग में चाहे धरती पर अईसन ढेरमनी चिजवन हे जेकरा लोग "देऊता" कहऽ हथन। ई रीति से, ढेरमनी "ईश्वर" आउर "प्रभु" वजूद में हे।6जबकि, हमनी जे विश्वासी ही ऊ एगो परमेश्वर के मानऽ ही, जे पिता हथन। ओही सभे कुछ रचलन हे, आउर उनकर इज्जत करे लागी ही हमनी के वजूद हे। हमनी एगो प्रभु के मानऽ ही, जे यीशु मसीह हथन। ऊ पिता के जौरे सभे कुछ रचलन, आउर जे ऊ हमनी लागी करऽ हथन उनकरे द्वारा हमनी के वजूद हे। 7जबकि, हम जे कहली हे कुछ लोग ओकरा पूरा तरह से नऽ समझऽ हथन। ओखनी पुरनका जमाना से दोसरा मूर्तियन के उपासना करऽ हलन, आउर ओखनी बढ़ियाँ से नऽ समझऽ हथन कि का सही हे आउर का गलत हे। जखनी ओखनी ऊ मांस के खा हथन जे कोई दोसरा मूर्ति के चढ़ईलन हे, तऽ ओकर विवेक अशुद्ध महसूस करऽ हथन।8अखनी खाना-पीना हमनी के परमेश्वर से नऽ जोड़ऽ हे। जे लोग कुछ खाय-पिये के समान के नऽ खा हे, ऊ परमेश्वर के कोई भी चीज पावे से अलग नऽ रहऽ हे। साथे-साथ, जे लोग कुछ खाय वाला चीज के खा हे, ओखनी के परमेश्वर से कुछ अलग से जादे नऽ मिलऽ हे।9जबकि, जदि तूँ जानऽ हऽ कि भोजन जरुरी नऽ हे तऽ तोहनी के ई बारे में सावधान रहे के जरुरत हे आउर अधिकार हे कि तूँ कईसन जिनगी जियऽ हऽ। तूँ जईसन जिनगी जियऽ हऽ, ऊ यीशु के आज्ञा में चले लागी संघर्ष करे में कोई अईसन आदमी के ई बात के अधूरा समझे के कारण नऽ बने के चाही कि का सही हे आउर का गलत हे।10तोरा सावधान रहे के जरुरत येहिगुने भी हे काहेकि तोर साथी विश्वासी कोई अईसन विश्वासी के गौर से देख सकलन हे जे कि दोसरा देऊतवन के सच्चाई के बारे में जानऽ हे आउर तईयो दोसरा देऊता के मन्दिर में मांस खाय लागी बईठ जा हे। अईसन साथी विश्वासी, जेकर विवेक सही आउर गलत के पूरा रीति से नऽ समझऽ हे, मतलब कि जे विश्वास में कमजोर हे ओखनी के ई विश्वास हो जाय कि ऊ मांस के खा सकली हे जे कोई आदमी दोसरा देऊता के चढ़ईलन हे।11एकर नतीजा, तूँ जे दोसरा देऊतवन के सच्चाई के बारे में जानऽ हऽ ओकर आधार पर नाटक कर के, तूँ ऊ दोसरा लोगवन के नुकसान करऽ हऽ जे सही आउर गलत के बढ़ियाँ से नऽ समझऽ हथन। ई तोहर साथी विश्वासी हथन, आउर मसीह उनका लागी भी मरलन।12जखनी तूँ अईसन ढंग से काम करऽ हऽ, तऽ तूँ अपन साथी विश्वासियन के जेकर विवेक सही आउर गलत के बढ़ियाँ से नऽ समझऽ हथन, ऊ काम के करे के ओर अगुवाई कर के उनकर विरोध में पाप करऽ हऽ जेकरा ऊ गलत मानऽ हथन। अईसन कर के, तूँ मसीह के खिलाफ पाप करऽ हऽ।13एकर नतीजा से, ऊ मामला में जहाँ जे हम खा ही जदि ऊ कोई साथी विश्वासी के ठोकर खिलावऽ हे, तऽ हम सदा ला मांस नऽ खायेम, चाहे कोई एकरा कोई दोसरा देऊता के चढ़ावल हे चाहे नऽ अईसे कर के, हम अपन कोई साथी विश्वासी के ठोकर के कारण नऽ बनऽ ही।
Bridge Connectivity Solutions Pvt. Ltd.