1 Corinthians10
1हे साथी विश्वासियन, अखनी हम तोरा याद दिलावे ला चाहऽ ही कि हमर सभे यहूदी पुरखावन ऊ घड़ी परमेश्वर के मानलन हल जखनी ऊ ओखनी के एगो बादल में होके देखाई दे हलन। जखनी परमेश्वर पानी के बीच में से ओखनी ला सुखल राह बनईलन, तऽ ऊ सभे लाल समुद्र से होके चललन। 2ई अईसन हल कि मानऽ कोई ऊ सभे के येहिगुने बपतिस्मा देलन कि मूसा के चेला हो जईतन। ई ऊ घड़ी घटित होल जखनी ओखनी बादल के पीछा करलन आउर लाल समुद्र से होके चललन।3ऊ सभे मिल के ऊ खास आत्मिक भोजन खईलन जे परमेश्वर ओखनी के देलन। 4ऊ सभे मिल के ऊ खास आत्मिक पानी पियलन जे परमेश्वर ओखनी के देलन हल। ई ऊ घड़ी हल जखनी ओखनी ऊ खास चट्टान से निकलल पानी पियलन जेकरा परमेश्वर देलन हल आउर जे उनकर पीछे-पीछे चलऽ हलन। ऊ पानी कुछ अईसन हल जे मसीह देलन हल। 5बाकि हमर ज्यादातर यहूदी पुरखा परमेश्वर के पसन्द नऽ करलन। तूँ कहऽ सकलऽ हे कि ई सच हे काहेकि ओखनी सुखल जगह से यात्रा करते मर गेलन। 6उनकर जौरे जे घटना घटल, ऊ बतावऽ हे कि हमरा कईसन वर्ताव करे के चाही। उनका साथे जे घटल हल, ओकरे द्वारा परमेश्वर हमरा चेतौनी दे हथन कि हम बुराई करे से बचम जबकि ओईसन बुरा काम जे ओखनी करलन हल।7तोरा मूर्तियन के उपासना नऽ करे के चाही जईसन कि हमर कुछ यहूदी पुरखावन करलन हल। तूँ बोल सकलऽ हे कि ओखनी मूर्तियन कि उपासना करलन हल, काहेकि मूसा शास्त्र में लिखलन, “इस्राएलियन खाना पीना शुरु करलन आउर फिनो गलत यौनाचार के तरीका से दोसर देऊतवन के उपासना करलन।” 8हमनी के गलत यौन सम्बन्ध नऽ बनावे के चाही, जईसन कि हमर कुछ यहूदी पुरखा करलन। काहेकि ओखनी अईसन करलन येहिगुने ओखनी में बत्तीस हजार एक दिन में मर गेलन। 9आउर नऽ ही प्रभु के परीक्षा करऽ, जईसे कि उनका में से बड़ी मनी उनकर परीक्षा लेलन आउर साँपवन के जरिये नाश करल गेलन। 10तोहनी के शिकायत नऽ करे के चाही जईसन कि हमर कुछ यहूदी पुरखा करलन हल। काहेकि ओखनी अईसन करलन येहिगुने एगो भयानक प्राणी जेकरा परमेश्वर भेजलन ओखनी के मार देलक।11हमनी के पुरखा जौन बतावे के अनुभव करलन ओखनी बतावऽ हथन कि हमरा कईसन व्यवहार करे के चाही। सही में कोई ओखनी साथे जे होल ओकरा लिख लेलन जेकरा से हमनी सीख सकम, काहेकि हम ओही आदमी ही जे संसार अन्त के दिन का अनुभव कर रहली हे।12जईसन कि ऊ खिस्सवन में बतावल गेल कि जे आदमी सोचते हलन कि ओखनी मसीह पर मजबूती से विश्वास करऽ हथन आउर स्थिर हथन, ओखनी ई पक्का चाहतन कि ओखनी मसीह के माने में निराश नऽ होतन।13दोसर लोग ऊ बात के महसूस करलन जे तोरा लुभावऽ हे। एकर अलावे, परमेश्वर विश्वासयोग्यता से काम करतन। जदि तूँ ओकर ओकरा विरोध नऽ कर सकऽ हऽ तऽ ऊ तोरा अईसन कोई भी बात के अनुभव नऽ करे देतन जौन तोरा हे। बजाय एकर, जब कोई बात तोरा लुभावऽ हे तऽ ऊ तोरा ऊ देतन जेकरा तोरा करे के जरुरत हे। 14हे प्रिय साथी विश्वासियन जिनका से हम प्रेम करऽ हथन, येहिगुने हम जानबूझ के कहली कि मूर्तिपूजा करे से बचऽ।15हम ई रीति से बात येहिगुने कर रहली हे काहेकि हमरा लगऽ हे कि तूँ समझदार आदमी हऽ। तूँ खुद न्याय करऽ कि हम जे कहे वाला ही ऊ सही हे कि गलत।16जखनी हमनी प्रभु भोज में ऊ दाखमधु पियऽ ही जेकरा पर हम आशीष माँगऽ ही, तऽ हमनी खुद के एक साथे मसीह के लहू से साझा करऽ ही। जब हम ऊ रोटी के खा ही, तऽ हम खुद के एक साथे मसीह के देह से जोड़ऽ ही।17हम प्रभु भोज में एक्केगो रोटी के इस्तेमाल कर ही आउर हमनी आपस में सभे कोई मिल के ऊ एगो रोटी के टुकड़ा खाय में भागी होवऽ ही। काहेकि हम अईसन करऽ ही, येहिगुने हम एक साथे अईसन जुड़ जा ही जईसन कि हम सभे एक देह ही।18इस्राएल के लोगवन के एगो उदाहरण के रूप में लऽ। जे लोग कुछ चढ़ावा चढ़ावऽ हलन, ओखनी अपन बलिदान में से कुछ खा ले हलन। येहिगुने एकर मतलब ई हे कि ओखनी अपने आप के ऊ वेदी से सहभागी कर लेलन जहाँ याजक ऊ बाकि के समान के परमेश्वर के सामने रखतन जेकरा ओखनी चढ़ईलन हल।19येहिगुने हम दलील दे रहली हे कि ऊ मांस जे केकरो दोसर मूर्ति के चढ़ईलन हे आउर ऊ कोई देऊता भी शक्तिशाली चाहे महत्वपूर्ण नऽ हे।20जबकि, तोरा पता होवे के चाही कि जे लोग परमेश्वर के आराधना नऽ करऽ हथन, ओखनिये बलिदान चढ़ावऽ हथन आउर ओखनी ओकरा परमेश्वर के नऽ, बाकि दुष्टात्मा के चढ़ा रहलन हे। हम चाहऽ ही कि तोहनी खुद के दुष्टात्मा के सहभागी से बचिहऽ। 21तूँ प्रभु के दाखमधु आउर साथे ही दुष्टात्मा के दाखमधु नऽ पी सकलऽ हे तूँ प्रभु के भोजन के साथही दुष्टात्मावन के भोजन में भागी नऽ हो सकलऽ हे। 22जे ई दूनो काम करऽ हथन उनका ई माने के चाही कि प्रभु उनका खिलाफ जलन में होके काम करतन। एकरा अलावे, हम पक्का तौर से ओकरा से कम शक्तिशाली ही। 23तोहनी में से कुछ कहऽ हथन “हम कुछ भी कर सकली हे आउर दोषी नऽ रहम” जबकि हम कहऽ ही कि कुछ बात केकरो ला भी मदतगार नऽ होवऽ हे। फिनो से, तोहनी में से कुछ कहऽ हथन, “हम कुछ भी कर सकली हे आउर दोषी नऽ ठहरम।” काहेकि, हम ई कहऽ ही कि कुछ बात तोरा बढ़े में मदत नऽ करऽ हे।24तोहनी ला जे बढ़ियाँ हे ऊ पावे ला कड़ा मेहनत नऽ करऽ। बलुक, तोहनी के ओकरा पावे ला कड़ा मेहनत करे के के चाही जे दोसर ला बढ़ियाँ हे।25तूँ अईसन कोई भी भोजन खा सकलऽ हे जेकरा तूँ सामूहिक बाजार से खरीदऽ हऽ। तोरा ई विवेक के चलते जाँच करे के जरुरत नऽ हे कि ई कहाँ से अईलक हे जेकर से तूँ जान सकवऽ कि एकरा खाना सही हे कि गलत।26तूँ अईसन येहिगुने कर सकलऽ हे काहेकि दाऊद लिखलन हे, “धरती आउर ओकरा से जुड़ल सभे चीज प्रभु के हे।” 27कोई समय जे लोग विश्वास नऽ करऽ हथन ओखनी तोरा से उनका साथे भोजन करे ला विनती कर सकलन हे, आउर तोहूँ भी अईसन करे ला फईसला ले सकलऽ हे। जखनी अईसन घटित होवऽ हे, तऽ तूँ ऊ सभे भोजन खा सकलऽ हे जे ओखनी तोरा परोसऽ हथन। तोरा विवेक के चलते ई सवाल करे के जरुरत नऽ हे कि ई कहाँ से अईलक हे ताकि तूँ जान सकऽ कि एकरा खाना सही हे कि गलत।28जबकि, कोई आदमी तोरा बता सकलन हे कि एगो आदमी कोई देऊता के ऊ भोजन चढ़ईलन हे। ई हालत में, तोरा ऊ भोजन के विवेक के चलते नऽ खाय के चाही। तोरा ई रीति से व्यवहार करे के चाही कि ऊ आदमी के फायदा पहुँचे जे तोरा भोजन के बारे में बतईलन हल आउर ई जाने के कारण कि सही आउर गलत का हे।29अखनी हम तोर नऽ, बाकि दोसरा के विवेक कहऽ ही। हमर आजादी के न्याय दोसरा के विवेक से काहे करल जा हे?।30कोई भी भोजन खाय के समय जखनी तक हम परमेश्वर के सहभागी ही तखनी तक कोई के भी हमरा बारे में अईसन कोई भी बात के कारण बुरा बात नऽ बोले के चाही, जेकरा ला हम परमेश्वर के धन्यवाद देली हे।31सारांश में जखनी भी तूँ कुछ भी खा चाहे पियऽ, आउर सचमुच में जखनी भी तूँ कुछ करऽ, तऽ तोरा हमेशा अईसन वर्ताव करे के चाही ताकि तूँ आउर दोसर आदमी परमेश्वर के सम्मान करतन।32अईसन तरीका से वर्ताव नऽ करिहऽ जे यहूदी लोग, गैरयहूदी लोगवन, चाहे साथी विश्वासियन के मसीह पर भरोसा करे से परमेश्वर के कलीसिया के ठोकर के कारण बने। 33हम जईसन जिनगी बितावऽ ही, ओकरा हमरा एकरा कईसे करे ला हे का बखान करऽ ही। हम हमेशा अईसन तरीका से वर्ताव कर ही जेकरा से हमर आस पास के सभे लोग स्वीकार करऽ हथन। जे हमरा ला बढ़ियाँ हे हम ऊ पावे ला कड़ा मेहनत कर ही बलुक हम ओकरा पावे ला कड़ा मेहनत कर ही जे दोसरा लागी बढ़ियाँ हे। हम ई येहिगुने करऽ ही ताकि परमेश्वर उनका उद्धार करतन।
Bridge Connectivity Solutions Pvt. Ltd.